Holenda: Dewletekî Ewropayê

Koninkrijk der Nederlanden

Keyaniya Nederlendayê


(Ala)	(Nîşan)

Sirûda netewî: Het Wilhelmus

Zimanên fermî

Holendî û frîzî

Paytext

Amsterdam
52°22′Bk 04°54′Rh / 52.367°Bk 4.900°Rh

Sîstema siyasî

Monarşî

- Key
- Serokwezîr

Willem-Alexander
Mark Rutte

Rûerd
- Giştî
- Av (%)

41.543 km²
18,41

Gelhe
- Giştî (2016)
- Berbelavî

17.016.967 kes
409,6 kes/km²

Serxwebûn

2ê tîrmeha 1581ê

Dirav

Ewro (EUR)

Dem

UTC+1

Nîşana înternetê

.nl

Koda telefonê

+31

Holenda an Nederlenda an jî Welatên Jêrîn, welatek li rojavayê Ewropayê ye.

Erdnîgarî

Holenda dikeve ser tixûbên du welatan: li rojhilat Almanya û li başûr jî Belçîka. Li aliyê rojava ve Holenda dikeve ser deryaya Bakur. Rûberê Holendayê 41.526 kilometreyên çargoşe ye.

Dîrok

Holendayê mêjûyeke dûr û dirêj heye. Ev welat di çerxên 15 ta 18an de welatekî dagirker bû. Holendayê bi dirêjahiya 400 salan welatê Îndonezya (welatekî li başûrê rojhilatê kîşwerê Asyayê) dagir kiribû. Di wê serdemê de Holenda di warê bazirganiyê de yek ji mezintirîn welatan bû. Holendiyan bi keştiyê derbasî Îndonezya dibûn. Rêwîtiya wan bi direjahiya heyvan dikêşa.

Holenda û Belçîka bi yek welat dihatine hejmartin. Lê belê sala 1830an ev yekgirtin hate hilweşandin û Belçîka serxwebûna xwe ragehand. Herwisa Holenda ji aliyê welatê Spanyayê ve bi dirêjahiya 13 salan hatiye dagirkirin. Zêdebarî vî welatî pişikdarî di cenga cîhanê ya duyem de kiriye.

Pergala desthilata Holendayê parlamenî ye. Herwisa welatekî şanşîne (melikî) ye jî. Holenda ji 12 parêzgehan pêk hatiye. Paytextê vî welatî Amsterdam e. Herçende Amsterdam paytext be jî, lê belê Den Haag (Lahay) navenda desthilata Holendayê ye. Herwisa hemî balyozxaneyên cîhanê jî li Den Haagê mewcûd in. Li bajarê Den Haag baregeha Neteweyên Yekbûyî (UN) beşê dad heye.

Demografîk

Bajarên girîng ên Holendayê: Rotterdam (bi bendereke mezin navdar e), Utrecht navenda hatin û çûna şemendeferên Holendayê ye. Eindhoven bi bajêrê 5ê yê mezin tête hejmartin.

Zimanê fermî holendî ye. Zêdebarî zaravayê parêzgeheka bakur a bi navê Frîzlenda bi zimanê frîzî dipeyvin.

Holenda yek ji welatên dewlemend tête hejmartin. Li bajarê Rotterdamê bendereke cihanî heye. Bi sedan keştiyên bazirganî rojane têne vê benderê. Herwisa Bendera Rotterdamê yek ji benderên mezin ên cîhanê tête hejmartin. Zêdebarî balafirgeheka navdewletî bi nave Schiphol li Amsterdamê ye. Evê balafirgehê û bendera Rotterdamê helbet kartêkirineke mezin ya heye ji aliyê aboriyê ve. Holenda di warê pişesazî, kişt û kalî û teknolojiyê de jî pêşketiye.

Holenda bi dewlemendiya cureyên gulan navdar e. Ev gul her sal bi bihaye milyonan têne firotin.

Navçe	Serbajar	Mezintirîn bajar	Rûerd (km²)	Gelhe (2015)	Berbelavî (kes/km²)
Drenthe	Assen	Assen	2.641	488.871	184
Flevoland	Lelystad	Almere	1.417	403.280	264
FryslânFrîzlenda	Leeuwarden	Leeuwarden	3.341	646.092	192
Gelderland	Arnhem	Nijmegen	4.971	2.031.123	398
Groningen	Groningen	Groningen	2.333	582.649	246
Limburg	Maastricht	Maastricht	2.150	1.115.805	525
Noord Brabant Brabanta Bakur	's-Hertogenbosch	Eindhoven	4.916	2.495.107	492
Noord HollandHolendaya Bakur	Haarlem	Amsterdam	2.671	2.775.617	978
Overijssel	Zwolle	Enschede	3.325	1.142.360	336
Utrecht	Utrecht	Utrecht	1.385	1.268.489	860
Zeeland	Middelburg	Terneuzen	1.787	381.182	213
Zuid HollandHolendaya Başûr	Den Haag Lahay	Rotterdam	2.814	3.607.150	1228

Çavkanî

Girêdanên derve

Li Wiki Commons medyayên di warê Holenda de hene.

This article uses material from the Wikipedia Kurdî / كوردی article Holenda, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ger wekî din nehatibe diyarkirin, naverok di bin CC BY-SA 4.0 de berdest e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kurdî / كوردی (DUHOCTRUNGQUOC.VN) is an independent company and has no affiliation with Wiki Foundation.