Лиссабон

Пиреней жарым аралынын түштүк-батыш жээгинде Тежу дарыясынын чатында, Атлантика океанынан 15 км аралыкта жайгашкан. Лиссабон округунун административдик борбору.

Лиссабон
порт. Lisboa
Туу Герб
Өлкө	Португалия
Ички бөлүнүшү	53 аймакка (freguesias) бөлүнөт
мэр	Антониу Кошта
Тарыхы жана Географиясы
Мурунку аталышы	лат. Olissipo, араб. al-Lixbûnâ‎
Аянты	83,84
Калкы
Калкынын саны	545 245 (2010)
Жыштыгы	6503,41 адам/км2
Агломерациясы	Чоң Лиссабон
Этнохроним	Lisboeta, Lisbonense, Olisiponense (айтыл.), Alfacinha (сүйл.)
Сандык идентификаторлор
Убакыт аралыгы	+0
Телефон коду	+351 21
Почта индекси	1000-1900
http://www.cm-lisboa.pt/

Калкы 473,6 миң (2010; Чоң Лиссабон агломерациясында 2,6 млн). Эл аралык аэропорту, метрополитен бар. Өлкөдөгү ири порт (жылына 15 млн т. жүк ташылат). Финикиялыктар тарабынан болжол менен биздин заманга чейин 2-кылымда негизделген. 1147-ж. арабдардан португалиялыктар тартып алып, Португалия королдугунун курамына кирген. 1255- жылдан Португалиянын борбору. Кеме куруу, электр-техникалык, химия, нефть ажыратуу, металлургия, текстиль, тамак-аш (анын ичинде зайтун майы, балык консервалары) жана башка өнөр жай ишканалары иштейт. Роман стилиндеги собор (12-к., 18-кылымда кайрадан курулган), готика стилиндеги кармелиттердин монастыры (14–15-к.), 17–18-кылымдын ак сарайлары, Ла Эштрела базиликасы сакталган. ИА, университеттер, музейлер (анын ичинде археологиялык, этнографиялык, диний, көөнө жана заманбап искусство), театр, планетарий бар. Ботаникалык бак, зоопарк уюштурулган. Эл аралык туризмдин ири борбору. Жыл сайын заманбап (1977) жана көөнө (1980) музыка фестивалдары өткөрүлүп турат.

• 
  Лиссабон
• 
  Лиссабон

• “Кыргызстан”. Улуттук энциклопедия: 5-том. Башкы ред. Асанов Ү. А., Б.: "Кыргыз энциклопедиясы" башкы редакциясы, 2014. ISBN 978—9967—14-111-7