Couyll
She treeoo lettyr abbyrlhit ny Gaelgey eh couyll (C, c), rere'n abbyrlhit Romanagh, as myr shen, treeoo lettyr ny abbyrlhittyn elley haink ass.
| Couyll - Romanagh | |||
|---|---|---|---|
| Shennaghys as aase | |||
| Proto-Semetagh |  | ||
| Feaneeckagh |  | ||
| Shenn Ghreagagh |  | ||
| Greagagh |  | ||
| Etruscagh |  | ||
 | |||
| Cosoylaghey | |||
  Gaelgagh |  Roonagh |   Coptagh* |  Kyrillagh* |
| Troyn | |||
| Rhank 'syn abbyrlhit: | 3 | ||
| Feeu earrooagh: | 100 (Romanagh) | ||
| Keealyn | |||
Oaylleeaght: bieauid soilshey ayns folmid (c) Oaylleeaght: bieauid sheean (c) Oaylleeaght: çhiassid er lheh (c) Oaylleeaght: coulomb (C), ny howse lught lectragh Oaylleeaght: beayn-earroo co-hymney Kemmig: cytosine (C) Kemmig: carboan (C) Çhengoaylleeaght: 'syn ASE, corockle /c/ ny [c] Earrooyn Romanagh: 100 (C) Kiaull: y treeoo notey | |||
Shennaghys
T'ad gra dy daink couyll jeh screeu caslys jeh cass ghow 'syn abbyrlhit Proto-Sinaitagh. Haink y cowrey shoh trooid coryssyn screeu Feaneeckagh, Greagagh, Etruscagh as Romanagh dys y chummey t'ayn nish. Ec Etruscish, cha row /g/ erbee, agh va tree cummaghyn /k/ eck. Ayns Ladjyn, ren ny Romanee ymmyd jeh tree lettyryn: Q, K as C hene, son dy chowraghey /k/ as /g/ (nagh jagh er eddyrscarrey ayns screeuyn), bentyn rish çhymbyllaght y heean. Dy ghra myr shen, v'ad screeu Q roish breeocklyn runtit, K roish /a/, as C ayns buill elley. 'sy 3oo eash RJC, haink stiagh cummey jeh G (Coadan:Early Latin G.JPG) son /ɡ/, as dreill ad C son /k/. Haink C (as G) ayns ynnyd jeh K as Q, son y chooid smoo. Myr shen, 'syn eash chlassicagh as erash, va G cosoylagh rish gamma as C cosoylagh rish kappa ayns aascreeu screeu Greagagh dys screeu Romanagh. Myr sampleyr, "KA∆MOΣ, KYPOΣ, ΦΩKIΣ," Greagagh, "CADMVS, CYRVS, PHOCIS" Romanagh.
'sy Ghaelg hene, ta'n lettyr çheet jeh'n abbyrlhit Baarleagh liorish obbyr John Phillips, Aspick Sodor as Mannin, as e lheid cairscreeu y yannoo son y Ghaelg ayns ny 1700yn.
Cosoylaghey
Ta C ry-akin son y çheean /k/ (corockle bleaystagh coghooysagh 'syn ASE) ayns ymmodee abbyrlhittyn haink ass yn abbyrlhit Romanagh, myr sampleyr, Bretnish. Ayns kuse jeu, ta feeuyn elley echey, goaill stiagh /c/ (corockle bleaystagh cleaoil) as /s/ (corockle screebagh cooyl-eeacklagh). T'eh ry-akin myrane lesh h myrgeddin, son /t͡ʃ/ dy mennick, as shen çh 'sy Ghaelg. Ga dy vel lettyr casley rish ry-akin ayns abbyrlhittyn elley, cha nel y feeu cheddin echey. Ayns ny h-abbyrlhittyn Kyrillagh as Coptagh, ta lettyr casley rish C çheet er /s/ (S 'sy Ghaelg).
Coadyn co-earrooder
Ayns Unicode, ta C mooar ec U+0043 as c beg ec U+0063.
Ayns ASCII, ta C mooar ec 67 as c beg ec 99. Ayns earrooyn jeesoil, shen 01000011 as 01100011.
Ayns EBCDIC, ta C mooar ec 195 as c beg ec 131.
Ayns HTML as XML, ta C mooar ec "C" as a beg ec "c".
Imraaghyn
This article uses material from the Wikipedia Gaelg article Couyll, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.