Sooŋa nyɛla mɔɣini binniɛŋ.
Amaa soonsi shaba tooi be yiŋa ka salinima wubisiri o. Dagbamba zooya ka bɛ booni yiŋa sooŋa la ni silimin sooŋa.Sooŋa biɛhigu di yɛn ŋmani la bu'bila ka mali ninkpula ni tibi (tiba ) waɣila ni naba anahi. Binniɛŋ ŋɔ (sooŋa) nyɛla ŋun mali tii pam di yi kana guubu polo. Sooŋa nyɛla ŋun soɣiri tuturi lona ni,tihi gbuna ni,vo'kaɣila ni bee singbun kura ni. Pɔi ka sooŋa ti yɛn soɣi lala luɣa ŋɔ zaa puuni yini,o yɛn kurila boɣili din saɣi boɣili, din yɛn niŋ daliri ka binniɛŋ ŋunni tooi gbaagi o bɛ nya o bee hali ninsala. Piɛ'goriba tooi kuri soŋa leeri nimdi bee dibu. Sooŋa nimdi nyɛla din nyaɣisi pam ka lahi mali bim. Sooŋa gbaabu dii bɛ niŋ alaha n zaŋti piɛ gɔriba bee tohinima. Tohanima ni tooi niŋdi saha shɛli kuri sooŋa nyɛ o yi ŋmɛ o malifa, toha baa yi kari gbaagi o,o yi niŋ katari n puɣisi paagi o doo shee febo jaanboŋ, ni o yihi lahi niŋ katari labo jaanboŋ ka di nyogi o.
Sooŋa nyɛla binnamdili ŋun dɔɣiri o tooni. Sooŋa yi kpuɣi puli bee n niŋ baɣili, o ku yuui doɣibu zaa biɛɣu pihita ni yini bee biɛɣu pihita ni ata. Sooŋa ni tooi doɣi bia yino,bihi ayi, bihi ata hali sooŋa ni tooi doɣi bihi pia ni ayi gba.
Sooŋa bindirigu nyɛla mɔri. Mɔ baligu din vaei bɛ kpema bee din mali vo'baligu.
This article uses material from the Wikipedia Dagbanli article Sooŋa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lahabali be yaɣili ŋɔ CC BY-SA 4.0 gbaa yihi bɛ yi ti a tibili Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Dagbanli (DUHOCTRUNGQUOC.VN) is an independent company and has no affiliation with Wiki Foundation.