136°E / 35°N 136°E / 35; 136
Ti Hapon (Pagsasao a Hapon:日本, Nihon; ti nadadaan a pormal nga awag ket Nippon) ket maysa nga isla a pagilian a masarakan iti Taaw Pasipiko, iti daya ti Korea ken Tsína, a naibartay manipud iti Baybay Okhotsk iti amianan agingga iti Baybay Daya a Tsína iti abagatan. Buklen ti nasurok a 3,000 nga is-isla, ti kadakkelan kadagitoy ket dagiti isla ti Hokkaido, Honshu, Shikoku, ken Kyushu. Kaaduan kadagiti isla ti Hapon ket kabambantayan ken adu kadagitoy ti addan bulkan. Ti kangatuan amin a tuktok ken ti Bantay Fuji.
Hapon 日本国 Nippon-koku wenno Nihon-koku | |
---|---|
Nailian a kanta: Kimigayo (君が代) | |
Gobierno a Selio iti Hapon 五七桐 | |
Kapitolio ken kadakkelan a siudad | Tokyo (de facto) 35°41′N 139°46′E / 35.683°N 139.767°E |
Opisial a sasao | Awan |
Mabigbig a rehional a sasao | Aynu itak, Dagiti pagsasao a Ryukyuan, Dumaya a Hapon, Lumaud a Hapon, ken dagiti dadduma pay Dagiti Hapon a dialekto |
Nailian a pagsasao | Hapon |
Grupgrupo ti etniko | 98.5% Hapon, 0.5% Koreano, 0.4% Insik, 0.6% dadduma pay |
Nagan dagiti umili | Hapon |
Gobierno | Unitario parlamentario a demokrasia ken batay-linteg a monarkia |
• Emperador | Naruhito (徳仁) |
• Kangrunaan a Ministro | Fumio Kishida (岸田 文雄) |
Lehislatura | Dieta iti Hapon (Kokkai) |
Kamara dagiti Konsilo (Sangiin) | |
Kamara dagiti Pannakabagi iti Hapon (Shūgiin) | |
Panakabangon | |
• Aldaw ti Nailain a Panakabangon | Pebrero 11, 660 BC |
• Meiji a batay-linteg | Nobiembre 29, 1890 |
• Agdama a batay-linteg | Mayo 3, 1947 |
• Tulag iti San Francisco | Abril 28, 1952 |
Kalawa | |
• Dagup | 377,944 km2 (145,925 sq mi) (Maika-62) |
• Danum (%) | 0.8 |
Populasion | |
• Karkulo idi 2011 | 127,960,000 (Maika-10) |
• Senso idi 2010 | 128,056,026 |
• Densidad | 337.1/km2 (873.1/sq mi) (Maika-36) |
GDP (PPP) | Karkulo idi 2011 |
• Dagup | $4.396 trillion (Maika-4) |
• Tunggal maysa a tao | $34,362 (Maika-25) |
GDP (nominal) | Karkulo idi 2011 |
• Dagup | $5.855 trillion (Maika-3) |
• Tunggal maysa a tao | $45,774 (Maika-18) |
Gini (2008) | 37.6 kalalainganna · Maika-76 |
HDI (2013) | 0.890 nangato unay · Maika-17 |
Kuarta | Internasional a Simbolo ¥ Maibalikas a (Yen) Hapon a Simbolo 円 wenno 圓 Maibalikas (En) (JPY) |
Sona ti oras | UTC+9 (JST) |
• Kalgaw (DST) | UTC+9 (saan a masursurot) |
Pormat ti petsa | yyyy-mm-dd yyyy年m月d日 Panawen yy年m月d日 (CE−1988) |
Pagmanehuan | kanigid |
Kodigo ti panagtawag | 81 |
TLD ti internet | .jp |
Ti Hapon ti maikadua a kadakkelan ti ekonomiana a pagilian iti sangalubongan (Ti Estados Unidos ti umuna) ken maysa kadagiti nangnangruna nga industrialisado a pagilian iti lubong. Maysa a unitario a batay-linteg a monarkia nga addaan iti emperador ken mabutbutosan a parlamento, ti Dieta, a maysa kadagiti kadaanan a lehislatura iti Asia. Maysa ti Hapon kadagiti kadadakkelan iti populasion a pagilian iti lubong. Ti kapitoliona a Tokyo, nga addaan iti nasurok a 30 riwriw nga agtaeng, ket ti maibilang a kadakkelan a metropolitano a lugar iti lubong.
Naguduagudua ti Hapon iti 47 a prepektura, a kadawyan a nagrupo kadagiti rehion. Ti Honshu, ti kadadakkelan ken kaaduan ti populasionna nga isla, ket naguduagudua iti lima wenno ad-adu pay a rehion. Dagiti dadduma a dadakkel nga is-isla ket addaan saggaysa a rehion.
Manipud iti amianan agpaabagatan, dagiti sumaganad dagiti rehion:
Rehion | Prepektura |
---|---|
Hokkaido | Hokkaido |
Tohoku | Akita, Aomori, Fukushima, Iwate, Miyagi, Yamagata |
Kanto | Chiba, Gunma, Ibaraki, Kanagawa, Saitama, Tochigi, Tokyo |
Chubu | Aichi, Fukui, Gifu, Ishikawa, Nagano, Niigata, Shizuoka, Toyama, Yamanashi |
Kansai | Hyogo, Kyoto, Mie, Nara, Osaka, Shiga, Wakayama |
Chugoku | Hiroshima, Okayama, Shimane, Tottori, Yamaguchi |
Shikoku | Ehime, Kagawa, Kochi, Tokushima |
Kyushu | Fukuoka, Kagoshima, Kumamoto, Miyazaki, Nagasaki, Oita, Saga |
Okinawa | Okinawa |
Dagiti prepektura ket nabingbingay pay kas siudad, ili ken bario. Dagiti kangrunaan a siudad ket nabennebenneg kas elektoral a distrito (Ingles: wards), ti tengnga a paset ti Tokyo ket nabingay iti 23 nga espesial nga elektoral a distrito.
This article uses material from the Wikipedia Ilokano article Hapon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.