Dschibuti

République de Djibouti, som. Jamhuuriyadda Jabuuti, is a Land õn n Hiarl vo Afrika. Es grenzt af n Siḏn mid Somalia, af n Sidwedstn mid Ethiopia, af n Noadn mid Eritrea un af n Oustn min Roudn Mear un n Golf vo Aden zamm. Af n ondan, wisawijatn Gstod (u Gebiag) von Gulf vo Aden sitzd da Jemen. Es Land houd a Flechn vo 23 200 km² u wiad haptsechle vo zwou Vulksgruppn bsidlt, Somali un Afar.

In n Altatum rechnet ma s Land zamma mid Etiopja, Eritrea u Somalia zen Land vo Punt. Es i da Gnejchtn glengane Zeila, som. Saylac, ghejad heit z Somalia un is da Sitz vo d mittloltalichn Sultanatt vo Adal un Ifat gweng. In n spadn 19. Jh. is d Koloni Franzejsisch Somaliland duach Vatreḡ vo de Franzousn mid de Sultann vo de somalischn Dir gschaffn woan; u d Eisnbahn af Dire Dawa (u spada Addis Ababa) houd ena schnell damiglecht en somalischn Hafn Zeila fia Hanḏl min sidlinga Etiopja un n Ogaden aszenstechn. Es Land is 1967 af s Franzejsisch Territorium vo d Afar u d Issa umtauft woan. A Johrzeantt doudanou hom d Dschibutja fia d Unohangekait gstimmt, wos offezjell d Grindung vo da Repablik vo Dschibuti viastellt, gnennt nou da Haptstod von n Land. Da neia Stoot is in n selm Joua en 20. Settemma 1977 i d Vaointn Naziona kumma. I de frejn 90ga hom a Spannunga iwa d Reḡiringsvatretung zaran bwaffnetn Konflikt gfejad, da wou ejascht in 2000a Joua mid an Kompromis zwischn da Reḡiringspoatei u da Opposezion asganga is.

Djibouti is a villveklata Nazion midrana Bvelkaring vo mejra wej 921 804 Leit. Somali un Arabisch san offezjelna Sprochn. Umma 94% vo d Eiwõhna fulng an Islam, da wou d offezljella Releḡion in Land is un i da Region a langa Tradizion houd. D Somalis u d Afar furma dej zwou grejsstn etnischn Gruppn.

Dschibuti ligt strategisch nem oana vo de am mejran bfoarnanen Schiffalstroussn vo da Welt, dej wou en Zoutrid zen Roudn Mear u zen Indischn Ozean sichad. Da Hafn selm dejnt aswej a zentrola Noufill- un Umschloḡ-Plotz, un is da pree-howade ammearnate Hafn fia Importt un n Exportt von n un i s nemmõ lingada Etiopjen. A grounada Hanḏlspunkt is es Land aa a Platzal vo fremmann Militeabasnan, doudadrunta es Camp Lemonnier vo d USA. Un aa dej Intergovernmental Authority on Development (IGAD) houd ianan Sitz i da Haptstod Dschibuti.

•  
  D Prowinzn vo Dschibuti.
•  
  A Satelitnbild.
•  
  D Haptstod Dschibuti.
•  
  Tradizionelle Hitn i de Mabla-Beaḡ.
•  
  Da Abbe-Sej.
•  
  D Beaḡḡ i da Gnejchtn vo da Stod Dasbiyo inn Sidn.
•  
  I de Goda-Beagg inn Forêt-du-Day-Nazionalpoak.
•  
  I da Gnejchtn aa ban Forêt-du-Day-Nazionolpoak.
•  
  Expoatproduktt vo Dschibuti.
•  
  Da Marchand-Ploz i da Haptstod.
•  
  D Stod Ali Sabieh 2015.
•  
  Da Bernard-Ploz i Dikhil.
•  
  D Stod Tadschura von n Wossa as.
•  
  Es Ejropejscha Viatl z Dschibuti.
•  
  A weitas Bild i da Haptstod.
•  
  A alts Bildl vo da Haptstod.
•  
  D Solzgwinnung z Dschibuti um 1931.
•  
  A Moakt z Dschibuti.
•  
  Da Hafn vo Dschibuti.
•  
  A deitschs Patrulliarschiff inn Hafn vo Dschibuti.
•  
  Da Assal-Sej.
•  
  A weitas Bildl von n Assal-Sej.
•  
  Nu a Bild von n Assal-Sej.