ტირანა (ალბ.
Tiranë) — ალბანეთიშ ნანანოღა დო ქიანაშ თარი პოლიტიკური, ეკონომიკური დო კულტურული ცენტრი.
ნანანოღა ტირანა
|
მუჭოთ არქეოლოგეფი ანტკიცენა, თეხანური ტირანაშ ტერიტორია დიო ხოლო 10,000 წანაშ კინოხ დოხორელი რდჷ. მორო თიში, მუჭოთ ნოღათ გჷმოქიმინუაქ 1614 წანას მოხვადჷ დო ოსმალეთიშ იმპერიაშ გენერალ სულეიმან ბარჯინიშ (იგივე სულეიმან ფაშაშ) ჯოხოს არსხუაფუ.
ასე თიში ძეგლი ტირანაშ თარი მოედანს გედგჷ, თიშ ჯოხო უღჷ ართ-ართი ცენტრალური შოშესჷთ. ტირანას ნანანოღაშ სტატუსი 1920 წანაშ 8 ფურთუთაშე უღჷ.
1939 წანაშე ტირანა ფაშისტეფიშით დორინაფილი ალბანეთიშ მარიონეტული თარობაშ ორენს წჷმარინუანდჷ. 1941 წანაშ გერგობათუთას ენვერ ხოჯაქ გჷმაქიმინჷ ალბანეთიშ ხანდაშ პარტია, ნამუთ აქტიურო ოწიუდ კომუნისტურ პროპაგანდას. ზუსტას სუმი წანაშ უკული, 1944 წანაშ 17 გერგობათუთას ტირანას სხუნუეფიშ არმიაქ გათუ ნაცისტური რეჟიმი დო ქჷდიჭყჷ მუში, ნამუთ 1992 წანაშახ იგჷნძორებუდჷ.
ტირანა — ალბანეთიშ არძაშე დიდი ნოღა დო მა-6 ბალკანეთის.
ალბანარეფი წჷმარინუანა მახორობაშ 84,1%-ის, ბერძენეფი - 0.35%-ის, არომუნეფი - 0.11%-ის, მაკედონარეფი - 0.07%-ის, 0.03% — იტალიარი რე.
ისლამი — თარი რელიგია რე ნოღას (65%). ქირსიანობა — მაჟირა არძაშე დიდი რელიგია რე დო გორთილი რე კათოლიკეეფს დო მართლმადიდებელეეფს შქას.
ტირანაშ მახორობაშ 52.9 % ისლამიშ გემაჸვენჯი რე. დოსქილადირი — ათეისტი დო ქირსიანული უმორჩილაშობები ართო ეჭოფილი, 47.1%-ის აკმადგინანა.
ტირანას იდვალუაფუ ალბანეთიშ ერუანული თეატრი, ალბანეთიშ ოპერაშ დო ბალეტიშ ერუანული ცენტრი, ალბანეთიშ ერუანული ოხანტურე გალერეა. ირწანას ნოღას იმანჯებუ ტირანაშ ჯაზ ფესტივალი, ნამუთ ადრიატიკაშ დო ბალკანეთიშ ქიანეფშე მოჭანაფილ ჯაზ მარსულებერეფს მენძელენს.
ტირანა რე თარი სპორტული ცენტრი ალბანეთის. ნოღას სუმი ოკუჩხბურთე ბუნა რე, თენეფი რე ფ.კ. ტირანა, პარტიზანი დო დინამო
This article uses material from the Wikipedia მარგალური (Margaluri) article ტირანა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.