Pisika (Yunani: φυσικός (fysikós), alamiah wan φύσις (fýsis), alam; Inggris: physics; Arab: الفيزياء) adalah sains atawa ilmu alam nang mampalajari matiri lawan garak wan parangainya dalam lingkup wadah wan waktu, baimbaian lawan kunsip nang bakaitan nang kaya inirgi wan gaya.
Salah sabuting ilmu sains paling dasar, tujuan panambaian pisika adalah mamahami kayapa alam samasta bagawi.
Pisika adalah salah sabuting disiplin akadamik panuhanya, kayanya nang tatuha malalui astrunumi nang jua tamasuk di dalamnya. Labih matan dua milinia, pisika jadi palihan matan Ilmu Alam baimbai lawam kimia, biulugi, wan cabang tatantu matamatika, tagal pas cungulnya ripulusi ilmiah wayah abat ka-17, ilmu alam bakambang sabagai parugram paitihan saurang. Pisika bakambang lawan banyak sapasialisasi bidang ilmu lain, kaya biupisika wan kimia kuantum, wan watasan pisiknya kada diartiakan lawan jalas. Ilmu hanyar dalam pisika bahanu dipakai gasan manjalasakan mikanisma dasar sains lainnya wan mambuka jalan aria paitihan lainnya nang kaya matamatika wan pilsapat.
Pisika jua manyumbangakan kuntribusi nang panting dalam pangambangan tiknulugi nang bakambang matam pamikiran tiuritis. Misalnya, pamahaman labih tarus tantang iliktrumagnitisma atawa pisika nuklir maampahakan langsung ka pangambangan paruduk hanyar nang sacara dramatis manawas masarakat mudirin, nang kaya tilipisi, kumputar, pakakas rumah tangga, wan sanjata nuklir; kamajuan tamudinamika maampah ka pangambangan industrialisasi, wan kamajuan mikanika mainspirasi pangambangan kalkulus.
This article uses material from the Wikipedia Bahasa Banjar article Pisika, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.