Epilepsii (vo altgriech. ἐπίληψις epílēpsis „Aagriff, Überfall“ über latiinisch epilepsia, sit em 16. Joorhundert cha dr Begriff noochgwiise wärde), uf Dütsch Fallsucht, uf Alemannisch s fallet Wee oder s böös Wee, bezäichnet e Chrankhetsbild mit mindestens äim spontane Chrampfaafall, wo nit dur en Ursach usglööst worden isch, wo mä vorhär het chönne bemerke wie zum Bischbil en akuti Entzündig, e Stromschlag oder e Vergifdig.
Uf dr nöirologische Ebeni isch son e epileptische Chrampfaafall e Folg vo aafallsartige (paroxysmale) synchrone Entladige vo Nöironegrubbe im Hirni, wo zu plötzlige, unwillkürlige stereotüpe Stöörige vom Verhalte oder Befinde füere.
Zur Diagnose wird d Chrankegschicht ermiddlet und e Hirnstromkurve (Elektroenzefalografii) gmacht. Au Modalitääte wie Magnetoenzephalografii (MEG), Computertomografii (CCT), Magnetresonanztomografii (MRT oder MRI) und anderi ghöre zur Rutinediagnostik. D Behandlig bestoot zerst emol in Medikamänt, wo Chrämpf underdrucke (Antikonvulsiva). In therapiiresistänte Fäll chömme auch ander Methode bis zur Epilepsiichirurgii zum Iisatz. En Epilepsii het für en Epileptiker alli mööglige Iiflüss uf s Alldagslääbe, wo in dr Behandlig au müesse berücksichtigt wärde.
Öbbe 10 % vo alle Mensche häi e gröösseri Schanse, en Aafall überzchoo. Mä schetzt, ass 4–5 % vo alle Mensche wenigstens äinisch im Lääbe en epileptische Aafall wäge bsundrige Umständ öberchömme, wo sich nume under dene Bedingige widerholt. Vo sonige Gläägehäitschrämpf muess mä die aktivi Epilepsii underschäide. Unter dere liide in Dütschland 0,5–1 % vo dr Bevölkerig.
Epilepsii git s nit nume bi Mensche, sondern cha in ere äänlige Form au bi verschidene Dier ufdräte, vor allem bi gwüsse Rasse vo Hünd.
Zerst emol muess mä drfür sorge, ass dr Epileptiker nid zu Schade chunnt wääred em e Aafall:
Wenn niemer ume Wääg isch, wo d Akutbehandlig bim ene epileptische Aafall kennt, sött sofort eme Notarzt delifoniert wärde. Dä cha em Medikamänt sprütze, wo em Aafall en Ändi macht.
Die meischten Aafäll sind churz und höre vo selber uuf. Je länger än Aafall goht, desto grösser isch Gfohr dass hirni Schade nimmt.
Es cha im Arzt hälfe, wemm mä genau ufbasst, wie dr Aafall vor sich goot und wie lang er gsi isch, wil das bí dr Diagnoose unterstützt. Die Person wodr Afall het cha sich nocher nöd dra erinere.
I sehr vile Fäll sind Aafäll seltä, und es chönd mehreri Johr zwüsched zwei Aafäll ligge.
En einzelnen Aafall het oft en Usöser, wie zwenig Schloof oder Stress.
Leerbüecher und Rootgääber
Gschicht
Erfahrigsbricht
Übersichtsaarbede
Bitte tue de Hiwiis zu Gsundheitsthemene biachte! |
Dä Artikel basiert uff ere fräie Übersetzig vum Artikel „Epilepsie“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Epilepsie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.