Salampati
An Salampati asin punay sakop sa pamilya nin mga gamgam na igwang 42 na genera asin 310 na species.
An mga ini punggok an mga liog asin haralipot an mga tuka. Tinutuka kaining mga pagkakan iyo an mga bagas, mga pisog, mga prutas asin mga tinanom. Kadakulan kaini mas natitipon sa ecozone nin Indomalaya asin Austrolasia. An ibang species nin salampati domestikado na asin mga garo na sa pag'aataman kan mga tawo.
An mga salampati nagibo nin mga salagan na bakong purusog ta gamit lang mga giriw asin mga dahon-dahon na sinasarangat sana sa mga soksok kan mga edipisyo o mga sanga nin kahoy. An salampati nasugok parati duwa lang na sugok asin an duwang magurang ribay-ribay nag'aasikaso asin nagbabantay, naghihilomlom. Pakahimsa, 7 abot 28ng aldaw an pagtener sa tataghan depende sa species. Kun saradit pa, binabahog asin pinapapakakan ini kan magurang nin suka hale sa butse kan magurang, lalaki o babae man, paagi kan pagluwa kaini sa akab na mga tuka kan sadit.
Toltolan
This article uses material from the Wikipedia Bikol article Salampati, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.