Kelvin
Ol kelvin (simbol K, di volte indicad in manera sbagliada con °K) l'è una unitaa de misura de la temperadura qe la fa part di set unitaa bas del Sistema internazional.
 | Quell articol qì l'è scrivud in Lombard, cond l'ortografia Scriver Lombard. |
Definizion
La definizion del kelvin come unitaa de temperadura del Sistema internazional (SI) l'è staita adotada ind el 1954 da la 10ª Conférence générale des poids et mesures e l'è par a 1/273,16 de la temperadura assoluta del pont trepe de l'agua.
La temperadura termodinamega l'è daita da la diferenza intra la temperadura indicada (quella del ponto trepe de l'agua: 0,01 °C) e quella del zero assolut (-273,15 °C). Ol zero de la scala kelvin l'è infat ol zero assolut.
Al tœ 'l nom dal fiseg e injegner irlandes William Thomson, nominad baron col nom de Lord Kelvin. L'ha proponid per prim qesta definizion ind el 1868, col partir da la considerazion termodinamega qe la g'è una temperadura minema assoluta, ol zero assolut. Per la pratega l'è staita però mantegnida invariada, rispet a la vegia scala Celsius, la dimension de una unitaa (Δ 1 K ≡ Δ 1 °C): in qesta manera i diferenze de temperadura ind i scale Celsius e kelvin i è stesse numerigament.
La scala kelvin, vest qe la g'ha per zero ol zero assolut, l'è di volte ciamada scala assoluta (infat la g'è mìa una temperadura plœ bassa de -273,15 gradi Celsius). La scala de temperadura Celsius e 'l grado Celsius i è l'istess dovrads, ma come unitaa derivada, e i è definids rispet al kelvin.
Ind la tredexesima Conferenza generala di pes e di misure l'è stait decidid de tirar vià 'l termen "grado" per ciamar la scala kelvin e insema ol simbol °, qe invece l'è restait per i scale Fahrenheit (°F) e Celsius (°C).
Oltre scale de temperadura i è: Newton (ca. 1700), Rømer (1701), Fahrenheit (1724), Réaumur (1732), Delisle o de Lisle (1738), Celsius (1742), Rankine (1859) e Leyden (circa 1894?).
Conversion
| Conversion da | a | Formula |
|---|---|---|
| kelvin | grado Celsius | T(°C) = T(K) - 273,15 |
| grado Celsius | kelvin | T(K) = T(°C) + 273,15 |
| kelvin | grado Fahrenheit | T(°F) = (T(K) × 1,8) - 459,67 |
| grado Fahrenheit | kelvin | T(K) = (T(°F) + 459,67) / 1,8 |
- 1,8 (−459,67 ) °F
- ≈7,058 × 10−33 TP
Riferiments
Ligam de for
This article uses material from the Wikipedia Lumbaart article Kelvin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.