Oceanie

Intal fevelâ comun, e in gjenar in sens plui larc, cun Oceanie si intint il continent che al inclût ancje la Australie e la Gnove Zelande.

La ripartizion tradizionâl de Oceanie, doprade ancje dal ONU par dividi il mont in macroregjons, e divît il continent in:

• Australie e Gnove Zelande
• Micronesie
• Melanesie
• Polinesie

Gjeografs e linguiscj a preferissin invezit une division dal continent in dôs regjons, su la base di criteris gjeografics, botanics, zoologjics e linguistics. Chestis dôs zonis a son:

• Oceanie dongje (inglês Near Oceania), cun Australie, la isule de Gnove Guinee e i arcipelacs dongje, cun lis Isulis Salomon
• Oceanie lontane (inglês Remote Oceania) cun la Polinesie, la Micronesie e la Melanesie, fûr che par lis Isulis Salomon

La part plui grande des tieris fûr de aghe di chest continent a son in Australie, ma si dopre il tiermin Oceanie par fevelâ di chest continent parcè che lis aghis a son impuartantis, e a coleghin i variis tocs.

L'Oceanie al è il plui piçul dai continents e il penultin pe popolazion, prin dome de Antartide.

Su Wiki Commons al è disponibil contignût multimediâl relatîf a: Oceanie

L'Oceanie e je scuasi dute formade di piçulis isulis nazionâls, cun la Australie che e je la uniche di dimension significative. Lis unichis nazions che a àn confins su la tiere a son Papue Gnove Guinee e Timor Est, che a confinin cun l'Indonesie.

Lis nazions de Oceanie a son rivadis a vê nivei diviers di indipendence des vieris potencis coloniâls; o cjatin ancjemò teritoris dipendents come la Gnove Caledonie, teritori di oltrimâr francês o lis Hawaii, stât USA.

Continents de Tiere
Americhis						Eurafrasie						Eurasie						Oceanie
Afriche				Antartic				Asie				Americhe dal Nord				Americhe dal Sud				Europe
Vielis supercontinents: Gondwane · Laurasie · Pangjee · Rodinie