Finlandia

Illo es bastante nove, proque le stato esseva un "principato autonome" de Russia de 1808 a 1917; ante alora, illo esseva regite per Svedia de 1154 a 1808.

Finlandia
Bandiera Scuto de armas
Hymno: Maamme
Nomine native	Suomi, Finland
Classe	stato soveran[*], pais, stato unitari[*], country bordering the Baltic Sea[*], OECD country[*]
Pais	Finlandia
Capital	Helsinki, Turku
Population	5 608 218
Area	338 478,34 km²
Coordinatas	65°N, 27°E
Linguas official	Lingua finnese, svedese
Fuso horari	UTC+02:00[*], UTC+03:00[*], Europe/Helsinki[*], Eastern European Time[*], Eastern European Summer Time[*]
Codice telephonic	+358
Valuta	Euro, Finnish markka[*]
Dominio de Internet	.fi[*]
ISO 3166-1 alpha-2	FI
ISO 3166-1 alpha-3	FIN
ISO 3166-1 numeric	246
Codice IOC	FIN
Geonames ID	660013
Sito web: https://finland.fi/
Wiki Commons Category Finland

Le prime habitantes arrivava al pais 10 900 annos retro. In le epocha medieval Svedia conquireva le parte occidental del pais, e le stato de Novgorod (Russia) le parte oriental.

In 1809 Finlandia deveniva un parte del imperio de Russia secundo le pacto de Tilsit inter Napoleon e tsar Alexander I de Russia. Ma le nove principato del tsar reteneva un autonomia distincte, e con un proprie codice de leges, derivate ab Svedia, e con un proprie administration civil, que travaliava in svedese e finnese.

Le independentia esseva attingite in decembre 1917 a causa del chaos in Russia post le colpo de stato de Lenin e su bolshevikos un mense antea. Post un breve guerra civil in 1918 inter le "blancos" (le bloc conservative) e le "rubeos" (le sinistre revolutionari) que concludeva in un defaite "rubee", Finlandia deveniva un membro del familia del paises democratic scandinave.

Depost, inter 1939 e 1944, Finlandia participava in le secunde guerra mundial, in que illo perdeva un grande parte de su territorio. Post le guerra Finlandia ageva como un pais neutral durante le guerra frigide. Le pais esseva dirigite alora per le presidente Urho Kekkonen, qui governava de 1956 a 1981.

Hodie, Finlandia es cognoscite in le mundo pro un alte nivello de technologia. Illac on produce per exemplo telephonos cellular de Nokia. Post le disintegration del Union Sovietic le pais se jungeva al Union Europee. Comocunque, nunc le cambio demographic causa un grande defia pro le disveloppement del pais.

Le capital del pais es Helsinki. Altere citates importante es Espoo, Vantaa, Turku, Tampere, Oulu, Kuopio, Joensuu, Rovaniemi e Jyväskylä.

In le parlamento finlandese il ha 200 membros, eligite cata quatro annos.

Situation post le election del april 2011:

• Partito Central35
• Partito Social-democrate42
• Partito del Coalition (dextra)44
• Union del Sinistra 12
• Union Verde 10
• Partito popular svedese 10
• Partito Democrate Cristian 6
• Le ver finnos 38
• Grupo sinistra 2
• "Muutos 2011" 1

Le proxime election habera loco in le anno 2015.

• Jean Sibelius
• Mannerheim
• Tove Jansson, autor de libros Moomin
• Paavo Nurmi
• Mika Waltari
• Martti Ahtisaari
• Linus Torvalds

• Hjalmar Magnus Eklund

Un pagina administrate per le ministro de affaires exterior de Finlandia (in anglese)