Uganda: Stat we wuchodnej Africe

Stolica a najwjetše město Ugandy je Kampala.

Republika Uganda

hesło For God and My Country („Za Boha a mój kraj“)
zakładne daty:
swójske mjeno	Jamhuri ya Uganda' Republic of Uganda
stolica	Kampala
přestrjeń	241.040 km²
wobydlerstwo	37.101.745 (2015)
hustosć	153,9 wob./km²
forma knježerstwa	prezidialna republika
hłowa stata	prezident Yoweri Museveni (wot 1986)
šef knježerstwa	premier Robinah Nabbanja (wot 2021)
měna	ugandiski šiling
hamtska rěč	jendźelšćina, swahilšćina,
hymna	Oh Uganda, Land of Beauty
časowe pasmo	UTC+3
Top Level Domain	.ug
telefon	+256
awtowa značka	EAU
Połoženje Ugandy na zemi
p • d • w

 

Uganda leži w srjedźnej Africe při ekwatorje na Ugandaskej wysočinje we wysokosći wot zwjetša wjace hač 1000 metrow. Susodne kraje su Južny Sudan na sewjeru, Kenija na wuchodźe, Tansanija na juhu, Ruanda na juhozapadźe a Demokratiska republika Kongo na zapadźe. Kraj ma podźěl na třoch wulkich jězorach regiona, nimo Viktoriaskeho jězora, kotrehož sewjerna połojca do Ugandy słuša, stej to Albertowy a Edwardowy jězor, wobaj při zapadnej hranicy z Kongom. Wšě tři jězory słušeja do přitočnišća Nila.

Najwyše hory Ugandy nadeńdu so w horinach Ruwenzori při zapadnej hranicy (Margherita Peak, 5110 m). Ze 610 metrami najhłubše městno leži při delnim běhu Albertoweho Nila blisko sudanskeje hranicy.

Klima w Ugandźe je poprawom tropiska, dla wysokeho połoženja pak chłódniša hač na přikład w susodnej Keniji.

Na čole Ugandy steji hižo wot lěta 1986 prezident Yoweri Museveni.