बुल्गारिया: दक्खिन-पूरुब यूरोप कय यक्ठु देस

बुल्गारिया दक्खिन-पूरुब यूरोप कय यक्ठु देस होय, जेकर राजधानी सोफ़िया होय। देश कय सीमा उत्तर मा रोमानिया से, पच्छु मा सर्बिया औ मेसेडोनिया से, दक्खिन मा ग्रीस औ तुर्की से मिलत है। पूरुब मा देस कय सीमा करिया समुन्दर निस्चित करत हय। कला औ तकनीक कय बादे राजनैतिक नजरि से बुल्गारिया कय बजूद पँचवा सदी से देखाय लाग। पहिले बुल्गारियन साम्राज्य (632/681 - 1018) बाल्कन क्षेत्र औ पूरा पूरुबी यूरोप कय बहुत मेर से परभाबित किहिस। बुल्गारियन साम्राज्य कय पतन कय बाद यका ओटोमन सासन कय तरे लाइ गै। 1877-78 मा भवा रुस-तुर्की युद्ध बुल्गारिया राज्य कय फिरसे बसावैम मदद कीहिस। दुसरा विश्व युद्ध कय बाद बुल्गारिया साम्यवादी राज्य औ पुरुबी ब्लाक कय हिस्सा बनि गै। 1989 मा क्रांति कय बाद 1990 में साम्यबादिन कय सत्ता से एकाधिकार खतम होइ गै औ देस संसदीय गणराज्य कय रूप मा आगे बढ़ै लाग। इ देस 2004 से नाटो कय औ 2007 से यूरोपियन यूनियन कय सदस्य होय।