Natuerkunde
Natuerkunde is de wittenskip fan de matearje.
Der wurdt ek wol sein dat natuerkunde de net-libbene natuer bestudearret. De natuerkunde is in eksakte wittenskip.
Natuerkundigen bestudearje it gedrach en de ynteraksje fan matearje yn romte en tiid. It wurd "matearje" moat dêrby breed opfette wurde; it kin massa op makroskopyske skaal wêze, mar ek bygelyks elektromagnetyske strieling of yndividuele elemintêre dieltsjes en harren ynteraksjes. De natuerkundige bestudearret de eigenskippen fan de eleminten en ferbinings, lykas bygelyks faze-oergongen, kristalstruktuer, fiskositeit en waarmtelieding, en besiket in útlis foar dy eigenskippen te finen.
Natuerkunde hat te krijen mei de measte oare eksakte wittenskippen:
- Skiekunde, dêr't sjoen wurdt nei reaksjes tusken ferskillende stoffen (fysyske gemy);
- Biology, dy't him benammen dwaande hâldt mei de libbene matearje (biofysika);
- Ierdwittenskip (geofysika, stjerrekunde).
This article uses material from the Wikipedia Frysk article Natuerkunde, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.