გეპარდი (ქორთულო: ავაზა) — თელ გეპარდეფიშ გიმენფანიაშ კაკალია შურდგჷმილი, არძაშ უმოს ნაცა: კანკალეშა 5 წამიშ დინოხოლე საათის 120 კილომეტრი სიჩქარეშ ეჭოფუა შეულებუ.
წონა 60 კილოშახ ოჭირინდუანს.
ხე აფრიკაშ სავანას დო შქა აზიაშ ქიანეფს (არაბეთიშ ჩქონი, ირანი, ერაყი, თურქმენეთი დო შხვა), ირდიხას ექიაქო დო ირდიხას გოფაჩილ აბანს, მუშენდა კატუშობურეფიშ ფანიაშ შხვა შურდგჷმილეფიშ ნერო უმოსო სერით დო მეტყობინელო ვარ, დღაშ სინთეს დო გეთხოზინით ჸვილუნს მუშ სხვერპლის. თე მუშებათ გეპარდი უმოსო ჯოღორშობურეფიშ ფანიაშ შურდგჷმილეფს მეგჷ, მარა მუში ორზოლიშ მაგალთო გერცალო ბრელხანს გეთხოზინშა ვაგარძებე, მაქსიმუმ 20 მერქაშ თხოზინით ვეკაჭიშუდა, გეპარდიშ მუსკულატურა მანგარ სიჩქარეშე გინმოფურუ დუ სხვერპლის ეთხიებუ. ქეკაჭიშუ დო დიხაშა ქეშარაგუ და უკულ მარჭვას კისერს აკმუნჭირანს დო შქვიდაფათ ჸვილუნს.
ფუჯი გეპარდი 2-4 ბოკვერს ხანს.
This article uses material from the Wikipedia მარგალური (Margaluri) article გეპარდი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.