Mosg
Mae mosg yn adeilad ar gyfer dilynwyr crefydd Islam.
Fel rheol, defnyddir yr enw Arabeg masjid (luosog masajid) - مسجد. Prif ddiben y mosg yw fel lle i'r credinwyr gyfarfod i weddïo, y salat. Erbyn hyn maent i'w gweld ymhob rhan o'r byd. O ran pensaernïaeth, maent fel rheol yn dilyn arddull nodweddiadol Islamaidd, gydag un neu fwy o dyrau, y minaret. Cyn y pum gweddi ddyddiol mae'r muezzin yn galw'r credinwyr o'r minaret. Heblaw lleoedd i addoli, maent yn leoedd i ddysgu am Islam a chyfarfod credinwyr eraill.
| Rhan o gyfres ar
|
|---|
| Athrawiaeth |
| Allah · Undod Duw |
| Arferion |
| Cyffes Ffydd · Gweddïo |
| Hanes ac Arweinwyr |
| Ahl al-Bayt · Sahaba |
| Testunau a Deddfau |
| Coran · Sŵra · Sunnah · Hadith |
| Enwadau |
| Sunni · Shi'a |
| Diwylliant a Chymdeithas |
| Astudiaethau Islamig · Celf |
| Islam a chrefyddau eraill |
| Cristnogaeth · Iddewiaeth |
| Gweler hefyd |
| Islamoffobia · Termau Islamig |
Fel rheol disgwylir i unrhyw un sy'n ymweld â mosg dynnu ei esgidiau a'u gadael wrth y drws. Yn rhai gwledydd Islamaidd ni chaniateir i ymwelwyr nad ydynt yn Fwslimiaid fynd i mewn i fwy nag ambell fosg, ond mewn gwledydd eraill mae croeso iddynt fynd i mewn i unrhyw un. Sefydlwyd y mosg cyntaf yn y Deyrnas Unedig yng Nghaerdydd yn 1860.
Ymhlith y mosgau enwocaf mae:
- Masjid al-Haram; Mecca, Sawdi Arabia - safle fwyaf sanctaidd Islam
- Masjid al-Nabawi; Medina, Sawdi Arabia - ail safle fwyaf sanctaidd Islam
- Mosg Al-Aqsa; Jerusalem, Israel - trydydd safle fwyaf sanctaidd Islam
- Mosg Imam Ali; Nayaf, Irac - safle fwyaf sanctaidd y Shia
- Mosg Faisal; Islamabad, Pacistan - y mosg mwyaf (o ran arwynebedd) yn y byd
- Mosg Córdoba; Córdoba, Sbaen - yn awr wedi ei droi yn Eglwys Gadeiriol
- Hagia Sophia; Istanbwl, Twrci - eglwys yn wreiddiol, yna'n fosg o 1453 hyd 1935
- Mosg Glas; Istanbwl, Twrci
- Jama Masjid; Delhi, India - un o'r mwyaf yn India
- Mosg Mawr Kairouan; y mosg hynaf a phwysicaf yn y Maghreb (Gogledd Affrica).
- Mosg Hassan II; yn ninas Casablanca, Morocco.
- Mosg yr Ummaiaid; Damascus, Syria
This article uses material from the Wikipedia Cymraeg article Mosg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.