Batman
Batman (scilicet Vir Vespertilianus) in serie librorum nubeculatorum a Roberto Kane (Bob Kane) et Gulielmus Finger (Bill Finger) anno 1939 creata est persona chlamydata et superheros.
Eius identitas vera est Bruce Wayne, vir dives summa urbanitate, qui civis communis diu degit, sed bellum contra fures gerens pernoctat.
.jpg)
Persona Batman
.jpg)
Batman est heros qui Gothamopolim privatim custodit. Cum Bruce Wayne esset puer, eius parentes a raptore caesi sunt. Hoc scelere viso, Bruce vovit se ulturum esse mortem parentum sceleribus oppugnandis iustitiaque Gothamopoli constituenda. Artibus martialibus studet, quo melius inimicos superare possit. Ut identitas sua vera celetur, personam Batman fingit, qui chlamydatus noctu vestimentum vespertilionis simile induit. Elegit signum vespertilionis ut terreret sontes sicut ei usi essent timore contra insontem populum. Batman a cellario iuvatur, Alfred Pennysworth, et a praefecto Gordon, qui vigiles Gothamopolitanos ducit. Non utitur extraordinariis viribus; immo confidit opibus, viribus, imprimisque ingeniis in inquisitione. Saepe vocatur "optimus inquisitor orbis" et "tenebrosus eques."
Inimici Batman herois
The Joker
Batman oppugnat aliquot infames scelestos. Eius periculosissimus adversarius est The Joker (scilicet Iocosus), scurra cruentus et insanus, qui scelera terribilia sine ratione admittit. Batman quidem est propugnator stabilitatis et iustitiae; The Joker autem est propugnator perturbationis et relativismi moralis.
Two-Face
Two-Face (scilicet Anceps) est alius praeclarus scelestus. Harvey Dent olim publicus accusator Gothamopolitanus fuit. Cum scelestus aliquis acidum in eius faciem sparsisset, Dent horribilibus cicatricibus foedatus est. Acidum deformavit dimidiatam faciem. Dent insanivit et desperavit de iustitia. Nunc utitur nummo ut statuat quid acturus sit: utrum hominem interficiat necne.
The Riddler
Eduardus Nigma est The Riddler (scilicet Aenigma), homo ingeniosus sicut The Joker, sed non tam insanus quam ille. Ludis dialecticis? utitur, et aenigmatibus priusquam admittit scelus ut discat si quis possit eum comprehendere. Batman saepe recte provocat ut magnum inquisitorem fallere conetur.
Nexus interni
- Batman, pellicula anno 1989 edita
- Batman Returns, pellicula anni 1992
- The Dark Knight, pellicula anni 2008
Notae
This article uses material from the Wikipedia Latina article Batman, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.