Die Nilo-Sahariese tale is 'n taalfamilie wat uit omtrent 205 tale bestaan wat deur sowat 50–60 miljoen mense gepraat word.
Hulle is oorwegend aan die boloop van die Shari- en Nylriviere (Wit Nyl) insluitende die historiese streek van Nubië versprei. Die Nilo-Sahariese tale word in 18 lande van Noord-Afrika vanaf Algerië en Mali in die noordweste oor Benin, Nigerië, Soedan, Suid-Soedan en die DR Kongo in die suide en vanaf Egipte in die noorde tot Kenia en Tanzanië in die ooste gepraat. Die grootste deel van die belangrikste sytak word in Soedan en Suid-Soedan aangetref.
Nilo-Sahariese tale | |
---|---|
Geografiese verspreiding: | Suid-Sentraal- en Oos-Afrika |
Genetiese klassifikasie: | Nilo-Saharies Nilo-Sahariese tale |
Onderafdelings: | Berta Fur Gumuz Koman Kuliak Kunama Maban Saharan Songhai Sentraal-Soedannees Oos-Soedannees (insluitend Niloties) Kadu? Mimi-D? Shabo? |
Verspreiding van Nilo-Sahariese tale |
Die naam van dié taalfamilie is van sy verspreiding in die binneland van Noord-Afrika aan die grotere Nylbekken met sy syriviere en die Sentraal-Sahariese woestyn afgelei. Dit bevat hoofsaaklik die tale wat nie tot die Afro-Asiatiese, Khoisan- of Niger-Kongo-tale behoort nie en word nie deur al taalkundiges erken nie.
Van die grootste tale volgens moedertaalsprekers is Kanuri (7,9 miljoen), Luo (4,2 miljoen), Masai (1,6 miljoen), Dinka (1,4 miljoen) en Nuer (0,9 miljoen).
This article uses material from the Wikipedia Afrikaans article Nilo-Sahariese tale, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.