Ruzell

Simptomoù a ziwan etre 10 ha 12 deiz goude bezañ bet kontamnet ha padout a ra etre 7 ha 10 devezh. Komañs a ra alies gant terzhienn (ouzhpenn 40° alies), paz, ar fri o tiveriñ ha tanijenn an daoulagad. Goude daou pe dri deiz e c'hell dont poentoù gwenn e genoù an hini klañv. Plakoù ruz a ziwan neuze war ar bizaj a-raok mont d'ar c'horf a-bezh goude un nebeud devezhioù. Alies e c'heller bezañ tapet ivez gant an dipadapa, an droug-skouarn hag ur bneumoniezh. Ne varver ket kalz ken diwar ar c'hleñved-se met kavet ez eus bet e teue en-dro e broioù pinvidik abalamour ma ne oa ket kement a dud brec'hiet ken.