Ɔsɩloo
Ɔsɩloo kɛna Nɔrɩvɛɛzɩ ɛjaɖɛ taa tɛtʊ sɔsɔtʊ.
Ɖooo pɩnzɩ 1624 nɛ 1924 lɛ, payawaɣ tɛtʊ tʊnɛ se Kristiyaniya. Kɔlaɣ fenaɣ kacalaɣ wiye pɩnaɣ 1925 kɛ papaazʊ yaʊ se tɛtʊ tʊnɛ se Ɔsɩloo. Pɩnaɣ 2010 taa pakala ɛyaa kɛ tɛtʊ ndʊ tɩ-taa lɛ, pɛkpɛnda 1 403 268 nɛ pa-taa lɛ, mɩnɩʊ yɔɔ lɛ, caɣyaa kpɛnda 2. Tɛtʊ tʊnɛ tɩ-walanzɩ maɣna 450 km2 nɛ tɩ-taa haba sɔsɔna nɛ cikpena wɛɛ, pɩtasɩna sulukiŋ kpayɩsɩ ɖɩ-ɖɔnɖɛ.
Ɔsɩloo tɛtʊ hɛkʊ taa pɔɔ nakɛyɛ wɛɛ nɛ payaɣ-kɛ se Akɛrsɛlva ɛlɛ tɛtʊ tʊnɛ pɩyɩsɩ cɔ-tʊ kpɛɛɛ nɛ sɩtaa. Peeɖe tɛtʊ ndʊ lɩm cɔ-tʊ nɛ pɩta yɔ, tɩtala hiuwaa naanza nɛ tɩ-taa sɔsɔtʊ payaɣ se Malɩmooya, pʊ-tɔbʊʊ se ɖenɖe ñɩɣtʊ ñɩɣɖɛ. Tɛtʊ tʊnɛ tɩ-walanzɩ taa talɩʊ ɛzɩ 0,56 km2 yɔ. Ɔsɩloo tɛtʊ taa kujomiŋŋ tala ɛzɩ 343 yɔ.
Ɛzɩ tɛtʋ sɔsɔtʋ lɛɛtʋ ɖɔɖɔ yɔ, Ɔsɩloo tɛtʊ nɛ ajɛya lɛɛna taa tɛtʋ ɖʋ taabalɩyɛ nɛ palakɩ tʋm kʋɖʋma se tɔsʋʋ nɛ ɛsɩnda wobu ɛɖɛɛna poliŋ. Tɛtʋ ndʋ yɔ: Anvɛɛrɩ (Pɛlɩziki), Caŋgayɩ (Siini), Kopɛnɩhaagɩ (Tanɩmarɩkɩ), Hɛlɩsinki (Fɛɛlandɩ); Reyikzaviki (Isilandɩ), Tɛlaviivi (Izrɛɛlɩ), Filniyusi, (Lituyaanii), Rotɛrɩdam (Peyibaa), Farɩsovii (Polɔɔñɩ), Sɛɛpetɛrsɩbuuri (Ruusii) nɛ Pɛlɩgradɩ (Sɛrbii).
This article uses material from the Wikipedia Kabɩyɛ article Ɔsɩloo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mbʋ pɛwɛɛ pɩ-taa yɔ pʋwɛɛ pɩcɛlɩna paa weyi yee ɛyʋ ɛwɛna waɖɛ yɔ asaa yee nabʋyʋ ɛwɛ ndɩ lɛ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kabɩyɛ (DUHOCTRUNGQUOC.VN) is an independent company and has no affiliation with Wiki Foundation.