Wiissrussland
D Republik Wiissrussland (amtlich Belarus) isch es oschteuropäischs Land.
Im Norde grenzt Wiissrussland an Lettland und Litaue, im Weschte an Pole, im Süde a d Ukraine und im Oschte an Russland. Zuägang zum Meer hät Wiissrussland kaine.
| Рэспубліка Беларусь Respublika Belarus | |||||
| |||||
| Amtsspraach | Wiissrussisch | ||||
| Hauptstadt | Minsk | ||||
| Staatsoberhaupt | Aljaksandr Lukaschenka | ||||
| Regierigschef | Roman Haloutschenka | ||||
| Flächi | 207.595 km² | ||||
| Bevölkerigsdichti | 47 Iiwohner pro km² | ||||
| Unabhängigkeit | erklärt am 25. August 1991 | ||||
| Nationalhimne | My Belarusy (Мы, беларусы) | ||||
| Internet-TLD | .by und .бел | ||||
| Vorwahl | +375 | ||||
 | |||||
.svg)
D Houptstadt und gröschti Stadt isch Minsk mit chnapp 2 Millione Iiwohner. Anderi wichtige Städt sind Homel, Mogilew und Wizebsk. Mit öppe zäh Millione Iiwohner hät s Land echli meh Iiwohner als d Schwiiz, wo sech über en öppe föif Mal so grossi Flächi verteilet.
Gschicht
Bis zum Erschte Weltchrieg isch Wiissrussland immer e Teil vomene mächtigere Land gsi, öppe vo der Adelsrepublik bzw. em Chönigriich Pole, vom Grossfürschtetum Litaue oder vom Russische Kaiserriich. Noch em Erschte Wältchrieg isch es as Unionsrepublik en autonome Teil vo de Sowjetunion worde, und noch em Zweite Weltchrieg häts e Vergrösserig uf Chöschte vo Zwüschechriegs-Pole überchoo.
Wäg sirä Nöchi zum ukrainischä Tschernobyl isch dr südlech Teil fo Wiisrussland o dür d Katastrophe vo Tschernobyl betroffä gsi.
1991 isch es vo de Sowjetunion unabhängig worde. Sit 1994 wird s Land vom Aljaksandr Lukaschenka (russisch: Alexander Lukaschenko) regiert. Noodernoo isch es zunere Diktatur verchoo.
Nach de Präsidäntschaftswahle 2020 isch ä grossi Oppositionsbewegig gäge dr Alexander Lukaschenko entstande. Si wärfe dr Regierig Wahlbschiss vor. Bi de gröschte Demonstratione i Minsk si bis zu 100.000 Mensche drbi gsi.
Verwaltigsgliderig
Wiissrussland isch in sächs Verwaltigsbezirk (Woblast) mit 118 Kreis (Rajon) glideret. D Hauptstadt Minsk het e Sonderstatus und ghört zue keim Woblaste aa.
 |
|
Weblink
Commons: Belarus - Wiissrussland – Sammlig vo Multimediadateie- Länderinformatione zu Belarus Uswärtigs Amt, Berlin
Fuessnote
This article uses material from the Wikipedia Alemannisch article Weißrussland, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.