Matamatika

Matamatika (matan basa Yunani: μαθημα - mathēma, "pangatahuan, pamikiran, pambalajaran") atawa sabalumnya disambat ilmu hisab adalah ilmu nang mampalajari basaran, susunan, wadah, wan parubahan. Bubuhan matamatikawan marangkai wan mamakai bamamacam tatawas (pola), imbah ngitu mamakainya gasan marumusakan konjektur hanyar, wan maulah kabujuran malalui cara deduksi nang katat diturunakan matan aksiuma-aksiuma wan arti-arti nang basasuaian.

Tajadi pahualan apakah upjik-upjik matamatika kaya wilangan wan titik sudah ada di samassta, atawa kah dihabaakan wan diciptaakan manusia. Pangkajian masuk akal manganai bantuk, susunan, basaran, wan rancangan-rancangan nang baraitan, matamatika rancak dikalumpukakan ka dalam talu bidang: aljabar, analisis, wan ilmu ukur. Saupama damintu, kada kawa diulah pambagian nang jalas marga cikang-cikang ngini sudah bacampur-campur. Pada dasarnya aljabar maumpatakan wilangan wan pangabstrakannya. Analisis maumpatakan kabasambungan wan watas, sadangakan ilmu ukur mambahas bantuk wan rancangan-rancangan nang baraitan; sains didasarakan atas anggapan dasar nang kawa manurunakan kasimpulan nang diparluakan matan anggapan tatantu.