Mars (simbol: ) ya'ia da'ö no sambua planet fondrege ahatö nomoro öfa ba luo.
Töi andre tehalö moroi ba döi samösa lowalangi niha Romawi. Planet andre asese latötöi "planet soyo" me hulö oroyo-royo ia. Oroma ia simane da'a börö me ba gulinia so zi'öli (III) oksida. Planet andre göi mokara ba langinia (atmosfer) no anifi. Ba gulinia so koho-koho, hili si mamoka, ndraso, tanö si mate ba idanö si baku (es). So khönia hili fondrege alaŵa ba zi sagörö sistem luo (tata surya). Simanö göi khönia Valles Marineris, ndraso fondrege ebolo ba sistem luo. Tanö yöunia so Borealis, koho-koho sebua sofönui 40% guli Mars. Fa'ara wa'ategaolo Mars arakhagö fagölö ba wa'ara wa'ategaolo Danö (24 jam).
Mars so khönia wa'ebolo (jari-jari) so ba zi matonga gulidanö (Bumi). Planet da'a ambö fasösö na la faedogö ia ba gulidanö, hiza ha 15% volume faoma 11% massa gulidanö (Bumi). Fa'ebolo detenia abölö ide-ide moroi ba wa'ebolo zabe'e tanö ba gulidanö. Mars andre abölö ebua moroi ba Merkurius, ha ya'i Merkurius andre abölö fasösö ma'ifu. Lua-luania dombua planet da'a, so khöra fondröni gravitasi sarakha fagölö ira ba zi dombua dete planet andre, fondröni Mars abölö ma'ifu so ba zi töra ambö ba zi 1%. Fa'ebua, massa, faoma gravitasi ba dete Mars tefa'aso ba "gotalua" Bumi faoma Baŵa (zari-zari fa'ebolo diameter mbaŵa ha matonga moroi Mars, na ulidanö mendrua kali fa'ebua; ulidanö meziŵa kali abölö ebua moroi ba Mars, ba baŵa sambua ni'osiŵania). Sikhala dete Mars andre soroyo-royo nifa'aso zi'öli ma laŵa'ö ia besi(III) oksida, nikaoni niha faoma töi hematite.
This article uses material from the Wikipedia Li Niha article Mars, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.