Herodot: Griicheschen Vëlkerkundler, Geograph an Historiker

All Datumen an dësem Artikel si sous-entendu viru Christus.

Chr.">485, a gestuerwe géint 425, war e griichesche Reesenden, Vëlkerkundler, Geograph an Historiker.

Herodot
Gebuer	484v. Chr. Halikarnassos
Gestuerwen	425v. Chr. Thurioi
Nationalitéit	Halikarnassos
Aktivitéit	Historiker, Politiker, Schrëftsteller, Geograph

Den Herodot (gr.:Herodotos, lat.: Herodotus) ass zu Halikarnassos (haitegt Bodrum/Tierkei) a Klengasien op d'Welt komm. En ass vill gereest, a Persien, Egypten, Babylonien a bis bei d'Schwaarzt Mier. D'Enn vu sengem Liewen huet en am süditalieneschen Thourioi verbruecht, enger griichescher Kolonie.

Ënner dem Titel Historiai huet den Herodot e Wierk verëffentlecht, dat sech ëm d'Perserkricher am 5. Joerhonnert v. Chr. dréit. Ënner sengen Historiai versteet den Herodot an éischter Linn eng Enquête. Nodeem et ufanks nach ëm déi besot Perserkricher geet, schwäift den Herodot ganz séier of an entféiert de Lieser op eng Rees bei déi verschiddenst Vëlker. Hie stellt seng Weltkaart vir, wat eis en Opschloss dodrops gëtt, wéiwäit d'gebilte Leit vu senger Zäit geduecht hunn. De "Papp vun der Geschichtsschreiwung" ass allerdéngs net bei jiddwerengem beléift, well en dacks Mythe mat der Wourecht vermëscht. De komplette Contraire ass de faktenorientéierten Thukydides.

• Das Geschichtswerk des Herodot von Halikarnassos, Insel Verlag, Frankfurt 2001, ISBN 3-458-34443-8
• Historien, Reclam Verlag, Diztingen 2002, ISBN 3-15-018221-2

Commons: Herodotus – Biller, Videoen oder Audiodateien

• E rekonstruéierte Portrait
• Dem Herodot seng Weltkaart
• Eng Iwwersetzung op Englesch vun den Historiai