2021

jannewarie

• 1 - In de provincies Groninge en Noord-Braobant weure (beperkde) gemeinteleke herindeilinge doorgeveurd.
• 1 - De Portugese regering nömp 't veurzittersjap vaan de Raod vaan de Europese Unie veur 'n haaf jaor euver.
• 2 - In Niger, kortbij de grens mèt Mali, weurt 'nen aonslaag gepleeg boebij tientalle börgerdoeje valle.
• 6 - 'n Gróp extreemrechse demonstrante vèlt, aongevuurd door president Donald Trump, 't Capitool binne mèt es doel de bevesteging vaan Joe Biden es president vaan de Vereinegde Staote te stoppe.
• 9 - Vlöch 182 vaan Sriwijaya Air stort kort nao 't vertrèk oet Jakarta in zie. Alle 62 inzittende koume um.
• 13 - Donald Trump weurt in 't Hoes vaan Aofgeveerdegde officieel aongeklaog veur de couppoging 'n week iejer. 't Is d'n twiede kier tot dit middel tegen 'm weurt ingezat.
• 15 - 't Kabinèt-Rutte III treujt aof um de Touwslage-affair.
• 16 - De CDU keus ziech Armin Latschet es nuie partijleier.
• 20 - Joe Biden weurt geïnstalleerd es de 46e president vaan de Vereinegde Staote.
• 23 - In Nederland geit 'n aovendklok in, mèt es doel de verspreiing vaan COVID-19 euver fieskes te veurkoume. De maotregel zal tot 28 aprèl in wèrking blieve.
• 26 - Kaja Kallas weurt d'n ierste vrouweleke premier vaan de Rippebliek vaan Esland naomes häör liberaol-progressieve partij ER

fibberwarie

• 1 - 't Leger in Birma zèt de democratisch gekoze regering vaan Aung San Suu Kyi aof.
• 5 - De Nederlandse rockband Golden Earring stop per direk naotot bekind weurt tot gitaris George Kooymans ALS heet.
• 13 - Mario Draghi, baankeer en veurheer prizzedent vaan de Europees Centraol Baank, weurt Premier vaan Italië en krijg es opdrach mèt um groete ikkenomische stimuli vaanoet de EU efficiënt te implimentere in de Italiaonse ikkenmie.

miert

• 3 - De Hongaarse politieke partie Fidesz maak bekind oet de EU-fractie van de Europese Volkspartie te sjtappe.
• 10 - 't Hoes van Aafgevaerdigde sjtump in mit 't ómvankriek COVID-sjteunplan van Joe Biden, mit de aanpassinge die de Senaat haet aafgedwónge.
• 17 - In Nederlandj zeen verkezinge veur de Twiede Kamer. De VVD van premier Mark Rutte hilt zich, D66 weurt de twiede groetste, dewiel de extreemrechse partieë zoe groet waere es alle linkse partieë same. In totaal haole neet minder es zevetien partieë de Kamer.
• 23 - 't Containersjeep de Ever Given sjtrand in 't Suezkenaal, wat hiedaor lankdoerig weurt geblokkeerd.
• 26 - De Nederlands-Limbörgse CDA-gedeputeerde Ger Koopmans en Hubert Mackus sjtappe op nao e sjendal róndj hunne partiegenoet Herman Vrehen.
• 31 - 'ne Brusselse richter verordonneert det de Belzje sjtaot alle maotraegele taege COVID-19 binne de dartig daag mót sjrappe, of in 'ne baetere wèttelike basis deveur mót veurzeen.

april

• 1 - 'n Motie van wantroewe weurt ingedeendj taege Mark Rutte en gesjteund door de ganse oppositie, naodet dudelik weurt det Rutte euver details oet de formatie haet gelaoge.
• 9 - Gouvernäör Theo Bovens en 't Colleesj van Gedeputeerde Sjtaote sjtappe op in de naosjleip van de Vrehen-affair.
• 16 - Raúl Castro sjtop es leier van de Communistische Partie op Cuba. Iejer sjtopde hae al es presidentj van 't landj.
• 19 - De Marshelikopter Ingenuity, deil van de Perseverance-missie, vluug euver 't oppervlaak van Mars. 't Is d'n ierste kier det e minsjelik tuug 'n gecontroleerde vlöch door 'n boetenaerdse atmosfeer deit.
• 21 - D'n Indonesischen óngerzieboot KRI Nanggala (402) raak mit 53 opvarendje vermis in de Balizie. Later bliek det ze gezónken is en daobie in drie sjtökker is gebraoke.

mei

• 2 - In Gebrook weurt 'ne man doedgesjote.
• 18 - Kepraol en sjeetinsjtructeur Jürgen C. oet Lanker vertrèk zjwaorbewaopendj mit 't veurnumme zich mit geweld taege de euverheid te waere. Hae weurt dagelang vröchteloes gezoch; naoderhandj bliek hae zich kort nao zien vlöch te höbbe verdaon.
• 22 - De völkaan Nyiragongo in 't oeste van Congo-Kinshasa bersj oet. 32 luuj kómme óm en in diverse dörper róndj Goma is groete materieel sjaoj.
• 23 - 'ne Vlöch van Ryanair mit aan baord de Wit-Róssische oppositiefiguur Roman Protasevitsj weurt op las van de regering baove Wit-Róslandj oet de loch gehaold. Protasevitsj weurt nao lanjing astrein gearresteerd.
• 23 - 'n Kabelbaon in 't Italiaans dörpke Stresa (Piemonte) sjtort door sjlech óngerhaud en sabotaasj denaer. Alle inzittende op eine nao kómme óm.
• 24 - Assimi Goïta, kóllenel en vice-presidentj van Mali, zèt in 'ne coup presidentj Bah Ndaw aaf. Ndaw waor in september 2020 zelf daor 'ne coup aan de mach gekómme.
• 26 - D'n tribbenaal in D'n Haag verplich Shell, in 'n zaak aangesjpanne door Milieudefensie, ziene CO2-oetsjtoet taege 2030 mit 45% te vermènjere.

juni

• In Vlaandere óntsjteit e sjendaal róndj de gróndjvervoeling mit PFOS ('n hiel lestig aafbraekbaar sjtóf) door 't 3M-febrik in Zwijndrecht. Ónger mie de euverheid weurt verwete dao lank neet op te höbbe gelèt.
• 1 - In Lin waere vieftig Roemeense wirkluuj óntdèk die ónger extreem sjlechte en gevierlike ómsjtenjighede laeve.
• 8 - Ratko Mladić weurt ouch in hoeger beroop tot laeveslank veroerdeild.
• 12 - Nao diverse inhaudelike en persuunlike conflikte sjtap Kamerlid Pieter Omtzigt oet 't CDA.
• 13 - In Israël kump nao diverse mislökde formaties en nuuj verkezinge 'n regering ónger Naftali Bennett tot sjtandj. De regering berós op 'n links-rechse mónstercoalitie die veural es doel haet de lankjäörige premier Benjamin Netanyahu en zien Likoedpartie van de mach te hawwe.
• 18 - In Antwerpe vilt 'n sjaol in aanboew in. Hiebie valle vief doeje.
• 25 - Derek Chauvin, de blauwe dae verantjwaordelik is veur d'n doed van George Floyd, weurt tot 22 1/2 jaor gevangenis veroerdeild.
• 29 - Bove 't Belsj, 't Rijnland en Zuid-Limbörg breke zwoer sjore oet, die neerslaagrecords breke en oetindelek zwoer euverstruiminge tot gevolg höbbe.

juli

• 6 - Misdaodverslaaggever Peter R. de Vries weurt in Amsterdam neergesjote. Heer störf nege daog later aon zien woonde.
• 7 - D'n Haïtiaanse presidentj Jovenel Moïse weurt in zie hoes doedgesjaote.
• 16 - De Maas bie Èèsjde bereik e debiet van 3260 m³/s; 'n absoluut record.
• 30 - In Ni-jwieërt tröf de pelitie 't groetste crystal methlab aan wat oets in Nederlandj is gevónge.

augustus

• 1 - De Wit-Russische loupster Krystsina Tsimanowskaja geit op de vlöch. Ze zal later asiel kriege in Pole.
• 9 - De IPCC publiceert 't ierste deil van zie zèsde rapport. Volgens hun kan de klimaatopwerming nog wel tot 5 graod oploupe es neet gaw hiel väöl mie weurt gedaon.
• 11 - In Floridia op Sicilië weurt 'n temperatuur van 48,8 graod gemaete. Dit is 'n Europees wermderecord.
• 14 - Haïti weurt geraak door 'nen aerdsjóddel van 7,2 op de MM-sjaol.
• 15 - De Taliban beginne aan 't innumme van Kaboel.
• 26 - Bie 't vleegveld van Kaboel weurt 'ne zelfmaordaansjlaag geplaeg, wobie 170 luuj ómkómme, woerónger 13 Amerikaanse militaire. IS eis d'n aansjlaag op.

september

• 2 - De Zjwaedse pópgróp ABBA brèngk twie singles oet en kunjig e nuuj album en 'n serie virtueel kónzaers aan.
• 5 - Inne Guineese huidsjtad Conakry begeit 't laeger 'ne sjtaotsgreep. Presidèntj Alpha Condé weurt daobie gevangegenómme.
• 15 - In 't Kennedy Space Center weurt Inspiration4 gelanceerd, de ierste toeristische ruumdevlöch.
• 16 - Sigrid Kaag treujt aaf es minister van Boetelandjse Zake nao 'n motie van aafkäöring taege häör. Einen daag later treujt ouch Ank Bijleveld aaf.
• 19 - De Cumbre Vieja, 'n völkaan op La Palma (Canarische Eilenj) begintj 'n oetbersting die de evacuatie van doezende luuj tot gevolg haet.
• 23 - Carles Puigdemont, de vreugere premier van Catalonië, weurt in Italië gearresteerd.
• 25 - Sjtaotssecretair Mona Keijzer van Ikkenomische Zake weurt oet 't kabinèt-Rutte III óntsjlaoge óm häör eupelike kritiek op 't COVID-beleid.
• 26 - Bie verkezinge veur de Bóndjsdag geit de CDU/CSU van Armin Laschet op 'n historisch verlees aaf. De SPD van Olaf Scholtz weurt de groetste partie. Mit de Daens-Friese SSW kump veur 't iers ouch 'n minderheidspartie in 't nationaal parlemènt.
• 26 - In Zjwitserlandj sjtump 'n mierderheid van de bevolking veur 't toelaote van 't homohoewelik.
• 6 - De WHO käört veur 't iers e malariavaccin good.
• 7 - 't Pools Constitutioneel Haof bepaolt det de Poolse gróndjwèt veurgeit op de minsjerechteartikele van de EU. Dit maak de verhaudinge tösje Pole en de EU nog sjlechter es ze al waore.
• 9 - D'n Oosteriekse boondskanseleer Sebastian Kurz treujt aof nao e corruptiesjendal.

Veurspäölde en geplande gebäörtenisse

• 30 november - Barbados, noe nog e Gemeinebèsriek mèt keuningin Elizabeth II aon 't hoof, weurt 'n rippubliek.
• 18 december - Nao diverse kiere oetstèl weurt de James Webb Space Telescope gelanceerd.

Sport

Zuug ouch: Categorie:Sjport in 2021

Väöl eveneminte die in 2020 hejje mote plaotsvinde meh door de COVID-19-pandemie neet kóste doorgoon, woorte oetgestèld tot 2021. Umtot ouch dit jaor de pandemie nog laank neet waor oetgeraos, is väöl sport nog wijer oetgestèld of aofgestèld. Ouch is väöl sport die veur 't vreugjaor gepland waor versjove nao 't naojaor, wie e groet deil vaan de wereldbevolking gevaccineerd waor.

• 23 jannewarie - Tom Dumoulin sjeit oet mèt fietsrenne. Op 13 mei kundeg heer zienen trökkier aon.
• 7 fibberwarie - De 55e editie van de Super Bowl weurt gewonne door de Tampa Bay Buccaneers, die de Kansas City Chiefs mit 31-9 versjlaon.
• 8-21 fibberwarie - Australian Open. Novak Djokovic wint bij de manslui, en Naomi Osaka bij de vrouwlui.
• 27 fibberwarie - Davide Ballerini wintj Omloop Het Nieuwsblad bie de mansluuj, en Anna van der Breggen bie de vrouwluuj.
• 6 miert - Mathieu van der Poel wint d'n Italiaanse fietsrenklassieker Strade Bianche.
• 20 miert - De Belsj Jasper Stuyven wintj Milaan-Sanremo.
• 28 miert - Wout Van Aert wintj Gent-Wevelgem bie de mansluuj, en Marianne Vos bie de vrouwluuj.
• 4 april - D'n Daen Kasper Asgreen wintj de Runj van Vlaandere bie de mansluuj. Annemiek van Vleuten wintj bie de vrouwluuj.
• 10 april - De Ierse Rachael Blackmore wintj mit Minella Times de Grand National. Ze is de ierste vrouwelike ruter die dit evenemènt wintj.
• 18 april - Marianne Vos wintj de Amstel Gold Race bie de vrouwluuj, en Wout Van Aert bie de mansluuj.
• 18 april - AFC Ajax pak veur d'n twintigste kier de KNVB-baeker veur mansluuj daor in de finale mit 2-1 te winne van SBV Vitesse.
• 18 april - Twelf Europese voetbalclubs prizzentere e plan veur de Super League, 'n gesjlaote competitie die de UEFA Champions League zouw mótte vervange. Direk denao kómme väöl luuj en organisaties mit koej reacties.
• 20 april - Door e verlees taege Arminia Bielefeld degradeert Schalke 04 oet de Bundesliga.
• 21 april - Anna van der Breggen wintj veur de zevende kier de Welzje Piel bie de vrouwluuj, 'n absoluut record. Julian Alaphilippe wintj bie de mansluuj.
• 25 april - Demi Vollering wintj Luuk-Bastenaoke-Luuk bie de vrouwluuj, en Tadej Pogačar bie de mansluuj.
• 25 april - Racing Gènk wintj de Croky Cup door in de finaal mit 1-2 van Standard Luuk te winne.
• 2 mei - AFC Ajax weurt veur de 35e kier landskampión daor mit 4-0 van FC Emmen te winne.
• 8-30 mei - Runde vaan Italië. Egan Bernal pak de wins.
• 20 mei - Club Brugge weurt daor e 3-3 gelieksjpael taege Anderlecht veur de 17e kier kampión voetbal van 't Belsj.
• 22 mei - Mit zienen 41e gool van 't sezón brik Robert Lewandowski 't aud record van Gerd Müller, wat jaorelank veur ónversjlaonbaar woort gehauwe.
• 23 mei - Max Verstappen wintj de Grand Prix van Monaco en pak daomit veur d'n ierste kier de leiing in 't WK-klassemènt.
• 26 mei - Villarreal wintj de UEFA Europa League daor mit 1-1 (penanties 11-10) van Manchester United te winne. 't Aantal nujige penanties waor mit 22 oetzunjerlik groet.
• 29 mei - Chelsea F.C. wintj veur d'n twiede kier de UEFA Champions League daor mit 1-0 te winne van Manchester City FC.
• 30 mei - 13 juni - Roland Garros. Novak Djokovic wint bij de manslui, Barbora Krejčíková bij de vrouwlui.
• 11 juni - 11 juli - Europees kampioensjap hierevoetbal 2021 in gans Europa. Italië wint door in de finaal vaan Ingeland te winne.
• 13 juni - 10 juli - Copa América 2021. Argentinië wint 't toernooj door in de finaal gasland Brazilië te versloon.
• 26 juni - 18 juli - Runde vaan Fraankriek. Tadej Pogačar wint veur d'n twiede kier.
• 28 juni - 11 juli - Wimbledon. Novak Djokovic wint bij de manslui, Ashleigh Barty bij de vrouwlui.
• 23 juli - 8 augustus - Olympische Zomerspeule 2021 in Tokio.
• 2-11 juli - Giro Rosa. Anna van der Breggen pak häör zèsde euverwinning.
• 5 augustus - Lionel Messi verlèngk zien aafloupendj contrak mit FC Barcelona neet.
• 30 augustus - 12 september - US Open. Daniil Medvedev wint bij de manslui, Emma Raducanu bij de vrouwlui. Raducanu is de ierste neet-geplaotse späölster oets die dat lök.
• 5 september - Veur 't iers saer 1985 weurt in Zandvoort 'ne Grand Prix gehauwte. Max Verstappen wintj de race.
• 26 september - Lewis Hamilton wintj de Grand Prix van Sotsji en pak daomit zien hóngerdste GP-euverwinning.
• 28 september - FC Sheriff Tiraspol, de landjkampión van Moldavië, zörg veur 'ne groete sensatie door in de UEFA Champions League mit 1-2 van Real Madrid te winne.
• 2-3 oktober - Paries-Roubaix, mèt veur d'n ierste kier 'n race veur vrouwlui. De Britse Elizabeth Deignan wint die race, dewijl d'n Italiaon Sonny Colbrelli de editie veur de manslui wint.
• 3 oktober - De Klassieker weurt veur 't iers door (seniore-)vrouwe-èlftalle gespäöld. Feyenoord wint mèt 4-1.
• 10 oktober - Frankriek wintj de twiede editie van de UEFA Nations League door mit 1-2 van Sjpanje te winne.

Aofgelas of oetgestèld um de COVID-19-pandemie

Doorloupende quarantainemaotregele höbbe es gevolg tot me al in november 2020 sommege eveneminte mós aofzègke. Dit gelt m.n. veur 't fietsrenne in Australië.

• Tour Down Under - gepland veur 14 t/m 24 jannewarie, aofgelas
• Wereldkampioensjap damesvoetbal - gepland veur 11 juli t/m 1 augustus, oetgestèld tot 2022

Prieze

• 20 miert - Astrid Roemer krieg es ierste Surinamer/se de Pries van de Nederlandse Lèttere toegekèndj.
• 25 april - Bie de 93e Academy Awards weurt Nomadland bekroend tot bèste film, Anthony Hopkins tot bèsten acteur en Frances McDormand tot bèste actries.
• 22 mei - Italië wintj de 65e editie van 't Eurovisie Songfestival mit 't leedje "Zitti e buoni", oetgeveurd door Måneskin.
• 9 september - Alfred Schaffer krieg de P.C. Hooftprijs veur poëzie oetgereik.
• Nobelprieze
  • Geneeskunde: David Julius en Ardem Patapoutian "veur hun oontdèkking vaan wermde- en aonrakingsreceptore."
  • Natuurkunde: Syukuro Manabe en Klaus Hasselmann "veur 't make vaan fysieke modelle vaan 't Eerds klimaot, boemèt de veranderlekheid en betrouwbaarheid in 't veurspeule vaan de klimaotopwerming weurt bepaold" en Giorgio Parisi "um de oontdèkking vaan 't speul tösse versteuringe en fluctuaties in fysieke systeme vaan atomair tot op planetair niveau."
  • Sjemie: Benjamin List en W.C. MacMillan "um hun oontwikkeling van asymmetrische organokatalyse."
  • Literatuur: Abdulrazak Gurnah "um zie compromisloes, mètliedsvol doordringe tot de effekte vaan 't kolonialisme en 't loot vaan de vlöchteling in de kloof tösse culture en continente."
  • Vrei: Maria Ressa en Dmitri Andrejevitsj Moeratov "veur hun inspanninge um de vrijheid van meiningsuiting, 'n veurweerde veur democratie en doorzame vrei, te waarborge."
  • Economie: David Card "veur zien empirische bijdrage aon arbeidseconomie" en Joshua D. Angrist en Guido W. Imbens "um hun methodologische bijdrage aon de analyse van causaol verben."

Persoen vaan 't Jaor

Elon Musk

• 1 jannewarie - Carlos do Carmo, Portugese fadozenger (81)
• 3 jannewarie - Gerry Marsden, Britse rockzenger (78)
• 4 jannewarie - Lance O'Brien, Amerikaanse acties (65, blaosoontsteking)
• 4 jannewarie - Marinus Veltman, Nederlandse natuurkundege (Nobelpries in de Natuurkunde 1999; 89)
• 5 jannewarie - Colin Bell, Britse voetballer (74)
• 14 jannewarie - Siegfried Fischbacher, Duitsen illusionis (81, slókdermkaanker)
• 15 jannewarie - Pierre Cherpin, Franse motorcoureur (52, gevolge vaan 'n oongelök)
• 16 jannewarie - Phil Spector, Amerikaanse producent (81, COVID-19)
• 21 jannewarie - Jean Graton, Belzje stripteikeneer (97)
• 22 jannewarie - Hank Aaron, Amerikaansen hoonkballer (86)
• 23 jannewarie - Larry King, Amerikaanse prizzentator (87)
• 28 jannewarie - Paul Crutzen, Nederlandse sjemis, Nobelpries in de Sjemie 1995 (87)
• 30 jannewarie - SOPHIE, Britse zengeres en producente (34)
• 2 fibberwarie - Tom Moore, Britsen oorlogsveteraon (100, COVID-19)
• 3 fibberwarie - Kris De Bruyne, Belzje zenger (70)
• 5 fibberwarie - Christoph Plummer, Canadesen acteur (91)
• 5 fibberwarie - Han Urbanus, Nederlandsen hoonkballer (93)
• 8 fibberwarie - Els Vader, Nederlandse loupster (61)
• 8 fibberwarie - Mary Wilson, Amerikaanse soulzengeres (76)
• 9 fibberwarie - Chick Corea, Amerikaanse jazzpianis (79, kaanker)
• 10 fibberwarie - Larry Flint, Amerikaansen oetgever (78)
• 10 fibberwarie - Luc Verstreylen, Belzje pater en politicus (93)
• 14 fibberwarie - Carlos Menem, Argentijnse politicus (90)
• 15 fibberwarie - Johnny Pacheco, Dominicaanse choreograaf en pioneer vaan de salsa (85, complicaties vaan longoontsteking)
• 18 fibberwarie - Jan Mans, Nederlands-Limbörgse politicus (80)
• 19 fibberwarie - Leopold Lippens, Belzje politicus (79, leukemie)
• 3 miert - Jeroen van Merwijk, Nederlandse cabaretier (65, dermkaanker)
• 6 miert - Lou Ottens, Nederlandsen inzjenieur en oetvinder (94)
• 9 miert - James Levine, Amerikaansen dirizjènt (77)
• 17 miert - John Magufuli, Tanzaniaanse politicus (61, hertkrenkde of COVID-19?)
• 20 miert - Nawal El Saadawi, Egyptische sjriefster (89)
• 22 miert - Elgin Baylor, Amerikaanse basketter (86)
• 29 miert - Bibian Mentel, Nederlandse gehandicapdesjportster (48, kaanker)
• 7 aprèl - Pieter Muysken, Nederlands-Limbörgsen taolwetensjapper (70 of 71; doed deen daag bekindgemaak)
• 9 aprèl - Ramsey Clark, Amerikaanse zjuris (93)
• 9 aprèl - DMX, Amerikaanse rapper (50, euverdosis)
• 9 aprèl - Philip, Britse prins-gemaol (99)
• 14 aprèl - Bernie Madoff, Amerikaanse krimmeneel (82, neerkrenkde)
• 16 aprèl - Heinze Bakker, Nederlandse sportjournalis (79)
• 19 aprèl - Willy van der Kuijlen, Nederlandse voetballer (74, krenkde vaan Alzheimer)
• 19 aprèl - Walter Mondale, Amerikaanse politicus (93)
• 20 aprèl - Idriss Déby Itno, Tsjaadse politicus (68, oorlogwoonde)
• 24 aprèl - Christa Ludwig, Oosteriekse operazengeres (93)
• 25 aprèl - Alber Elbaz, Franse mode-oontwerper (59, COVID-19)
• 28 aprèl - Michael Collins, Amerikaansen astronaut (90)
• 29 aprèl - Hafid Bouazza, Marokkaons-Nederlandse sjriever (51, leverkrenkde)
• 30 aprèl - Hans van Baalen, Nederlandse politicus (60)
• 1 mei - Pieter Aspe, Belzjen detective-oteur (68)
• 10 mei - Michel Fourniret, Franse seriemaordeneer (79)
• nao 18 mei - Jürgen Conings, Belzje militair en terroris (46 of 47)
• 23 mei - Eric Carle, Amerikaansen oteur vaan kinderbeuk (91)
• 27 mei - Kees de Jager, Nederlandsen astronoom (100)
• 3 juni - Anne van der Meiden, Nederlandsen theoloog en dialekoteur (91)
• 7 juni - A.L. Snijders, Nederlandse sjriever (83)
• 11 juni - Lucinda Riley, Ierse sjriefster (55)
• 15 juni - Dirk Bracke, Belzje jäögbokesjriever (68)
• 17 juni - Kenneth Kaunda, Zambiaanse politicus (97)
• 18 juni - Giampiero Boniperti, Italiaanse voetballer (92)
• 23 juni - John McAfee, Brits-Amerikaanse programmeur (75, zelfmaord)
• 26 juni - Wes Madiko, Kameroenese zenger (57, infectie)
• 26 juni - Frederic Rzewski, Amerikaanse componis (83)
• 29 juni - Flor Aarts, Nederlands-Limbörgsen taolkundege (86)
• 30 juni - Inge Danielsson, Zweedse voetballer (80)
• 30 juni - Donald Rumsfeld, Amerikaanse politicus (88)
• 1 juli - Louis Andriessen, Nederlandse componis (82)
• 2 juli - Jolien Verschueren, Belzje cyclocrosster (31, hersekaanker)
• 5 juli - Raffaella Carrà, Italiaanse zengeres en actries (78)
• 5 juli - Bill Ramsay, Amerikaans-Duitse slagerzenger (90)
• 7 juli - Jovenel Moïse, Haïtiaanse politicus (53, vermaord)
• 14 juli - Kurt Westergaard, Deense cartoonis (86)
• 15 juli - Andy Fordham, Britsen darter (59)
• 15 juli - Peter R. de Vries, Nederlandse journalis (64, vermaord)
• 25 juli - Eddy Posthuma de Boer, Nederlandse fotograaf (90)
• 26 juli - Joey Jordison, Amerikaanse rockmuzikantj (Slipknot) (46)
• 26 juli - Hero Muller, Nederlandsen acteur (83)
• 26 juli - Michel Van Dousselaere, Belzjen acteur (73, progressief afasie)
• 28 juli - Dusty Hill, Amerikaanse rockmuzikant (ZZ Top) (72)
• 28 juli - Johnny Ventura, Dominicaanse merengue- en salsamuzikant (81)
• 30 juli - Jacob Desvarieux, Guadeloupese zoukmuzikant (65, COVID-19)
• 7 augustus - Dennis Thomas, Amerikaanse funkmuzikant (Kool & The Gang) (70)
• 10 augustus - Lara Switten, Belsj-Limbörgse vlogger (35, baarmoojerhalskaanker)
• 12 augustus - K. Schippers, Nederlandsen diechter (84, kaanker)
• 15 augustus - Gerd Müller, Duitse voetballer (75, krenkde vaan Alzheimer)
• 18 augustus - Sean Lock, Britse kemik (58)
• 21 augustus - Don Everly, Amerikaanse rockabillyzenger (Everly Brothers) (84)
• 21 augustus - Jan Nico Homan van der Heide, Nederlandsen oetvinder (94)
• 24 augustus - Wilfried Van Moer, Belzje voetballer (76, hersebleujing)
• 24 augustus - Charlie Watts, Britsen drummer (Rolling Stones) (80)
• 29 augustus - Lee 'Scratch' Perry, Jamaicaanse muzikant (85)
• 29 augustus - Jacques Rogge, Belzje sportbestuurder (79)
• 2 september - Mikis Theodorakis, Griekse componis (96)
• 6 september - Jean-Paul Belmondo, Fransen acteur (88)
• 13 september - François Boulangé, Nederlandse presentator (67, kaanker)
• 17 september - Abdelaziz Bouteflika, Algerijnse politicus (84)
• 18 september - Chris Anker Sørensen, Deense fietsrenner (37, verkiersoongelök)
• 19 september - Jimmy Greaves, Britse voetballer (81)
• 22 september - Pieter Adriaan Cornelis Beelaerts van Blokland, Nederlandse politicus (88)
• 26 september - Alan Lancaster, Britse bassis (Status Quo) (72, multiple sclerose)
• 27 september - Roger Hunt, Britse voetballer (83)
• 2 oktober - Bob Mendes, Belzje misdaodoteur (93)
• 3 oktober - Bernard Tapie, Franse zakemaan, politicus en sportbestuurder (78)
• 7 oktober - Nico van der Linden, Nederlandsen orkesleier, pianis en componis (71)
• 10 oktober - Ruud ten Wolde, Nederlandse boulevardjournalis (29, kaanker)
• 11 oktober - Nedumudi Venu, Indiasen acteur (73, neerkrenkde)
• 15 oktober - David Amess, Britse [politicus (69, vermaord)
• 18 oktober - Sien Dils, Belzje actries (74)
• 18 oktober - Colin Powell, Amerikaanse politicus (84, complicaties vaan kaanker en COVID-19)
• 21 oktober - Bernard Haitink, Nederlandsen dirizjènt (92)
• 31 oktober - Nelson Freire, Braziliaanse pianis (77)
• 5 november - Marilia Mendoça, Braziliaanse zengeres (26, vleegtuigoongelök)
• 6 november - Terence 'Astro' Wilson, Britse reggaemuzikant (UB40) (64)
• 7 november - Bas van der Vlies, Nederlandse politicus (79)
• 11 november - Rinus Bennaars, Nederlandse voetballer (90, COVID-19)
• 11 november - Graeme Edge, Britse bluesrockmuzikant (Moody Blues) (80)
• 11 november - F.W. de Klerk, Zuid-Afrikaonse politicus (85, kaanker)
• 12 november - Lex Nelissen, Nederlands-Limbörgse zenger en cultuuroondernummer (72)
• 18 november - Ack van Rooyen, Nederlandse jazztrompöttis (91)
• 23 november - Simon Kistemaker, Nederlandse voetbaltrainer (81)
• 24 november - Inez van Dullemen, Nederlandse sjriefster (96)
• 26 november - Stephen Sondheim, Amerikaanse musicalcomponis en -tekssjriever (91)
• 28 november - Frank Williams, Britsen otocoureur en sportbestuurder (79)
• 1 december - Alvin Lucier, Amerikaansen avant-gardecomponis (90)
• 3 december - Horst Eckel, Duitse voetballer (89)
• 3 december - Arie Ribbens, Nederlandse vastelaoveszenger (84)
• 4 december - Eric van der Donk, Nederlandsen acteur (92)
• 5 december - Bob Dole, Amerikaanse politicus (98)
• 5 december - John Miles, Amerikaanse popmuzikant (72)
• 10 december - Michael Nesmith, Amerikaanse popmuzikant (The Monkees) (78)
• december - Skip Voogd, Nederlandsen deejay en meziekjournalis (88)
• 15 december - bell hooks, Amerikaanse sjriefster en theoretica (69)
• 18 december - Henk van der Linden, Nederlands-Limbörgse filmmeker (96, gevolge vaan 'ne val)
• 19 december - Ed van Thijn, Nederlandse politicus (87)
• 20 december - Reinier Paping, Nederlandse marathonsjaatser (90)
• 23 december - Bernard Dewulf, Belzjen diechter en sjriever (61, kiekoetkrenkde)
• 26 december - Karolos Papoulias, Griekse politicus (92)
• 26 december - Desmond Tutu, Zuid-Afrikaanse geisteleke (90, prostaotkaanker)
• 31 december - Betty White, Amerikaanse actries (99)

• Chinees Nuijaor: 12 fibberwarie
• Vastelaovend: 16 fibberwarie
• Poerim: 26 fibberwarie
• Paose (joeds): 28 miert - 4 aprèl
• Holi: 29 miert
• Paose (westers): 4 aprèl
• Ramadan: 13 aprèl - 11 mei
• Paose (oosters): 2 mei
• Sókkerfies: 12 mei
• Hiemelvaartsdaag (westers): 13 mei
• Pinkstere (westers): 31 mei
• Offerfies: 19 juli
• Prinskesdaag: 21 september
• Jom Kippoer: 16 september
• Chanoeka: 29 november - 6 december

opmerkinge

• Mèt 'vastelaovend' weurt hei lètterlek de veuraovend vaan de vastentied gemeind; in de volksmoond dus 'vastelaovesdinsdag'.
• Vaan Paose aofhenkeleke fieste in de oosters-orthodoxe kèrke kinne mèt hölp vaan bovestoonde data weure berekend.
• Joedse fiesdaog beginne bij zoonsoondergaank d'n daag veur wat de kalender hei aongief.