Olisipo: Urbs Portugalliae

Olisipo

Res apud Vicidata repertae:

Civitas: Portugallia
Locus:
Numerus incolarum: 545 923
Zona horaria: UTC, UTC+1
Situs interretialis
Nomen officiale: Lisboa

Gestio

Praefectus: Carlos Moedas
Procuratio superior: Olisipo

Geographia

Superficies: 100.05±0.01 chiliometrum quadratum
Regiones urbanae: Campo de Ourique, Ajuda, Estrela, Alvalade, Areeiro, Benfica, Beato, Lumiar, Avenidas Novas, Belém, Santa Maria dos Olivais, Alcântara, Campolide, Santa Clara, Sancta Maria Maior (Lisbonum), Santo António, São Vicente, Carnide, Parque das Nações, Arroios, São Domingos de Benfica, Misericórdia, Penha de França, Marvila
Territoria finitima: Oeiras, Amadora, Odivelas, Loures

Coniunctiones urbium

Urbes gemellae: Bissau, Praia, Macaum, Urbs Fluminensis, Budapestinum, Bonaeropolis, Cacheu, Luanda, Matritum, Malacca, Maputo, Urbs Montis Videi, Rabatum, Urbs Sancti Thomae, Zagrabia, Soteropolis, Tunes, Bethleem, Malacca, Kiovia, Pechinum, Panaji, Brasiliopolis, Paulopolis, Miamia, Dilium

Prope situntur plures urbes: Sacabis, Odivelae, Selenopolis, Cascales, Amatoria, Gualva-Kassema, Queluz.

In antiquitate urbis nomen Olisipo, Olisippo vel Ulisippo scriptum est. Postea variae aliae formae reperiuntur, ut Ulyssipo et Lissabona. Littera U initialis fortasse usurpata est a notione, secundum quam urbs ab Ulixe condita sit. Patriarchatus Catholicus Lisbonensis vel Ulixbonensis appellatur.

 

 

Verisimile est iam Phoenices portu oppidi usos esse. Anno autem 205 a.C.n., Olisipo a Romanis expugnata est. Circa 136 a.c.n. illud oppidum in bello adversus Celtiberos sibi socium proconsul Decimus Iunius Callaicus munivit et firmavit ne commeatus per Tagum flumen exercitui advectus ab hostibus interciperetur. Anno 48 a.C.n., ob incolarum merita a Gaio Iulio Caesare colonia Felicitas Iulia eo deducta est, quae urbs magna in Lusitania fuit. A scriptoribus Latinis, Olisipo saepe laudata est.

Anno 409, Vandali urbem expugnaverunt; eis Suebi successerunt, qui ad annum 585 manserunt. Eo anno, Visigothi urbem expugnaverunt.

Die 6 Augusti 711, Mauri urbem occupaverunt, qui anno 1147 ab Alphonso I Henrico rege Lusitaniae expulsi sunt. Olisipo urbs capitalis Portugalliae anno 1255 facta est.

Anno 1497, Valascus de Gama ab urbe ad Indiam expugnandam profectus est. Annis 1580 ad 1640, cum Lusitania pars Hispaniae esset, urbs non iam erat caput regni.

Die 1 Novembris 1755, potentissimus terrae motus urbem diruit.

Bellis Napoleonicis expugnata et rapta est.

Anno 1910, Emmanuele II rege deposito, Olisipo caput rei publicae Lusitaniae facta est.

Ferrivia metropolitana Olisiponensis, anno 1959 incepta, e quattuor lineis constituitur.

Anno 1994 caput culturale Europaeum fuit.

Universitates studiorum tres sunt Olisiponi: Universitas Olisiponensis ad lucem, Universitas Nova Olisiponensis, Universitas Technica Olisiponensis.

 

Olisipo sedes patriarchalis Ecclesiae Catholicae Romanae et Archidioecesis nomine Patriarchatus Lisbonensis (sive Patriarchatus Ulixbonensis} est; praesens patriarcha Manuel Iosephus Macarius do Nascimento Clemente est.

Nati

• 1954, Marianus Gago, politicus (mortuus 2015)
• 1954, in vico Madalenae - Manuel Ludovicus Goucha, conductor et moderatrix televisionis
• 1989, Salvator Sobral, cantator

Mortui

• 1582 - Ferdinandus Toletanus Dux Albanus

• Will Coldwell, "Nightlife reports: Lisbon’s new clubbing scene" in The Guardian (23 Ianuarii 2015)
• Sam Jones, "Sun, surf and low rents: why Lisbon could be the next tech capital" in The Guardian (29 Octobris 2016)