ფილმი ტიტანიკი
ტიტანიკი — 1997 წანაშ ამერიკული ფილმი, ნამუშ რეჟისორი რე ჯეიმზ კამერონი.
ფილმის წჷმორინელი რე ამაჸონებელი ისტორია ხვამარდი ტიტანიკიშ მეშარეეფიშ, ჯეკ დოუსონიშ დო როუზ დევიტ ბიუკეიტერიშ გეშა, ნამუეფიშ როლეფს არსულენა ლეონარდო დიკაპრიო დო კეიტ უინსლეტი. 2012 წანას, ეკრანეფს გიშართჷ ფილმიშ 3-D ვერსიაქ.
| ტიტანიკი (ფილმი) | |
| ფაილი:Titanik film.jpg | |
| ჟანრი: | ისტორიულ-რომანტიკული დრამა |
|---|---|
| რეჟისორი: | |
| პროდიუსერი: | ჯეიმზ კამერონი, ჯონ ლანდაუ, რეი სანჩინი |
| სცენარიშ ავტორი: | ჯეიმზ კამერონი |
| თარ როლეფს: | ლეონარდო დიკაპრიო |
| კომპოზიტორი: | |
| მონტაჟი: | ჯეიმზ კამერონი, კონრად ბეფ IV, რიჩარდ ჰარისი |
| კინოსტუდია: | |
| გჷშულაშ თარიღი: | 19 ქირსეთუთა 1997 |
| ხანგჷნძარალა: | 194 წნ |
| ქიანა | |
| ნინა: | |
| მუშნალი: | $ 1,843,201,268 |
გინოღალა
თიშ უმიკუჯინუო, ნამდა ჯინჯიერი სიუჟეტური ღოზი გჷმოგონაფილი რენ, ფილმიშ პერსონაჟეფიშ ნორთი ეპონილი რე რეალური პიჯეფიშ მეჯინათ, კამერონიშ მეჯინათ, ტიტანიკიშ ტრაგედიაშ ფონს ჸოროფაშ ისტორია უმოსო მიკმაჟოფალი იჸიდჷ მაჯინეეფშო.
ფილმიშ გინოღალაქ 1995 წანას დიჭყჷ, მუჟამსჷთ კამერონქ გინიღჷ რეალური ტიტანიკიშ წყარსგიმეიანი ნოსქილადუეფი. ასეიანი სცენეფი გინიღეს ჭკუდის ’მსტისლავ კელდის’. ტიტანიკიშ რეკონსტრუქციაქ მოხვადჷ კალიფორნიულ სტუდიას, მუსჷთ გიაძინჷ უკული გინოღალირ მოდელეფქ დო კომპიუტერულ ეფექტეფქ. ფილმიქ მოწოკო დეფინანსჷ კომპანიეფიშ Paramount Pictures დო 20th Century Foxშე. მუში ბორჯიშო ’ტიტანიკი’ იკოროცხუდჷ არძა ბორჯიშ მაღალბიუჯეტამი ფილმო - თიში გინოღალაქ აკანო 200 მილიონი ააშ დოლარქ ქუდოდოხოდჷ. ფილმიშ პრემიერა ულამუდესჷ 1997 წანაშ 2 კვირკვეს, მორო გეძინელი სამუშეფიშ ღოლამაშ გეშა გინიდჷ 19 ქირსეთუთაშო.
ფასება
კრიტიკოსეფქ თის მაღალი ფასება მეჩეს. ამაყონებერი წჷმოძინაქ ხვადჷ თის კომერციულო. ამერიკაშ კინოინსტიტუტიშო ტიტანიკი იკოროცხუ არძა ბორჯიშ წკარით მაამშვა საუჯგუშო ეპიკურ ფილმო. თიქი გინირთჷ არძა ბორჯიშ არძაშე მიშმალუამ ფილმო - მიშულირი ფარა 1.8 მილიარდ ააშ დოლარს ოძინუდჷ. 12 წანაშ გოძვენას თინა სქიდუდ რეკორდსმენო კამერონიშ უკულიან ნახანდა ავატარშა (2009), ნამუშ მიშმალუ, მუში განშე, წოხოლენიშ ციფრეფს ოძინუდჷ.
ჯილდოეფი
ტიტანიკი წჷმორინელი რდჷ ამერიკაშ კინოაკადემიაშ ჯილდოს - გვალო 14 ნომინაციას, სოჸურეშეთ 11 ჯილდოქ მიაჩჷ. ათენა რდჷ 1959 წანას ფილმ „ბენ-ჰურიშ“ დოდვალირი რეკორდიშ გომაჟირაფა.
ოსკარი
- საუჯგუშო ფილმი
- საუჯგუშო რეჟისორი: ჯეიმზ კამერონი
- საუჯგუშო ოპერატურა
- საუჯგუშო კოსტუმეფიშ დიზაინი
- საუჯგუშო ხანტურული გაფორმება
- საუჯგუშო მონტაჟი
- საუჯგუშო მუსიკა: ჯეიმზ ჰორნერი
- საუჯგუშო ბირა: ჯეიმზ ჰორნერი
ორქოშ გლობუსი
- საუჯგუშო საუნდტრეკი: ჯეიმზ ჰორნერი
- საუჯგუშო ბირა: ჯეიმზ ჰორნერი
რესურსეფი ინტერნეტის
შეგილებუნა ქოძირათ მედიაფაილეფი თემაშე „ტიტანიკი (ფილმი)“ ვიკიოწკარუეს.- ოფიციალური საიტი
This article uses material from the Wikipedia მარგალური (Margaluri) article ტიტანიკი (ფილმი), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.