Antropología

Esti artícalu es un encetu

L'antropología es la céncia que estudia al sel umanu duna horma integral, de las sus caraterísticas físicas cumu animalis i de la su coltura, que es el rasgu únicu nu biológicu.​ Pa abarcal la materia de el su estudiu, la antropología recurri a herramientas i conocimientus producius polas céncias socialis i las céncias naturalis. La aspiración dela diciplina antropológica es producil conocimientu sobri el sel umanu en divelsas esferas, ententandu abarcal tantu las estruturas socialis de oguañu, la evolución biológica de muestra especii, el desarrollu i los modus de vía de puebrus que ain desapareciu i la divelsidá de expresionis colturalis i lingüísticas que carateriçan la umanidá.

L'antropología es, sobri tou, una céncia entegraora que estudia al sel umanu nel marcu dela sociedá i coltura ai las que perteneci i al mesmu tiempu, cumu produtu de estas. Se le puei definil cumu la cencia que se ocupa de estudial el origin i desarrollu de toa la gama dela variabilidá umana i los modus de comportamientus socialis a travis del tiempu i el espaciu; es izil, del procesu biosocial dela existencia dela especii umana.