კირიბატი
კირიბატიშ რესპუბლიკა (ინგლ.
Republic of Kiribati, გჷმირაგადუაფუ IPA: [ˈkiribas]) — რჩქალი ოკიანეშ სახენწჷფო მიკრონეზიას. ქიანას ოორუეშე უხურგანს მარშალიშ კოკეფიშ დო მიკრონეზიაშ ფედერაციული შტატეფიშ ტერიტორიული წყარეფი, ბჟადალშე დო ობჟთე-ბჟადალშე - ნაურუშ, სოლომონიშ კოკეფიშ დო ტუვალუშ ტერიტორიული წყარეფი, ობჟათე დო ობჟათე-ბჟაეიოლშე - ტოკელაუშ, კუკიშ კოკეფიშ დო საფრანგეთიშ პოლინეზიაშ ტერიტორიული წყარფი. ოორუეშე დო ოორუე-ბჟაეიოლშე უხურგანს რჩქალი ოკიანეშ ნეიტრალურ წყარეფს, თაშნეშე ააშ-იშ გოხოლუაშ მორჩილ კოკეფს. ქიანაშ წყარპიჯიშ ღოზიშ სიგჷნძა - 1143 კმ. გიშაკერძაფილი ეკონომიკური ზონა (გეზ) — დოხოლაფირო 3,5 მილიონი კმ². დინოხოლენი წყარეფი - დოხოლ. 22 კმ ჯინჯიერი ღოზიშე. კირიბატიშ რესპუბლიკაშ აკოდგინალუაშა მიშმურს 33 მორჩილი ატოლი, ნამუშეთ 20 უდუხორუ რე. თინეფშე 16 კოკი დო ატოლი გილბერტიშ კოკეფს რე, 8 კოკი ფენიქსიშ კოკეფს დო 8 კოკი - ლაინიშ კოკეფს. კირიბატიშ ორხველჷ ზოხო მადვალუ კოკი ბანაბა. ედომუშამი ფართობი რე — 812,34 კმ². კირიბატიშ მახორობა — 103 058 ადამიანი. (2010, ეჭარუა). ნანანოღა - ობჟათე ტარავა. ქიანაქ ზოხორინალა გოართოიანაფილი ომაფეშე გჷმაცხადჷ 1979 წანაშ 12 კვირკვეს, კინე თიმ წანას თის ოფიციალურო გიადჷ ჯოხოქ - კირიბატიშ რესპუბლიკა. 1983 წანას ნძალაშა მიშართჷ ომაჸალობაშ გეშა აპიჯალათ ააშ-შ დო კირიბატიშ რესპუბლიკაშ შქას, მუშ მეჯინათ ააშ ვარიას აცხადენდჷ ლაინიშ დო ფენიქსიშ კოკეფს მადვალუ 14 კოკიშ პრეტენზიაშე დო აღიარჷ თინეფი კირიბატიშ რესპუბლიკაშ აკმადგინალჷ ნორთო.
| კირიბატიშ რესპუბლიკა Ribaberikin Kiribati (კირიბ.) Republic of Kiribati (ინგლ.) კირიბატი | ||||||
|---|---|---|---|---|---|---|
| ||||||
| დევიზი: Te Mauri, Te Raoi ao Te Tabomoa | ||||||
| ჰიმნი: Teirake Kaini Kiribati | ||||||
.svg) | ||||||
| ნანანოღა (დო უკაბეტაში ნოღა) | ობჟათე ტარავა / | |||||
| ოფიციალური ნინა(ეფი) | კირიბატული ნინა, ინგლისური | |||||
| თარობა | რესპუბლიკა | |||||
| - | პრეზიდენტი | ანოტე ტონგი | ||||
| - | ვიცე-პრეზიდენტი | ტეიმა ონორიო | ||||
| ფართობი | ||||||
| - | გვალო | 812,34 კმ2 (186-ა) | ||||
| - | წყარი (%) | 0 | ||||
| მახორობა | ||||||
| - | 2010 ფასებათ | 103 058 (199=ა) | ||||
| - | მეჭედალა | 126,87 ად/კმ2 | ||||
| ედპ (ჸუპ) | 2011 ფასებათ | |||||
| - | გვალო | 180 მლნ. (223-ა) | ||||
| - | ართ მახორუშე | 1782 | ||||
| აგი (2013) |  0,629 (ოშქაშე) (121-ა) | |||||
| ვალუტა | ავსტრალიური დოლარი (AUD) | |||||
| ბორჯიშ ორტყაფუ | UTC+12:00, UTC+13:00, UTC+14:00 | |||||
| ქიანაშ კოდი | KIR | |||||
| Internet TLD | .ki | |||||
| ოტელეფონე კოდი | +686 | |||||
ლიტერატურა
- ქორთული სხუნუეფიშ ენციკლოპედია, ტ. 5, ხს. 529-530, ქართი, 1980 წანა.
რესურსეფი ინტერნეტის
- კირიბატიშ ტურიზმიშ სამინისტროშ ოფიციალური ვებ-ხასჷლა (ინგლისური)
- კირიბატიშ ოზუღერესურსეფიშ დო ჩხომჭოფუაშ სამინისტროშ ოფიციალური ვებ-ხასჷლა Archived 2016-01-10 ვებ-ხასჷლას Wayback Machine. (ინგლისური)
- კირიბატიშ სტატისტიკაშ ოფიციალური ვებ-ხასჷლა (ინგლისური)
- ინფორმაცია ტურისტეფშო კირიბატიშ გეშა (ინგლისური)
- Kiribati National Olympic Committee Archived 2017-10-23 ვებ-ხასჷლას Wayback Machine.
- კირიბატიშ ატლასეფიშ ასოციაცია (ინგლისური)
- კირიბატიშ ერუანული რადიო Archived 2007-10-12 ვებ-ხასჷლას Wayback Machine. (ინგლისური)
- კირიბატიშ ადმინისტრაციული დორთუალა (ინგლისური)
- Небольшое эссе про кирибатийское каноэ со множеством фотографий (ინგლისური)
- აკაერუანული ავიაკომპანიაშ "ეა კირიბატიშ" ვებ-ხასჷლა Archived 2012-03-23 ვებ-ხასჷლას Wayback Machine. (ინგლისური)
- კირიბატიშ რესპუბლიკაშ კონსტიტუცია (ინგლისური)
სქოლიო
This article uses material from the Wikipedia მარგალური (Margaluri) article კირიბატი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.