| Gugaruz Mais | ||||||||||||
|---|---|---|---|---|---|---|---|---|---|---|---|---|
 | ||||||||||||
| Systematik | ||||||||||||
| ||||||||||||
| Wissnschoftlicha Nama | ||||||||||||
| Zea mays | ||||||||||||
| L. |
Da Gugaruz, aa Kukuruz oda Mais, is a oide Kuituapflonzn, wo zan Droad zejd wead. Wia de ondan Droadsortn is a Siassgros. is scho in prehistorischa Zeit in Middlamerika obaut worn und noch da "Entdeckung" vo Amerika af Eiropa kema. Heit wead da wejdweit obaut. Ea wead vor oim ois Fuadamiddl gnutzt, owa aa zua Energiegwinnung (Biosprit, Biogas) und ois Noarungsmiddl.
Etymologie
Nutzung
Da gresste Tei vom Gugaruz, wo wejdweit obaut wead, wead ois Fuadamiddl (Silogugaruz, Keandlgugaruz) gnutzt; dees guit aa fia Bayern und Östareich. A kloanara Tei wead fia de Energiegwinnung eigsetzt. Da Rest wead ois Lebmsmiddl vawendd.
Noarungsmiddl
zejd in vui Lendan vo da Wejd za de Grundnoarungsmiddl.
De oafochste Oart an z essn is glei vom Maiskoibm owa. Im unreifn Zuastand, wann de Keandln no woach san, ko da Mais roh vom Koibm gessn wean. Kocht, grest oda gruit is dees no bekemmlicha. Kochte, unreife Maiskeandln wean aa in Salodn, Suppm und Auflaifn vawendd oda ois Gmiasbeilog gessn. Aus Maiskeandln wean duach Quetschn de Cornflakes (Maisflockn) heagstejt. Aus Keandln vo speziejn Maissortn mocht ma Popcorn.
Nebm da Vawendung ois ganze Keandln wead da aa za Mej und Griass bzw. za Steakn weidavaorbat.
Aus Maisgrias wead zan Beispui da Polenta gmocht, a oide indianische Tradition, wo aa in Middleiropa a traditioneje Speisn vo Bauan und oarman Leit wor und no imma gean gessn wead. Ba da Heastejung vo Maisgrias foit ois Nebmprodukt s Maiskeimej o.
Maisbrod z bocha is emfois a oide indianische Tradition. Dees is a Fladnbrod, wo heit no in vuin vaschiedanan Variantn in de USA gessn wead.
A spezieje joartausendoide Vaorbatungstechnik fia ois Lebmsmiddl is de Nixtamalisation. Des is a meastufiga Prozess, wo da mit Hoizoschn oda gleschtn Koich kocht, enthist und nacha noss zan Doag vamoin wead. Oschliassend weads za Endprodukt weida vaorbat oda drickat und glogat. Duach de Nixtamalisation wead da noarhofta und bekemmlicha.
Tortillas san a mexikanisches Fladnbrod, des wo aus Gugaruzmej gocht wead, wo duach Nixtamalisation heagstejt worn is.
Fuadamiddl
De Haupvawendung vo ois Fuadamiddl is: Ois Maissilage (aus da gaunzn Gugaruzpflaunzn) fia Rindviecha, ois Corn-Cob-Mix (Silage nua ausm Koibm) fia Schweindln, ois Gugaruzkeandln und ois Maissteakn (Zuagob fia Proteinfuada).
Nochhoitige Energiegwinnung
An Haffa wead aa ois nochwoxanda Rohstoff vawendd. wead ois Energiepflonzn zua Heastejung vo Biokroftstoffn gnutzt und ois Energiegugaruz in Biogasologn.
Zua Hestejung vo Biogas wead de ganze Gugaruzpflanzn gnutzt, wearend fia Bioethanol (Biosprit) nua da Maiskoibm vawendd wead.
Industriella Rohstoff
De Gugaruzsteakn sea vuiseiti vawendd: Ois Ausgangsprodukt fia diverse Biokunststoff und ois Fermentationsrohstoff fia Feinchemikalien beispuisweis (fia Antibiotika oda Aspirin).
Wiatschoftliche Bedeitung
Wei in vui Tein vo da Wejd a Grundnoarungsmiddl is, hoda a hohe wiatschoftliche Bedeitung. Dazua kimmt, dass zua nochhoitign Energiegwinnung (Biosprit, Biogas etc.) imma wichtiga wead. Ois Fuadamiddl is da Mais ebmfois wejdweit wichtig.
2009 is laut FAO wejdweit 817,1 Mio. t geantet worn. De foigende Tabejn gibt dazua a Iwasicht:
| Rang | Land | Menge (in t) | Rang | Land | Menge (in t) | |
|---|---|---|---|---|---|---|
| 1 |  USA | 333.010.910 | 13 |  Italien | 7.877.700 | |
| 2 |  Kina | 163.118.097 | 14 |  Ungarn | 7.528.380 | |
| 3 |  Brasilien | 51.232.447 | 15 |  Philippinen | 7.034.033 | |
| 4 |  Mexiko | 20.202.600 | 16 |  Egyptn | 6.800.000* | |
| 5 |  Indonesien | 17.629.740 | 17 |  Serbien | 6.396.262 | |
| 6 |  Indien | 17.300.000 | 18 |  Thailand | 4.616.119 | |
| 7 |  Frankreich | 15.299.900 | 19 |  Deitschland | 4.527.228 | |
| 8 |  Argentinien | 13.121.380 | 20 |  Vietnam | 4.381.800 | |
| 9 |  Sidafrika | 12.050.000 | ... | |||
| 10 |  Ukraine | 10.486.300 | 30 |  Östareich | 1.890.503 | |
| 11 |  Kanada | 9.561.200 | 72 |  Schweiz | 174.035 | |
| 12 |  Rumänien | 7.973.258 | Wejd | 817.110.509 |
*) Schätzwert FAO
Zammasetzung im Vagleich
| Amaranth | Woazn | Reis | Gugaruz | Eadäpfen | |
|---|---|---|---|---|---|
| Bstondtei (per 100g) | Menge | Betrog | Betrog | Betrog | Betrog |
| Wossa (g) | 11 | 11 | 12 | 76 | 82 |
| Energie (kJ) | 1554 | 1506 | 1527 | 360 | 288 |
| Protein (g) | 14 | 23 | 7 | 3 | 1.7 |
| Fett (g) | 7 | 10 | 1 | 1 | 0.1 |
| Kohlenhydrat (g) | 65 | 52 | 79 | 19 | 16 |
| Ballaststoff (g) | 7 | 13 | 1 | 3 | 2.4 |
| Zucka (g) | 1.7 | 0.1 | >0.1 | 3 | 1.2 |
| Eisn (mg) | 7.6 | 6.3 | 0.8 | 0.5 | 0.5 |
| Mangan (mg) | 3.4 | 13.3 | 1.1 | 0.2 | 0.1 |
| Kalzium (mg) | 159 | 39 | 28 | 2 | 9 |
| Magnesium (mg) | 248 | 239 | 25 | 37 | 21 |
| Phosphor (mg) | 557 | 842 | 115 | 89 | 62 |
| Potoschn (mg) | 508 | 892 | 115 | 270 | 407 |
| Zink (mg) | 2.9 | 12.3 | 1.1 | 0.5 | 0.3 |
| Panthothesaire (mg) | 1.5 | 0.1 | 1.0 | 0.7 | 0.3 |
| Vitamin B6 (mg) | 0.6 | 1.3 | 0.2 | 0.1 | 0.2 |
| Folsaire (µg) | 82 | 281 | 8 | 42 | 18 |
| Thiamin (mg) | 0.1 | 1.9 | 0.1 | 0.2 | 0.1 |
| Riboflavin (mg) | 0.2 | 0.5 | >0.1 | 0.1 | >0.1 |
| Niacin (mg) | 0.9 | 6.8 | 1.6 | 1.8 | 1.1 |
Kunst, Kuitua, Religion
Ois bedeitende Kuiturpflanzn spuit seit prähistorischa Zeit aa in da Kunst, Kuitua und Religion a wichtige Roin.
In da Moche-Kuitur in Peru san eppa um 300 n.Chr. goidane Maiskoibm nochweisli gfeatigt worn.
De middlamerikanischn Indiana (z. B. de Azteken) hom an Hauffa Maisgetta vaehrt. Da Mais wor ba eana aa a Symboi fia de Sun, fia de Wejd und fian Menschn. Im Buach Popol-Vuh wead gschriebm, dass da "dritte Mensch" aus Mais gschoffa worn is.
In Amerika is Mais heit a Symboi fia landwirtschoftliche Produktivität und Kuitua. Da Wossaturm z Rochester is dafia genau so a Beispui wia da Corn Palace z Mitchell in Siid-Dakota oda a boa Sain im Capitol z Washington.
Beleg
Literatua
Im Netz
– Oibum mit Buidl, Videos und Audiodateien- "Tracking the Ancestry of Corn Back 9,000 Year's," New York Times, May 25, 2010
- Deutsches Maiskomitee e.V.
- ba Proplanta.de
- Informationen der Cereal Knowledge Bank: Maize
- https://books.google.at/books?id=7AW9BAAAQBAJ&pg=PA111&lpg=PA111&dq=T%C3%BCrkischer+Woaz&source=bl&ots=zRPh6foGMX&sig=vEbBfoJpa34S8_lcsRQOg5Yfuc4&hl=de&sa=X&redir_esc=y#v=onepage&q=T%C3%BCrkischer%20Woaz&f=false%7C Ausm Biachl: Eiropäische Erinnerungen.. iwan tiakischn Woaz in da Schteiamoak.
 | |