伯恩

伯恩喺1191年建城，到而家已經有800幾年歷史。初初起伯恩嗰陣時，統治者Berthodv公爵忽發奇想，決定出城去打獵，用捉到嘅第一隻野獸做城名。結果佢首先打到一隻熊，從此伯恩嘅州徽、市徽都係以熊做圖案，伯恩到而家都重畀人叫做「熊之城」。

1353年，伯恩成為聯邦瑞士第八個州；1848年11月28號開始根據新聯邦憲法做咗瑞士嘅首都。

 

伯恩喺瑞士高原中央山地，萊茵河支流阿勒河穿過伯恩。伯恩面積51.60平方公里，城市面積嘅30%係樹林或者公園。2005年8月底人口127,217。

伯恩氣候溫和濕潤，冬暖夏涼。

因為市民反對噪音，重有因為地勢等原因，伯恩冇大型機場，淨係有一個細機場，設有通去西歐主要城市嘅航線。伯恩有通去全國各地嘅高速公路，亦係全國鐵路樞紐之一。

第二次世界大戰之後，伯恩嘅機械、儀錶、電器、製藥、紡織、食品、建築同埋印刷工業都有發展，但係都係一尐中小企業，喺瑞士經濟入便佔唔到尐乜嘢重要地位。伯恩主要係銀行業中心，同時都係一個旅遊城市。

伯恩市內有古老學府之一嘅伯恩大學，喺1834年起，以研究宇宙射線著稱。

伯恩係萬國郵政聯盟（Universal Postal Union, UPU）總部、國際鐵路運輸總局同埋國際版權聯盟嘅所在地。

• 伯恩市
• 伯恩州

呢篇伯恩係關於地理嘅楔位文章，重未完成嘅。麻煩你幫手補充佢嘅內容。