Ucraína

Sacante Crimea, la población del país ye de 42,5 millones d'habitantes, que faen d'elli el 32ᵘ máspobláu del mundu. La so capital y ciudá principal ye Kiev. La so llingua oficial ye l'ucraín, y el so alfabetu ye cirílicu. Les relixones más siguíes nel país son la ortodoxa y el catolicismu griegu. Ucraína caltién anguaño (2018) una disputa territorial con Rusia sobro la soberanía de la península de Crimea, que foi anexonada por Rusia en 2014. El país tien una estensión de 603.628 km², que faen d'elli el país completamente européu más grande, y el 46ᵘ mayor del mundu.

Ucraína
estáu soberanu
bandera d'Ucraína escudu d'Ucraína
Himnu nacional	Shche ne vmerla Ukrayiny i slava, i volia (es)
Alministración
Nome oficial	Україна (uk)
Capital	Kiev
Forma de gobiernu	Sistema semipresidencialista
Presidente d'Ucraína	Volodímir Zelenski (dende 20 mayu 2019)
Primer ministru d'Ucraína	Denys Shmyhal (dende 4 marzu 2020)
Llingües oficiales	ucraín
División	ver Kiev, Óblast de Cherkasy, Óblast de Cherníhiv, Óblast de Chernivtsi, Óblast de Dnipropetrovsk, Óblast de Donetsk, Óblast d'Ivano-Frankivsk, Óblast de Kharkiv, Óblast de Kherson, Óblast de Khmelnytskyi, Óblast de Kiev, óblast de Kirovográu, Oblast de Lugansk, Óblast de Lviv, Óblast de Mykolaiv, Óblast d'Odesa, Óblast de Poltava, Óblast de Rivne, Óblast de Sumy, Óblast de Ternópil, Óblast de Vínnytsia, Óblast de Volinia, Óblast de Zakarpatia, Óblast de Zaporiyia, Óblast de Zhytomyr, República Autónoma de Crimea y Sebastopol
Rellaciones diplomátiques	ver Canadá (27 xineru 1992) Italia (29 xineru 1992) Brasil (11 febreru 1992) Alemaña (febreru 1992) Australia Turquía Estaos Xuníos (3 xineru 1992) Reinu Xuníu (10 xineru 1992) Austria (24 xineru 1992) Azerbaixán (6 febreru 1992) Albania (13 xineru 1993) Arxelia Angola (30 setiembre 1994) Arxentina (6 xineru 1992) Afganistán (17 abril 1995) Bangladex Bélxica (10 marzu 1992) Bielorrusia (27 avientu 1991) Bulgaria (13 avientu 1991) Vietnam (23 xineru 1992) Armenia (25 avientu 1991) Grecia Xeorxa (22 xunetu 1992) Dinamarca (12 febreru 1992) Estonia Etiopía (1r abril 1993) Exiptu Israel (26 avientu 1991) India (17 xineru 1992) Iraq (16 avientu 1992) República d'Irlanda (1r abril 1992) Kazakstán Kenia (5 marzu 1993) República Popular China (4 xineru 1992) Corea del Sur (10 febreru 1992) Letonia (12 febreru 1992) Lituania Macedonia del Norte (20 abril 1995) Malasia (3 marzu 1992) Malta Méxicu (12 xineru 1992) Moldavia (10 marzu 1992) Países Baxos (1r abril 1992) Nueva Zelanda (3 marzu 1992) Noruega (5 febreru 1992) Paquistán Sudáfrica (16 marzu 1992) Polonia (4 xineru 1992) Portugal (27 xineru 1992) Rumanía (1r febreru 1992) Arabia Saudita Serbia Singapur (31 marzu 1992) Eslovaquia (1r xineru 1993) Uzbequistán (25 agostu 1992) Filipines (7 abril 1992) Finlandia Francia Croacia (18 febreru 1992) Montenegru (22 agostu 2006) Suecia (13 xineru 1992) Xapón (26 xineru 1992) Xunión Europea Indonesia Hungría (3 avientu 1991)
Miembru de	ver Conseyu d'Europa (9 payares 1995) Organización Mundial del Comerciu (16 mayu 2008) Cooperación Económica del Mar Negru Organización de les Naciones Xuníes (24 ochobre 1945) Organización pa la Seguridá y la Cooperación n'Europa (30 xineru 1992) Bancu Internacional de Reconstrucción y Fomentu (3 setiembre 1992) Asociación Internacional de Fomentu (27 mayu 2004) Corporación Financiera Internacional (18 ochobre 1993) Organismu Multillateral de Garantía d'Inversiones (19 xunetu 1994) Centru Internacional d'Arreglu de Diferencies Relatives a Inversiones (7 xunetu 2000) Grupu d'Australia (2005) Eurocontrol (2004) Tratado de Cielos Abiertos (es) Réxime de Control de la Teunoloxía de Misiles (1998) Interpol (4 payares 1992) Grupu d'abastecedores nucleares Organización pa la Prohibición d'Armes Químiques (15 payares 1998) Organización Hidrográfica Internacional UNESCO (12 mayu 1954) Grupu d'Observaciones de la Tierra Xunión Postal Universal (13 mayu 1947) Xunión Internacional de Telecomunicaciones (7 mayu 1947) Montenegro–Ukraine Free Trade Area (en) Organización Internacional de Proteición Civil (2 ochobre 1998) Organización Meteorolóxica Mundial (12 abril 1948) Organización Mundial de la Salú Comunidá d'Estaos Independientes (8 avientu 1991) GUAM (1997) Tratado de Libre Comercio de la Comunidad de Estados Independientes (es) (20 setiembre 2012) Association Trio (en) Triángulo de Lublin (es) Organización Mundial d'Aduanes (26 xunu 1992)
Xeografía
Coordenaes	49°N 32°E / 49°N 32°E / 49; 32
Superficie	603550 km²
% agua	7%
Llenda con	Bielorrusia, Polonia, Eslovaquia, Hungría, Rumanía, Moldavia, Rusia y Xunión Europea
Puntu más altu	Hoverla
Puntu más baxu	Kuyalnik Estuary (en)
Demografía
Población	41 167 335 hab. (1r xineru 2022)
Densidá	68,21 hab/km²
Xentiliciu	ucraín ucraina
Esperanza de vida	71,47634 años
IDH	0,773 (2021)
Tasa de fertilidá	1,498 (2014)
Economía
Moneda	grivna (es)
PIB nominal	199 765 856 765 $ (2021)
Bancu central	Banco Nacional de Ucrania (es)
Más información
Dominiu d'Internet	.ua y .укр (es)
Códigu telefónicu	+380
Códigu ISO	804 / UKR / UA
Estaya horaria	UTC+02:00, UTC+03:00, Hora d'Europa Oriental y Europe/Kyiv (en)
ukraine.ua

El territoriu de la moderna Ucraína tuvo habitáu dende'l 32.000 e.C. Demientres la Edá Media la zona foi un centru fundamental de la cultura eslava oriental, col poderosu Rus de Kiev como niciu de l'actual identidá ucraniana. tres de la so fragmentación nel sieglu XIII el territoriu foi disputáu, gobernáu y dividíu por dellos estaos foriatos, como Lituania, Polonia, Austria-Hungría, l'Imperiu otomanu y Rusia. Hebo una república cosaca demientres los sieglos XVIII y XIX, pero'l so territoriu foi repartíu ente Polonia y Rusia, y finalmente fundiose na Xunión Soviética a finales de la década de 1940 pa formar la República Socialista Soviética d'Ucraína. En 1991, tres de la disolución de la Xunión Soviética, el país algamó la independencia.

De magar Ucraína declarose neutral: algamó un alcuerdu militar parcial con Rusia y otros estaos ex-soviéticos al tiempu qu'establecía una asociación cola OTAN en 1994. En 2013, dempués de que'l gobiernu del presidente Viktor Yanukovych decidiera suspender l'Alcuerdu d'Asociación Ucraína-Xunión Europea y buscara estrechar los llazos económicos con Rusia, estalló una fola de manifestaciones y protestes de varios meses de duración, que foi conocida como Euromaidán y que derivó na Revolución Ucraína de 2014, que acabó col derrocamientu de Yanukovych y l'establecimientu d'un nuevu gobiernu. Nesti contestu producióse l'anexón de Crimea por Rusia en marzu de 2014, y l'españíu de la Guerra nel Donbáss n'abril de 2014. El 1 de xineru de 2016 entró en vigor el componente económicu del Alcuerdu de Llibre Cambiu cola Xunión Europea.

Ucraína ye un país en víes de desarrollu, que tien en 2018 el segundu productu internu brutu per capita d'Europa, con tases peraltes de probeza y corrupción. Por embargu, ye, polo fértil y estensu de les sos zones agrícoles, ún de los principales esportadores de cereal del mundu, y mantién el segundu mayor exércitu en tamañu d'Europa, dempués del de Rusia. La población del país ye multiétnica: un 77,8% d'ellos son ucraínos, y hai tamién una gran minoría de rusos, amás de xeorxanos, rumanos, bielorrusos, tártaros de Crimea, xudíos, búlgaros y húngaros. Políticamente'l país ye una república xunitaria semipresidencialista con división de poderes. El país ye miembru de les Naciones Xuníes, el Conseyu d'Europa, la Organización pa la Seguridá y la Cooperación n'Europa y la organización GUAM, y ye ún de los estaos fundadores de la Comunidá d'Estaos Independientes.

Evolución de la población n'Ucraína dende 1900:

•   Wiki Commons acueye conteníu multimedia sobre Ucraína  .