Lady Gaga
Stefani Joanne Angelina Germanotta (28 de marzu de 1986, Lenox Hill Hospital (es) ), más conocida pol so nome artísticu, Lady Gaga, ye una cantante, compositora, productora, baillarina, activista y diseñadora de moda d'Estaos Xuníos.
Tamién dedicó parte de la so vida a l'actuación y la filantropía. Nacida y criada na ciudá de Nueva York, estudió na escuela Convent of the Sacred Heart y asistió per un tiempu curtiu a la Tisch School of the Arts, perteneciente a la Universidá de Nueva York, hasta qu'abandonó los sos estudios pa enfocase na so carrera musical. Foi según aprució na escena del rock nel Lower East Side de Manhattan y robló un contratu con Streamline Records escontra fines de 2007. Na dómina en que trabayaba como compositora pa esa discográfica, la so voz llamó l'atención del artista Akon, quien la fixo roblar un contratu con Kon Live Distribution.
Lady Gaga | |
|---|---|
.jpg) | |
| Vida | |
| Nacimientu | Lenox Hill Hospital (es)  , 28 de marzu de 1986 (38 años) |
| Nacionalidá |  Estaos Xuníos |
| Residencia | Upper West Side (es) Rivington Street (en) Los Angeles Yonkers (es) Manhattan Malibu |
| Grupu étnicu | Inmigración italiana n'Estaos Xuníos Canadiense-francés (es) |
| Llingua materna | inglés |
| Familia | |
| Padre | Joe Germanotta |
| Madre | Cynthia Germanotta |
| Pareyes | Michael Polansky Taylor Kinney Christian Carino (en) |
| Hermanos/es | Natali Germanotta |
| Estudios | |
| Estudios | Escuela Convento del Sagrado Corazón (es) Institutou de Teatru y Cine Lee Strasberg Johns Hopkins Center for Talented Youth (en) Tisch School of the Arts : música Collaborative Arts Project 21 (en) Circle in the Square Theatre School (en) |
| Llingües falaes | inglés francés alemán |
| Oficiu | cantante, compositora de cantares, baillarina, empresaria, música, actriz de cine, cantautora, actriz de televisión, actriz de voz |
| Participante | |
| Trabayos destacaos | Christmas Tree Eh, Eh (Nothing Else I Can Say) The Fame Just Dance Poker Face Paparazzi The Fame Monster Bad Romance Telephone Alejandro The Remix Lady Gaga Presents the Monster Ball Tour: At Madison Square Garden (es) Born This Way Born This Way Judas The Edge of Glory A Very Gaga Thanksgiving (es) A Very Gaga Holiday Artpop Applause Do What U Want Million Reasons Shallow A Star Is Born Rain on Me Sour Candy Stupid Love |
| Premios | ver
|
| Nominaciones | ver
|
| Influyencies | David Bowie, Queen, Madonna, Michael Jackson, Bruce Springsteen, Glam rock, Whitney Houston, Prince, Rainer Maria Rilke, Kiss, Cyndi Lauper, The Beatles y Army of Lovers |
| Seudónimos | Lady Gaga |
| Xéneru artísticu | electropop (es) dance pop (es) Synth pop Dance art pop (en) pop |
| Mena de voz | mezzosopranu |
| Instrumentu musical | pianu voz Keytar guitarra acústica guitarra llétrica sintetizador guitarra batería |
| Discográfica | Interscope Records Universal Music Group Cherrytree Records (es) Def Jam Recordings KonLive Distribution (es) |
| Creencies | |
| Relixón | cristianismu |
| Partíu políticu | Partíu Demócrata |
| IMDb | nm3078932 |
| ladygaga.com | |
 | |
 | |
Lady Gaga adquirió fama como artista tres el llanzamientu del so álbum debú, The Fame (2008), qu'inclúi los senciellos «Just Dance» y «Poker Face». El discu tuvo ésitu comercial —llegó al primer llugar en numberoses llistes d'ésitos— y bones crítiques. N'empezando la so xira The Fame Ball Tour, llanzó'l EP The Fame Monster (2009), que contién los cantares «Bad Romance», «Telephone» y «Alejandro». El so ésitu dexó a la cantante realizar la so xira d'ocho meses de duración Monster Ball Tour, que se considera como una de les series de conciertos con mayores ingresos económicos xeneraos na historia de la industria musical. El so siguiente álbum, Born This Way (2011), llegó al primer llugar de delles llistes de ventes y contién senciellos como «Born This Way», «Judas», «The Edge of Glory» y «Yoü and I». El so tercer álbum d'estudiu, ARTPOP, ta previstu pa ser llanzáu en 2013.
Influyida por David Bowie, Michael Jackson y Queen, Lady Gaga ye reconocida pol so sentíu estéticu cambiante y estravagante respeuto la so música, la moda, les presentaciones en direutu y los videos musicales. Escontra ochobre de 2011, vendiera aproximao ventitrés millones de copies d'álbumes y 64 de senciellos, de los cualos dalgunos fueron los más vendíos nel mundu. Les reconocencies que recibió inclúin cinco premios Grammy y trelce MTV Video Music Awards. Figuró consecutivamente como «artista del añu» na revista Billboard y nel cuartu puestu de la llista de VH1 de les Cien muyeres más grandes de la música», según n'otres llistes ellaboraes pola revista Forbes y Time, onde la consideren coles mesmes como una de les persones más influyentes del mundu. Llanzó'l so propiu arume comercial llamáu Fame. Más allá de la so carrera como artista, Gaga tamién se dedica a causes humanitaries y al activismu en favor de la comunidá LGBT.
Referencies
This article uses material from the Wikipedia Asturianu article Lady Gaga, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.