Lingua Espaniol
Espaniol (español) es un lingua romanica, orijinal de la parte norde de Espania.
| Espaniol (español/castellano) | |
|---|---|
| Parlada en: |  Nasiones Unida Organiza de Statos American Organiza de Statos Ibero-AmericanFix:Drapeau de l'Union africaine.svg Uni African  Uni de Statos de America SudeUni Latina Fix:BanderaCaricom.png Caricom  Acorda de Comersia Libre de America Norde Arjentina Bolivia Colombia Costa Rica Cuba Ecuador Espania Gine Ecuatoral Guatemala Mexico Nicaragua Onduras Panama Paraguai Peru Pilipinas Republica Dominican Salvador Txile Uruguai Venezuela |
| Area: | Europa, America Sude e America Norde |
| Tota parlores: | 500 miliones como lingua prima o du. |
| Ordina: | |
| Familia: | Linguas romanica |
| State ofisial | |
| Lingua ofisial de: | Espania Bolivia Costa Rica Cuba Ecuador Salvador Guatemala Onduras Nicaragua Panama Paraguai Peru Gine Ecuatoral Pilipinas Colombia Republica Dominican Mexico Arjentina Txile Venezuela |
| Regulada par: | Real Academia Española e Asociación de Academias de la Lengua Española |
| Sifras | |
| ISO 639-1 | es |
| ISO 639-2 | spa |
| SIL | spa |
| Vide ance: Lingua – Lista de linguas | |
Lo es la sola lingua ofisial de Espania e la plu nasiones de America Latina, e un de la linguas ofisial de Gine Ecuatoral en Africa. Intera, 25 nasiones usa espaniol como sua lingua prima. Plu, lo es un lingua importante en 20 otra nasiones.
Espaniol ia orijina como un dialeto de latina tra la via streta e distante entre Cantabria, Burgos, Soria, e la provinses Rioja de Espania norde. De ala, sua usa ia estende gradal en la Rena de Castilia, do lo ia evolui e deveni ultima la lingua xef de la governa e comersia. Plu tarda, lo ia es traeda a la Americas e otra partes de la mundo par esplorores e colonistes de Espania.
Lo es la propre lingua de entre 322 e 400 milion persones, tal ce espaniol es la lingua la plu parlada de la linguas romanica. On estima la cuantia intera de parlores de espaniol, como propre lingua o lingua stranjer, es sirca 500 milion. Lo es la lingua cuatro de la plu parladas en la mundo.
Espaniol es un de ses linguas ofisial de la Nasiones Unida. Lo es la lingua du de la plu parladas en la Statos Unida. En comersia, leteratur, filmas, televisa e musica, espaniol crese rapida tra la mundo.
Etimolojia
Seguente la Academia Espaniol Real (Real Academia Española), la parola español (espaniol) veni de la parola provensal espaignol e esta veni de la latina medieval Hispaniolus, cual sinifia de Hispania (Espania).
Istoria
La istoria de espaniol comensa con la latina de la Impero Roman, en la area sentral de la norde de Hispania. Pos la cade de la Impero Roman en la sentenio 5, la influe de latina en la popla ia diminui gradal. La latina parlada ia es la funda de la dialetos romanica de la penisola iberian (cual ia deveni plu tarda la linguas romanica). En la sentenio 8, la invade muslim de Iberia ia causa la formi de du areas: Al-Andalus, do on ia parla dialetos mosarabi (con influe de arabi) e ance arabi e berber; e la renas cristian, do la evolui de alga dialetos romanica ia comensa: catalan, aragones, espaniol, asturian, galego e portuges.
La Gramatica de la lingua castilian, scriveda en Salamanca en 1492 par Elio Antonio de Nebrija, ia es la gramatica prima scriveda per un lingua european moderna. Seguente un raconta popular, cuando Nebrija ia presenta lo a la rea Isabel, el ia demanda sur la intende de un tal obra, e el ia dise ce lingua es la strumento de la impero:
| Prefasa a la gramatica de la lingua castilian por Antonio de Nebrija | Prólogo a la gramática de la lengua castellana par Antonio de Nebrija
|
Cuando me pensa en me mesma, rea multe luminada, e me pone ante mea oios la anticia de tota la cosas cual ia es scriveda per nosa recorda e memoria, me trova un cosa ala: me conclui multe serta ce sempre la lingua ia es la acompanior de la impero: e tal lo ia segue ce en junta los ia comensa, ia crese e ia flori, e alora en junta ia es la cade de ambos. | Cuando bien comigo pienso, mui esclarecida Reina, i pongo delante los ojos el antigüedad de todas las cosas, que para nuestra recordación y memoria quedaron escriptas, una cosa hállo y: sáco por conclusión mui cierta: que siempre la lengua fue compañera del imperio; y de tal manera lo siguió, que junta mente començaron, crecieron y florecieron, y después junta fue la caida de entrambos. |
De la sentenio 16 la lingua ia es portada a America e a otra colonias espaniol.
Miguel de Cervantes es un refere tan conoseda de la literatura en espaniol ce la lingua es ance nomida la "lingua de Cervantes" (la lengua de Cervantes).
En la sentenio 20 la lingua ia es introduida en Gine Ecuatoral e en Sahara Ueste e en areas de la Statos Unida cual no ia es concistada par la Impero Espaniol, como Harlem Espaniol en New York City.
Distribui
La espaniol es lingua ofisial de des-nove paises en America, en Espania e en Gine Ecuatoral.
America
La plu parlores de espaniol es en America. Lo es la lingua ofisial de des-nove republicas de America Sude: Bolivia, Costa Rica, Cuba, Ecuador, Salvador, Guatemala, Onduras, Nicaragua, Panama, Paraguai, Peru, Republica Dominican, Mexico, Arjentina, Txile e Venezuela.
Lo es multe parlada en la SUA, do lo avansa la bilingualisme con la engles.
En otra paises do lo no es ofisial, lo es multe conoseda, como en Beliz o Brasil.
Europa
En Europa, espaniol es la lingua ofisial de Espania e Andora. Lo es ance parlada en Jibraltar e ave comunias peti en la Rena Unida, Frans, Deutxland e Suiz. Lo es un de la linguas ofisial de la Uni European.
Asia
Espaniol es conoseda en Pilipinas, ma diferente de otra nasiones cual ia es colonias de Espania, lo ne es multe parlada par la popla.
Africa
En Africa, espaniol es parlada en la sites espaniol de Africa Norde. Lo es ance un lingua ofisial de Gine Ecuatoral.
Oseania
En 2001, on ia ave 93 593 parlores de espaniol en Australia e 14 676 en Zeland Nova. Guam, Belau, Isolas Mariana Norde, Isolas Marxal e la Statos Federada de Micronesia ia es colonias espaniol asta 1898. Espaniol es la lingua du o tre de la plu parladas en Oseania.
Dialetos
Car espaniol es distribuida en multe paises e continentes, lo ave ance multe dialetos.
- Espaniol european
- Espaniol andalus
- Espaniol canarian
- Espaniol castilian
- Castrapo (espaniol galisian)
- Espaniol murcian
Linguas derivada
Cuantia de parlores
| Pos. | Países | Popla | % que habla español como lengua materna | Parlores de espaniol como lingua madral | % Total parlores de espaniol | Hablantes de español como 1.ª y 2.ª lengua | Total parlores de espaniol |
|---|---|---|---|---|---|---|---|
| 1 | Mexico | 112.336.538 | 92,17% | 103,540,587 | 98,5% | 110,651,490 | |
| 2 | Statos Unida | 311.297.000 | 12,4% | 35.468.501 | 16.1% | 50.000.000 | |
| 3 | Espania | 47.150.819 | 89,0% | 41,964,229 | 98,80% | 46,585,009 | |
| 4 | Colombia | 46.010.000 | 99,03% | 45,563,703 | 99,20% | 45,641,920 | |
| 5 | Arjentina | 40.900.496 | 96,84% | 39,608,040 | 99,40% | 40,655,093 | |
| 6 | Venezuela | 29.243.000 | 96,48% | 28,213,646 | 98,80% | 28,892,084 | |
| 7 | Peru | 23,769,621 | 79,77% | 25,804,803 | 86,60% | 25.804.803 | |
| 8 | Txile | 17.248.450 | 89,94% | 15,513,256 | 99,30% | 17,127,711 | |
| 9 | Ecuador | 14.306.000 | 92,96% | 13,298,858 | 98,10% | 14,034,186 | |
| 10 | Brasil | 190.732.694 | 0,23% | 448.689 | 6,53% | 12.448.689 | |
| 11 | Guatemala | 14.361.666 | 64,7% | 9,291,998 | 86,40% | 12,408,479 | |
| 12 | Cuba | 11.235.863 | 100,0% | 11.235.863 | 99,40% | 11,168,448 | |
| 13 | Republica Dominican | 10.225.000 | 98,98% | 10,120,705 | 99,60% | 10,184,100 | |
| 14 | Bolivia | 10.426.154 | 41,73% | 4,350,834 | 87,90% | 9,164,589 | |
| 15 | Onduras | 8.215.313 | 97,16% | 7,981,998 | 99,00% | 8,133,160 | |
| 16 | Salvador | 6.183.002 | 100,0% | 6.183.002 | 99,70% | 6,164,453 | |
| 17 | Frans | 65.821.885 | 0,67% | 440.106 | 9,36% | 2.640.637 | 6.161.486 |
| 18 | Nicaragua | 5.822.000 | 87,4% | 5,088,428 | 97,00% | 5,647,340 | |
| 19 | Magrib | 31.759.997 | 0,06% | 20.000 | 17,3% | 3.415.525 | 5.500.000 |
| 20 | Costa Rica | 4.615.646 | 97,25% | 4,488,716 | 99,20% | 4,578,721 | |
| 21 | Paraguai | 6.460.000 | 55,1% | 3.498.299 | 69,50% | 4,489,700 | |
| 22 | Porto Rica | 3.688.455 | 95,3% | 3,802,098 | 98,80% | 3,950,024 | |
| 23 | Rena Unida | 62.041.708 | 0,18% | 109.005 | 6,32% | 2.015.077 | 3.922.500 |
| 24 | Uruguai | 3.372.000 | 96,60 % | 3,257,352 | 98,90% | 3,334,908 | |
| 25 | Panama | 3.508.000 | 76,8% | 2,694,144 | 93,10% | 3,265,948 | |
| 26 | Pilipinas | 94.013.200 | 0,003% | 2.658 | 3,21% | 438.882 | 3.016.773 |
| 27 | Deutxland | 81.802.000 | 0,13% | 105.916 | 3,31% | 641.742 | 2.706.972 |
| 28 | Italia | 60.605.053 | 0,15% | 92.421 | 492.080 | 2.058.225 | |
| 29 | Gine Ecuatoral | 1.153.915 | 90,50% | 1,044,293 | |||
| 30 | Canada | 34.437.000 | 2,64% | 909.000 | 2,91% | 909.000 | 1.001.853 (92.853 estudiantes) |
| 31 | Portugal | 10.636.888 | 0,08% | 8.975 | 6,93% | 242.427 | 737.026 |
| 32 | Nederlandes | 16.665.900 | 0,11% | 18.724 | 4,09% | 18.724 | 682.094 |
| 33 | Beljia | 10.827.519 | 0,8% | 85.990 | 5,56% | 171 980 | 601.929 |
| 34 | Romania | 21.466.174 | 181 450 | 544.351 | |||
| 35 | Sveria | 9.422.661 | 1,08% | 101.472 | 5,77% | 101.472 | 544.073 |
| 36 | Australia | 22.598.365 | 0,47% | 106.517 | 2,13% | 106.517 | 447.175 + 33.913 estudiantes |
| 37 | Polsca | 38.092.000 | 0,83% | 316.104 | |||
| 38 | Osteraic | 8.396.760 | 267.177 | ||||
| 39 | Costa de Ivor | 235.806 (estudiantes) | |||||
| 40 | Jazair | 36.300.000 | 0,61% | 175.422 | 223.422 | ||
| 41 | Danmarc | 219.003 | |||||
| 42 | Israel | 7.718.600 | 1,68% | 130.000 | 2,27% | 130.000 | 175.231 |
| 43 | Suiz | 7.866.500 | 1,7% | 123.000 | 123.000 | 137.420 (14.420 estudiantes) | |
| 44 | Japan | 76.565 | 76.565 | 136.565 (60.000 estudiantes) | |||
| 45 | Balgaria | 133.910 | |||||
| 46 | Beliz | 52.1% | 106.795 | 128.643 | 128.643 | ||
| 47 | Antiles Nederlandes | 10.699 | 125.534 | 125.534 | |||
| 48 | Er | 4.557 | 61.795 | 123.591 | |||
| 49 | Senegal | 101.455 (estudiantes) | |||||
| 50 | Elas | 86.742 | |||||
| 51 | Suomi | 85.586 | |||||
| 52 | Magiar | 85.034 | |||||
| 53 | Aruba | 6.800 | 75.402 | 75.402 | |||
| 54 | Corvatsca | 73.656 | |||||
| 55 | Andora | 35.4% | 23.618 | 68.70% | 53.963 | 53.963 | |
| 56 | Zeland Nova | 21.645 | 21.645 | 47.322 (25.677 estudiantes) | |||
| 57 | Slovensco | 43.164 | |||||
| 58 | Noria | 12.573 | 36.250 (23.677 estudiantes) | ||||
| 59 | Slovensco | 33.277 | |||||
| 60 | Rusia | 3.320 | 3.320 | 23.320 (20.000 estudiantes) | |||
| 61 | Turcia | 23.175 | |||||
| 62 | Guam | 19.092 | 19.092 | ||||
| 63 | Isolas Virjin | 16.788 | 16.788 | 16.788 | |||
| 64 | Xina | 1.339.724.852 | 2.608 | 2.292 | 15.127 (12.835 estudiantes) | ||
| 65 | Latvia | 13.943 | |||||
| 66 | Jibraltar (del R.U.) | 50% | 13.857 | 13.857 | |||
| 67 | Cipros | 11.044 | |||||
| 68 | Jamaica | 8.000 | 8.000 | 8.000 | |||
| 69 | Luxemburg | 3.000 | 3.000 | 7.344 | |||
| 70 | Malta | 6.458 | |||||
| 71 | Trinidad e Tobago | 5% | 4.100 | 4.100 | 5.106 (1.006 estudiantes) | ||
| 73 | Isolas Falkland | 227 | |||||
| 74 | Sahara Ueste | s.d. | s.d. | ||||
| 75 | Site Vatican | s.d. | s.d. | ||||
| Otros inmigrantes de la UE | 1.399.531 | 1.399.531 | 1.399.531 | ||||
| Otros estudiantes de español | 2.895.562 estudiantes | ||||||
| TOTAL | Nativos | 420,255,166 | 452,696,047 | ||||
| Nativos + No nativos (con competencia limitada) | 487.698.235 | 508,469,011 | |||||
Organizas
Academia Espaniol Real
La Academia Espaniol Real (Real Academia Española), fundida en 1713, en junta con la 21 otra academias nasional, eserse sua influe par sua publici de disionarios e sua gidas de gramatica e stilo.
Asosia de Academias de la Lingua Espaniol
La Asosia de Academias de la Lingua Espaniol es un corpo cual regula la lingua espaniol. Lo es formida par academias de 22 paises, ordinada par data de fundi: Espania (1713), Colombia (1871), Ecuador (1874), Mexico (1875), Salvador (1876), Venezuela (1883), Txile (1885), Peru (1887), Guatemala (1887), Costa Rica (1923), Pilipinas (1924), Panama (1926), Cuba (1926), Paraguai (1927), Republica Dominican (1927), Bolivia (1927), Nicaragua (1928), Arjentina (1931), Uruguai (1943), Onduras (1949), Porto Rica (1955), e Statos Unida (1973).
Instituida Cervantes
La Instituida Cervantes es un organiza nonprofitante mundal creada par la governa espaniol en 1991. Esta organiza ave ramos en plu ca 20 paises diferente, con 54 sentros dedicada a la cultures espaniol es latina. La ojetos ultima de la Instituida es promove la educa, la studia e la usa de espaniol como lingua du, suporta sua metodos e ativias cual aida la prosede de educa en espaniol e contribui a la avansa de la cultures espaniol e latina en paises cual no parla espaniol.
Gramatica
- Article xef: Espaniol (gramatica)
Fonolojia
| Labial | Dental | Alveolal | Palatal | Velal | |||||
|---|---|---|---|---|---|---|---|---|---|
| Nasal | m | n | ɲ | ||||||
| Esplodente | p | b | t | d | tʃ | ʝ | k | ɡ | |
| Fricante | f | θ* | s | x | |||||
| Vibrante | r | ||||||||
| Tocante | ɾ | ||||||||
| Lateral | l | ʎ* | |||||||
Nomes
La nomes en espaniol ave du jeneros: masin e femin.
Determinantes
Articles
La article de defini (la en lfn) ave formas masin, femin, singular e plural. Ance la article de nondefini (un en lfn) ave formas masin e femin en singular e plural.
| ARTICLES | Defini | Nondefini | ||
|---|---|---|---|---|
| Singular | Plural | Singular | Plural | |
| Mas | el | los | un | unos |
| Fema | la | las | una | unas |
| Neutra | lo | — | — | — |
Determinantes de mostra
Espaniol ave tre tipos de determinantes de mostra.
| DETERMINANTES DE MOSTRA | Prosima | Distantia medial | Distante |
|---|---|---|---|
| Mas singular | este | ese | aquel |
| Mas plural | estos | esos | aquellos |
| Fema singular | esta | esa | aquella |
| Fema plural | estas | esas | aquellas |
Determinantes de posese
| DETERMINANTES DE POSESE | persona un singular (posesor) | persona du singular (posesor) | persona tre singular (posesor) | persona un plural (posesor) | persona du plural (posesor) | persona tre plural (posesor) |
|---|---|---|---|---|---|---|
| Mas singular (cosa poseseda) | mi, el mío | tu, el tuyo | su, el suyo | nuestro, el nuestro | vuestro, el vuestro | su, el suyo |
| Mas plural (cosas poseseda) | mis, los míos | tus, los tuyos | sus, los suyos | nuestros, los nuestros | vuestros, los vuestros | sus, los suyos |
| Fema singular (cosa poseseda) | mi, la mía | tu, la tuya | su, la suya | nuestra, la nuestra | vuestra, la vuestra | su, la suya |
| Fema plural (cosas poseseda) | mis, las mías | tus, las tuyas | sus, las suyas | nuestras, las nuestras | vuestras, las vuestras | sus, las suyas |
Determinantes de demanda
- Quién ('Ci')
- Qué ('Ce')
- Cuál ('Cual')
- Cómo ('Como')
- Dónde ('Do')
- Cuándo ('Cuando')
- Por qué ('Perce')
Otra determinantes
- Cuantia nondefinida: poco ('poca'), mucho ('multe'), bastante ('bastante')...
- Cardinales: un/una ('un'), dos ('du'), tre ('tre')...
- Ordinales: primero ('un'), segundo ('du'), tercero ('tre')...
Verbo
La verbo es la parola la plu variable en espaniol. Par sinifia lo indica ata o prosede e en la verbo copula ser, estar e parecer. Los es la nucleo de la predica verbal e la uni de la predica nomal.
| MODA INDICATIVA | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
| Presente | Pasada perfeta | Pasada nonperfeta | Futur | Dependente | |||||||||||||||||
| I. | II. | III. | I. | II. | III. | I. | II. | III. | I. | II. | III. | I. | II. | III. | |||||||
| ‑o | ‑o | ‑o | ‑é | ‑í | ‑í | ‑aba | ‑ía | ‑ía | ‑aré | ‑eré | ‑iré | ‑aría | ‑ería | ‑iría | |||||||
| ‑as | ‑ás | ‑es | ‑és | ‑es | ‑ís | ‑aste | ‑iste | ‑iste * | ‑abas | ‑ías | ‑ías | ‑arás | ‑erás | ‑irás | ‑arías | ‑erías | ‑irías | ||||
| ‑a | ‑e | ‑e | ‑ó | ‑ió | ‑ió | ‑aba | ‑ía | ‑ía | ‑ará | ‑erá | ‑irá | ‑aría | ‑ería | ‑iría | |||||||
| ‑amos | ‑emos | ‑imos | ‑amos | ‑imos | ‑imos | ‑ábamos | ‑íamos | ‑íamos | ‑aremos | ‑eremos | ‑iremos | ‑aríamos | ‑eríamos | ‑iríamos | |||||||
| ‑áis | ‑éis | ‑ís | ‑asteis | ‑isteis | ‑isteis | ‑abais | ‑íais | ‑íais | ‑aréis | ‑eréis | ‑iréis | ‑aríais | ‑eríais | ‑iríais | |||||||
| ‑an | ‑en | ‑en | ‑aron | ‑ieron | ‑ieron | ‑aban | ‑ían | ‑ían | ‑arán | ‑erán | ‑irán | ‑arían | ‑erían | ‑irían | |||||||
| MODA SUJUNTIVA | MODA COMANDANTE | ||||||||||||||||||||
| Presente | Pasda nonperfeta 1 | Pasada nonperfeta 2 | Futur | Comandante positiva | |||||||||||||||||
| I. | II. | III. | I. | II. | III. | I. | II. | III. | I. | II. | III. | I. | II. | III. | |||||||
| ‑e | ‑a | ‑a | ‑ara | ‑iera | ‑iera | ‑ase | ‑iese | ‑iese | ‑are | ‑iere | ‑iere | — | — | — | |||||||
| ‑es | ‑as | ‑as | ‑aras | ‑ieras | ‑ieras | ‑ases | ‑ieses | ‑ieses | ‑ares | ‑ieres | ‑ieres | ‑a | ‑á | ‑e | ‑é | ‑e | ‑í | ||||
| ‑e | ‑a | ‑a | ‑ara | ‑iera | ‑iera | ‑ase | ‑iese | ‑iese | ‑are | ‑iere | ‑iere | ‑e | ‑a | ‑a | |||||||
| ‑emos | ‑amos | ‑amos | ‑áramos | ‑iéramos | ‑iéramos | ‑ásemos | ‑iésemos | ‑iésemos | ‑áremos | ‑iéremos | ‑iéremos | ‑emos | ‑amos | ‑amos | |||||||
| ‑éis | ‑áis | ‑áis | ‑arais | ‑ierais | ‑ierais | ‑aseis | ‑ieseis | ‑ieseis | ‑areis | ‑iereis | ‑iereis | ‑ad | ‑ed | ‑id | |||||||
| ‑en | ‑an | ‑an | ‑aran | ‑ieran | ‑ieran | ‑asen | ‑iesen | ‑iesen | ‑aren | ‑ieren | ‑ieren | ‑en | ‑an | ‑an | |||||||
| FORMAS NONPERSONAL | * Formas en -astes e -istes es condenada par la Academia e es usada en tota la dialetos en contestos nonformal. | ||||||||||||||||||||
| Infinitiva | Partisipio | Jerundio | |||||||||||||||||||
| I. | II. | III. | I. | II. | III. | I. | II. | III. | |||||||||||||
| ‑ar | ‑er | ‑ir | ‑ado/a (-ante) | ‑ido/a (-iente) | ‑ido/a (-iente) | ‑ando | ‑iendo | ‑iendo | |||||||||||||
Preposadas e averbos
Leteratur
- Article xef: Leteratur espaniol
Leteratur en espaniol es un de la plu importante de la mundo, no car la espaniol es un de la linguas la plu formulada e scriveda, ma par causa de sua importa a la leteratur universal.
Cualias
La leteratur en espaniol ave serta un tende a la realisme, la vivosia de la tradision nativa tra la tradision bocal, e serta diferente de la leteratures european, creada par la estende baroca de developa en la tradision espaniol, cual representa la epoca clasica de la cultur espaniol.
Eda medieval
- Article xef: Leteratur medieval espaniol
La testo prima scriveda en un lingua romanica de la penisola iberian es la Glosas de San Emiliano (sentenio 10). Lo es un testo formida par anotas peti en linguas diversa: latina, un lingua romanica de la penisola iberian (aragones o espaniol) e euscara. On no ia reconose la importa de esta testo ante la sentenio 20.
| Glosas de San Emiliano | Glosas Emilianenses |
| Con o aiutorio de nuestro dueno Christo, dueno salbatore, qual dueno get ena honore et qual duenno tienet ela mandatione con o patre con o spiritu sancto en os sieculos de lo sieculos. Facanos Deus Omnipotes tal serbitio fere ke denante ela sua face gaudioso segamus. Amen. | Con la aida de nosa senior Cristo, senior salvor, senior ci es en onora e senior ci ave comanda con la Padre, con la Spirito Santa, en la sentenios de la sentenios. Ta ce Dio Omnipotiosa fa nos un tal servi ce ante sua fas nos es joiosa. Amen. |
Hartxas
La esemplo prima rejistrada de leteratur de un lingua romanica es un misca de la cultures muslim, iudiste e cristian en Espania muslim. La hartxas, de la sentenio 9 asta la 12, ia es poesias peti scriveda en dialetos romanica conoseda como mosarabi, ma scriveda en alfabeta arabi. Los ia apare en la fini de un poema plu grande, scriveda en arabi o ivri. La vose cual parla ia es de un fem e la hartxas parla sur la ama perdeda.
Poesia de Me Cid
La poesia epica Poesia de Mea Cid ia es scriveda sur un om (sua batalias, concistas e vive dial). La poesiste, nonconoseda, ia scrive la poesia en 1140 e la Cid ia mori a 40 anios a ante, en 1099. Esta poesia representa la realia, car no cosa es esajerada e la detalias es tre real. Diferente de otra poesias epica european, la poesia no es idealida e esentes supranatural no apare en lo.
Mester de Juglaría
La poesistes medieval espaniol ia reconose la Mester de Juglaría como un forma leteratural scriveda per es cantada.
Mester de Clerecía
Esta poesia con nara castilian, conoseda como Mester de Clerecía, ia deveni tre popular en la sentenio 13. Lo es la strofe usada par la pretes (de asi la nom en espaniol de clerecía).
Amis falsa
Esente espaniol e lingua franca nova du linguas romanica, los ave alga parolas simil con sinifia diferente:
| Espaniol | Sinifia | Elefen | Tradui a espaniol |
|---|---|---|---|
| encontrar | trova | encontra | encontrarse, reunirse, cruzarse con uno |
| impresionar | responde | impresa | imprimir |
| soportar | tolera | suporta | apoyar |
| suceso | aveni | susede | éxito |
| vaso | vitro | vaso | jarrón |
| realizar | esecuta | reali | darse cuenta |
| venta | vende | venta | viento |
| novia | xica de cor | novia | novedad |
Referes
| Linguas romanica | ||
|---|---|---|
| Sardo-romanica | Sarda | |
| Ibero-romanica | Portuges • Galego • Asturian • Espaniol • Aragones • Estremaduran | |
| Ositano-romanica | Catalan • Ositan (Aranes) | |
| Galo-romanica | Franses • Ualon • Ligure (Monaces) • Lombard (Milanes) • Piemontes | |
| Reto-romanica | Rumans • Furlan • Ladin | |
| Italo-romanica | Italian • Corsu • Sisilian | |
| Balcano-romanica | Romanian • Dalmatian • Aromanian | |
This article uses material from the Wikipedia Lingua franca nova article Espaniol (lingua), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.