'Na cetata granne jè 'na cetate cu 'nu numere de crestiàne superiore a le 100.000 aunità.
'U termine avene stabbilite da l'Istitute 'ndernazionale de statisteche jndr'à l'assemblèe d'u 1887 a Rome.
'U stesse termine jndr'à 'u frangese ète grande ville, jndr'à 'u tedesche ète Großstadt, jndr'à l'esperanto ète grandurbo, jndr'à 'u 'nglese ète large city o major city (jndr'à certe condeste se pò ausà semblicemende city o metropolis).
'Na cetata piccenne se dice cetadine, 'na cetate angore cchiù granne se chiame metropoli (normalmende cu cchiù de 'nu miglione de crestiàne), invece 'na cetate cu cchiù de dece migliune de crestiàne (seconde otre 'u limite ète cinghe migliune) se dice megacetate.
Pe approfondimende, 'ndruche 'a vôsce Cetate granne de l'Itaglie. |
Le cetate granne tagliàne sonde osce a die 45 (date d'u 2009); Giugliano in Campania ète l'uneca cetate ca non g'è capeluèche de provinge.
Pe approfondimende, 'ndruche 'a vôsce Cetate granne d'a Germanie. |
Jndr'à Germanie stonne osce a die 81 cetate granne (date d'u 2008), ma jndr'à 'u 2006 erane 82. Berline ha state 'a cetate ca ave avute 'u maggiore cale d'a popolazzione: jndr'à 'u 1942 tenève 4,5 migliune de crestiàne, 'a terze cetate d'u munne apprisse New York e Londra, apprisse 'a seconda uerre mundiale ne averene rumaste 2,8 migliune. Osce a die ave arrevate a 3,4 migliune de crestiàne.
Jndr'à l'Austrie (date d'u 2009) stonne sulamende cinghe cetate granne: Vienna ca ète 'a capitale (1.678.271 crestiàne), Graz (253.994 crestiàne), Linz (189.122 crestiàne), Salisburghe (147.732 crestiàne) e Innsbruck (118.035 crestiàne).
Jndr'à Svizzere (date d'u 2009) stonne sulamende cinghe cetate granne: Berna ca ète 'a capitale (122.925 crestiàne), Zurigo (365.132 crestiàne), Ginevra (183.287 crestiàne), Basilea (164.937 crestiàne) e Losanna (122.284 crestiàne).
Jndr'à 'u 2010 stonne cchiù o mene 4.000 c etate granne jndr'à tutte 'u munne.
This article uses material from the Wikipedia Tarandíne article Cetata granne, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 'U condenute jè disponibile sotte a CC BY-SA 4.0 senze otre note. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tarandíne (DUHOCTRUNGQUOC.VN) is an independent company and has no affiliation with Wiki Foundation.