Latvisk er eit baltisk språk, i lag med litauisk og det utdøydde gammalprøyssisk.
Det blir tala hovudsakleg i Latvia, av om lag 1,5 millionar menneske.
Latvisk latviešu | ||
Klassifisering | Indoeuropeiske språk | |
Bruk | ||
Tala i | Latvia | |
Område | Baltikum | |
Latvisktalande i alt | 1,4 millionar | |
Skriftsystem | Latinsk | |
Språkkodar | ||
ISO 639-1 | lv | |
ISO 639-2 | lav | |
ISO 639-3 | lav |
I strukturen er det meir moderne enn litauisk, og har òg fleire låneord, frå tysk, svensk, russisk og engelsk. Det blir skrive med latinsk skrift, med somme diakritiske teikn. Det har ikkje artiklar.
Latvisk er offisielt språk i Latvia og EU.
Hovudartikkel: Latvisk morfologi
Latvisk har sju kasus, nominativ, genitiv, dativ, akkusativ, instrumentalis, lokativ og vokativ.
Adjektiva kongruerer med substantiva i kasus og numerus.
Verba blir bøygd i tempus, person, numerus og modus.
Latvisk blir skrive med det latinske alfabetet, med visse tilleggsbokstavar, og inneheld til saman 33 bokstavar.
A a | E e | I i | Ļ ļ | R r | V v |
Ā ā | Ē ē | Ī ī | M m | S s | Z z |
B b | F f | J j | N n | Š š | Ž ž |
C c | G g | K k | Ņ ņ | T t | |
Č č | Ģ ģ | Ķ ķ | O o | U u | |
D d | H h | L l | P p | Ū ū |
Latvisk skil mellom korte og lange vokalar.Bokstaven h førekjem i latviske ord berre i framlyd. Eit karakteristisk trekk ved latvisk, som det deler med litauisk og russisk, er at dei transkriberer framandord etter uttalen. «George Bush» blir t.d. referert til som Džordžs Bušs på latvisk.
Det er mykje strid i det sjølvstendige Latvia om statusen til russisk språk og brukarane av dette. Ein relativt stor del av folkesetnaden er russisktalande, og ein god del av desse finn det vanskeleg å lære seg latvisk, noko som har vorte ein føresetnad for å få statsborgarskap og fulle rettar.
This article uses material from the Wikipedia Nynorsk article Latvisk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.