Ruanda

Ruanda

Lengua oficial	Kiñaruanda, Francés, Ingrés
Capital	Kigali
Presidenti	Paul Kagame
Primel Menistru	Bernard Makuza
Cumprimentu  - Total  - % agua	Posición 144ª 26.338 5.3
Puebración  - Total (2007)  - Densidá	Puestu 91º 8.648.248 281 ab/km²
PIB  - Total (2005)  - PIB/cápita	Posición 123º 10.462 millonis de US$ US$
Moneda	Francu ruandés ($, RWF)
Inu	Rwanda Nziza
Dominiu d'Interné	.rw
Códigu telefánicu	+250
Biembru de: ONU, UA, Commonwealth

Hazi arrayu con Uganda, Burundi, la Repúbrica Democrática del Congu i Tanzania. Es un país mu chicu assitiau ena región delos Grandis Lagus d'África i mu anombrau polos sus animalis salvagis (possimenti polos gorilas montesis), las sus cidais típicas i los bunitus paisagis naturalis que brinda la hechura montañosa'l país. Es conocíu tamién comu «Las nieblas d'África» i la «Tierra delos mil sierrus».

Ruanda tien síu tradicionalmenti un país mu probi, peru dunus pocus d'añus pacá tien esprimentau una pula económica mu grandi. La huerça dela su puebración trebaja nel campu, nel setol del'agricoltura, enque enos añus últimus tien crecíu muchu'l setol dela minería i del visiteu.

En pesal deque muchas pressonas namas se recuerdin delas guerras, las matancias i los genocilius qu'arramplarun con Ruanda a caberus del siegru XX, ogañu'l país es, sigún organismus entrenacionalis, l'estau con más segurança de toa África, enque tamién ai que mental qu'es unu delos paísis con más presus del continenti.