شمش

هي واحد لفلكة تقريبا مثالية د لپلازما سخونة. فلداخل ديالها كاين حركة لحمل لحراري لي كاتولد مجال مغناطيسي على طريق عملية دّينامو. حتا لدبا هي أهم مصدر د طّاقة ديال لحياة ف لأرض. لقطر ديالها تقريبا هو 1.39 مليون كيلومتر، أولا 109 ديال لأقطار ديال لأرض. لكتلة ديالها تقريبا هي 330،000 مرة لكتلة د لأرض. لكتلة ديالها كاتمتل 99.86% ديال لكتلة د لمجموعة شّمسية.

شمش
صورة د شّمش بلون مبدل (بنݣليزية False-color) ف 2010 كيما كاتّشاف ف لأشعة فوق لبنفسجية
لكتلة	1,988,550
حرارة السطح	K مابين 3500 و 5900 درجة سيلزيوس
النمط الطيفي	G2V
لبيانات دلملاحضة
لمجرة	مجرّ لكبش
لوضوحية لباينة	mag

شّمش كاتنطق حتا شمس ولّا سمش. سّمية نݣليزية هي Sun وجايا من sunne ف نݣليزية لقديمة.

شّمش هي نجمة د نّسق لأساسي من نوع-G لّي كاتشكل تقريبا 99.86% ديال لكتلة ديال لمجموعة شّمسية. شّمش عندها قدر مطلق ديال +4.83، مقدّر تكون كايضوّي كتر من 85% ديال نّجوم ديال درب تّبانة، ولّي لأغلبية ديلهم أقزام حمرا. شّمش داخل ف لجمهرة I، ولا نجمة عامرة ب لعناصر تّقيلة. تّشكيل ديال شّمش يقد يكون تفعّل ب موجات صدمية من وحدة ولا بزاف د سوپرنوڤات. هاتشي ممكن يتقتارح من لوفرة ديال لعناصر تّقيلة ف نّظام شّمسي، بحال دّهب ولا ليورانيوم، ب لمقارنة مع لوفرة د هاد لمعادن ف لّي كايتسمى لجمهرة II، ولي هي نّجوم لي قليلة فيها لمعادن تّقيلة. تقدر تكون لعناصر تّقيلة نتجات من تفاعلات نووية كاتمص لحرارة منين كان شي سوپرنوڤا كايتصايب، أولا ب تّحول من لمتصاص د نّيوترونات داخل شي نجمة كبيرة من لجيل ثّاني.