इन्फ्लेशन
इन्फ्लेशन (inflation; हिंदी: मुद्रा स्फीति भा मुद्रा प्रसार) अर्थशास्त्र में अइसन दसा ह जब कौनों अर्थब्यवस्था में चीजन के कीमत में बढ़ती होखे आ ई बढ़ती पर्याप्त समय ले जारी रहे। जब चीजन के कीमत बढ़ जाला, करेंसी के एक इकाई अब पहिले के तुलना में कम सामान भा सेवा खरीदे में सक्षम रह जाले, कहे के मतलब कि करेंसी के मूल्य (वैल्यू) में कमी आवे ले।
आम भाषा में कहल जाय तब, बस्तु आ सेवा के मूल्य में बढ़त आ करेंसी के मूल्य में गिरावट के मुद्रा स्फीति भा इन्फ्लेशन कहल जाला। स्फीति भा प्रसार के मतलब ई हवे के अर्थब्यवस्था में करेंसी के मात्रा बढ़ गइल बा जेकरा कारन ओहकर कीमत कम हो गइल बा। एक तरह से ई महँगाई' के तकनीकी नाँव हवे; हालाँकि महँगाई अउरी कई कारण से भी हो सके ला।
कुछ हद तक अर्थब्यवस्था में इन्फ्लेशन के स्थिति होखल बिकास आ बढ़ती खाती जरूरी मानल जाला; हालाँकि ऊँच इन्फ्लेशन दर अर्थब्यवस्था खाती नोक्सान्देह होखे ले। इन्फ्लेशन के उल्टा दस डिफ्लेशन होला जेह में मुद्रा के मात्रा में कमी होखे के कारण ओकर कीमत बढ़े ले आ चीज आ सेवा सभ के कीमत घटे ले।
संदर्भ
 | ई अर्थशास्त्र से संबंधित लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |
This article uses material from the Wikipedia भोजपुरी article इन्फ्लेशन, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.