Astronomija (z grjekskeho ἀστρονομία (astronomía) „wědomosć, kotraž zakonje hwězdow studuje“) je přirodowěda, kotraž přepytuje njebjeske objekty a fenomeny.
Wužiwa matematiku, fyziku a chemiju, zo by jich pochad a wuwiće wujasniła. K objektam jeje zajima słušeja na přikład planety, měsački, hwězdy, galaksije a komety. Powšitkownišo wobhladuje astronomija wšitko, štož so zwonka zemskeje atmosfery stawa. Kosmologija je hałuza astronomije, kotraž uniwersum jako cyłk přepytuje. Zo bychu dopóznaća wo uniwersumje zdobyli, wužiwaja astronomojo teleskopy, swětnišćowe sondy a superkompjutery. Znaty serbski astronom bě Jakub Bartsch z Lubanja.
This article uses material from the Wikipedia Hornjoserbsce article Astronomija, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.