Barack Obama

Barack manjabat tumatan 20 Januari 2009 manggantiakan George Walker Bush. Sabalumnya sidin marupakan Senator Junior matan Illinois wan dudinya manang dalam Pamilu Presiden 2008 pada 4 Nupimbir 2008. Pada tahun 2009, Obama dipadahakan sabagai pamanang anugrah Pangharagaan Padamaian Nobel marga mampromosikan diplomasi internasional gasan mamacahakan masalah-masalah internasional.

Obama adalah katurunan Aprika-Amirika panambaian nang manjabat Presiden Amirika Sarikat limbah sabalumnya marupakan katurunan Aprika-Amirika panambaian nang dicalunakan ulih sabuah partai politik basar Amirika gasan manjadi presiden. Lulusan Universitas Columbia wan Sakulah Hukum Universitas Harvard; di sana sidin manjabat sabagai presiden Harvard Law Review, Obama bagawi sabagai koordinator masyarakat wan manjabat sabagai pangacara hak sipil sabalum manjadi Senat Illinois salawas talu kali mulai 1997 hingga 2004. Sidin mangajar hukum konstitusional di Sakulah Hukum Universitas Chicago tumatan 1992 hingga 2004.Limbah kagagalan maraih kursi di Dewan Pawakilan AS tahun 2000, sidin mangumumakan kampanyenya gasan Senat AS bulan Januari 2003. Limbah kamanangan Marat 2004, Obama manyampaiakan key notenya pada Konvensi Nasional Demokrat Juli 2004. Sidin tapilih sabagai Senat pada Nupimbir 2004 lawan 70 persen suara.

Sabagai anggota minoritas Demokrat di Kongres ke-109, sidin manggani'i maulah undang-undang nang ma'atur sanjata konvensional wan mempromosikan akuntabilitas publik dalam panggunaan dana federal. Sidin jua malakukan pajalanan rasmi ka Irupa Timur, Timur Tangah, wan Aprika. Salawas Kongres ke-110, sidin manggani'i maulah UU manganai lobi wan kaculasan pamilihan, parubahan iklim, terorisma nuklir, wan parawatan gasan personil militar AS nang bulik. Obama mangumumakan kampanye presidennya pada Pibuari 2007, wan dicalunakan pada Konvensi Nasional Demokrat 2008 lawan senator Delaware, Joe Biden sabagai pasangan kampanye. Dan Pada tanggal 4 Nupimbir 2008 Barack Obama sukses mangalahakan rivalnya senator John Mccain matan partai republik wan manjadi presiden Amirika ka-44 dan urang kulimbit hirang panambaian sabagai presiden Amirika Sarikat.