Димитриев Василий Димитриевич (кăрлач, 11 1924, Çĕрпÿел ялĕ, Çĕрпÿ районĕ, Чăваш Ен — кăрлач, 8 2013, Раççей) — паллă чăваш ăсчахĕ, истори ăслăхĕсен тухтăрĕ, профессор
Димитриев Василий Димитриевич | |
Димитриев Василий Димитриевич | |
Ӳкерчĕк:Димитриев, Василий Димитриевич.jpg | |
Çуралнă вăхăт: | 1924, кăрлач, 11 |
---|---|
Çуралнă вырăн: | Çĕрпӳел, Çĕрпӳ районĕ, ССРП |
Вилнĕ вăхăт: | 2013, кăрлач, 8 (88 çул) |
Вилнĕ вырăн: | ССРП |
Патшалăх: | |
Ăслăх сфери: | истори, палеографи |
Ăсчах степенĕ: | истори ăслăхĕсен тухтăрĕ |
Альма-матер: | Чăваш патшалăх И. Я. Яковлев ячĕллĕ педагогика университечĕ |
Чыславсемпе парнесем |
Шупашкарăн хисеплĕ гражданинĕ |
Тăван Çĕршывăн Аслă вăрçинче хутшăннă, Чăваш патшалăх И. Я. Яковлев ячĕллĕ педагогика университне вĕренсе тухнă хыççăн Мускав патшалăх М. В. Ломоносов ячĕллĕ университечĕн аспирантурине пĕтернĕ. Димитриев 20 çул хушши Чăваш чĕлхи, çыравлăхĕ тата истори ăслăх-тĕпчев институчĕн, халĕ Чăваш патшалăх гуманитари ăслăлăхĕсен институчĕн ертÿçи пулнă. Унсăр пуçне Чăваш патшалăх И. Н. Ульянов ячĕллĕ университечĕн профессорĕ те пулнă.
"Чӑваш энциклопедийӗ" палăртнă тăрăх, Василий Димитриев вăтам ĕмĕрсен Атăлçи тата Атăлçи халăхĕсен кун-çулĕн ертсе пыракан тĕпчевçисенчен пĕри пулнă. Унăн 1968-мĕш çулта хÿтĕленĕ тухтăр диссертаци "Феодализм тапхăрĕнчи Чăваш Ен кун-çулĕ" ятлă пулнă. Димитриев хăй умне чăваш халăхĕ мĕнле пулса кайнине, Атăлçи Пăлхар кун-çулĕн, пăлхар-чăвашсен Ылтăн Уртари тата Хусан ханлăхĕнчи пурнăçĕ çинчен, Раççей империйĕн чăвашсене хĕсĕрленĕ колониллĕ политики çинчен тĕпчев ыйтусене лартнă. Димитриев Раççей историографинче пĕрремĕш хут XIV-XV-мĕш ĕмĕрсенчи пăлхар çĕрĕсене çаратса тустарнине, XVI-XVIII-мĕш ĕмĕрсенче чăвашсемпе вĕсемпе кÿршĕллĕ халăхсем саралса вырнаçнине тĕпченĕ.
Василий Димитриев — 300 -е çити ăслăх ĕçĕсен авторĕ тата вĕсен шутĕнче 19 монографи. ("История Чувашии XVIII века", "Чувашские исторические предания", "Чуваши: Этническая история и традиционная культура" тата ытти те). Вăл Никита Бичурин, Спиридон Михайлов, Николай Никольский пек чăваш ĕçченĕсем çинчен тĕпчев ĕçĕсепе çутта кăларса ăслăх таврашне чылай истори çăлкуçĕсем хушрĕ.
This article uses material from the Wikipedia Чăваш article Димитриев Василий Димитриевич, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Урăххине кăтартман пулсан ку материал CC BY-SA 4.0 лицензипе килĕшӳллĕн сарăлать. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Чăваш (DUHOCTRUNGQUOC.VN) is an independent company and has no affiliation with Wiki Foundation.