She greie ta lhiggey da deiney eamyn çhellvane y yannoo as y gheddyn harrish kiangley radio as ad gleashaghey harrish ard lhean eh yn shooylagh ny yn gleashagh.
Ta'n shooylagh abyl eh shen y yannoo trooid kiangley rish moggyl killagagh ta goll er kiarail ec obbreyder çhellvane shooylagh, as eh lhiggey da'n chiangley rish y voggyl çhellvane theayagh. Er y laue elley, cha nel y çhellvane gyn streng goll er ymmyd agh faggys da bun-stashoon preevaadjagh.
Myrane lesh y çhellvaneys, ta shooylee noa-emshyragh kiarail shirveishyn elley lheid as SMS (çhaghteraghtyn teks), MMS (çhaghteraghtyn jallooyn), post-L, so-roshtynys da'n eddyr-voggyl, shirveishyn çhellinsh giare-orraghey (fo-yiarg, Bluetooth), applacaidyn dellal, gammanyn as fotografeeaght.
Hie yn chied hooylagh magh er ny haishbyney ec John F. Mitchell as Martin Cooper ass Motorola 'sy vlein 1973 as y greie oc 2.2 punt (1 kg) er trimmid. By eh yn DynaTAC 8000x, 'sy vlein 1983, y chied hooylagh va ry-gheddyn dy mennick er y vargey. 'Sy vlein 1990 cha row agh 12.4 millioon d'eeckys-olteynyn ayn, agh 'sy vlein 2011 va ny smoo na 6 billioon.
This article uses material from the Wikipedia Gaelg article Shooylagh, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.