175°W / 20°S 175°W / -20; -175
Ti Tonga (/ˈtɒŋ(ɡ)ə/, lokal: [ˈtoŋa]), opisial a nanaganan ti Pagarian ti Tonga (Tongano: Puleʻanga Fakatuʻi ʻo Tonga), ket ti maysa a pagilian iti Polinesia, ken maysa pay a purpuro a buklen dagiti 169 nga isla, a kadagitoy ket 36 dagiti natagtagitao. Ti dagup a kalawa ti purpuro ket agarup a 750 kuadrado kilometro (290 sq mi) a naiwarwaras kadagiti 700,000 kuadrado kilometro (270,000 sq mi) iti akin-abagatan a Taaw Pasipiko. Manipud idi 2016, ti Tonga ket addaan it ipopulasion iti 100,651, 70% kadagitoy ket agnanaed iti nangruna nga isla ti Tongatapu.
Pagarian ti Tonga | |
---|---|
Napili a pagsasao: "Ko e ʻOtua mo Tonga ko hoku tofiʻa" "Tawidko ti Dios ken Tonga" | |
Nailian a kanta: "Ko e fasi ʻo e tuʻi ʻo e ʻOtu Tonga" "Ti Kanta ti Ari ti Is-isla ti Tonga" | |
Kapitolio ken kadakkelan a siudad | Nukuʻalofa 21°08′S 175°12′W / 21.133°S 175.200°W |
Opisial a sasao | |
Grupgrupo ti etniko (2018) |
|
Relihion (2011) |
|
Nagan dagiti umili | Tongan |
Gobierno | Unitario a parlamentario a batay-linteg a monarkia |
• Monarko | Tupou VI |
• Kangrunaan a Minsitro | Siaosi Sovaleni |
• Tagabitla ti Asemblia | Fatafehi Fakafanua |
Lehislatura | Lehislatibo nga Asemblia |
Wayawaya | |
• manipud iti protektorado ti Reino Unido | 4 Hunio 1970 |
Kalawa | |
• Dagup | 748 km2 (289 sq mi) (Maika-175) |
• Danum (%) | 4.0 |
Populasion | |
• Senso idi 2016 | 100,651 (Maika-199) |
• Densidad | 139/km2 (360.0/sq mi) (Maika-76a) |
GDP (PPP) | Karkulo idi 2019 |
• Dagup | $655 a riwriw |
• Tunggal maysa a tao | $6,496 |
GDP (nominal) | Karkulo idi 2019 |
• Dagup | $493 a riwriw |
• Tunggal maysa a tao | $4,888 |
Gini (2015) | 37.6 kalalainganna |
HDI (2019) | 0.725 nangato · Maika-104 |
Kuarta | Paʻanga (TOP) |
Sona ti oras | UTC+13 |
Pagmanehuan | kanigid |
Kodigo ti panagtawag | +676 |
Kodigo ti ISO 3166 | TO |
TLD ti internet | .to |
|
Sakupen ti Tonga iti agarup a 800 kilometro (500 mi) iti maysa a linia ti amianan–abagatan. Palikmutan daytoy babaen ti Fiji ken Wallis ken Futuna (Pransia) iti amianan a laud; ti Samoa iti amianan a daya; ti Baro a Caledonia (Pransia) ken Vanuatu iti laud; ti Niue (ti kaasitgan a gangganaet a teritorio) iti daya; ken ti Kermadec (Baro a Selanda) iti abagatan a laud. Ti Tonga ket agarup a 1,800 kilometro (1,100 mi) manipud iti Isla Amianan ti Baro a Selanda.
Manipud idi 1900 aginggana idi 1970, ti Tonga ket addaan idi iti kasasaad a protektorado nga estado ti Britaniko. Tinartaripato idi ti Reino Unido dagiti gangganaet a pannakibiang ti Tonga babaen ti maysa a Tulag ti Pannakigayyem, ngem ti Tonga ket saan a nagibbet ti kinaturayna iti ania man a gangganaet a bileg. Idi 2010, nangala ti Tonga ti maysa a napateg nga addang nga umadayo iti bukodna a tradisional nga absoluto a monarkia ken iti ipapanna nga agbalin a maysa a napno nga agannong a batay-linteg a monarkia, kalpasan dagiti reporma ti lehislatibo a nakaiturongan ti waya para iti immuna a sangkapaset a representatibo a panagbubutosna.
Kadagiti adu a sasao a Polinesio, a mairaman ti Tongano, ti balikas a tonga ket agtaud manipud iti fakatonga, a ti kayatna a sawen ket "agpaabagatan", ken kastoy a nanaganan ti purpuro gapu ta daytoy ti akin-abagatan unay a grupo kadagiti grupo ti isla ti tengnga a Polinesia. Ti balikas a tonga ket maipada iti Hawayano a balikas ti “kona,” a ti kayatna a sawen ket “papanan a turong ti angin,” a daytoy ti kasisigud a nagan para iti Distrito ti Kona iti Hawai’i.
Nagbalin nga ammo ti Tonga iti Laud kas ti "Friendly Islands" (Mannakigayyem nga Is-isla) gapu ti nasayaat a resepsion ken ni Kapitan James Cook iti immuna panagbisitana idi 1773. Simmangpet isuna iti panawen ti tinawen a piesta ti ʻinasi, a maipapan iti donasion iti Umuna a Bungbunga iti Tuʻi Tonga (ti monarko ti is-isla), ken isunaket nakaawat iti imbitasion kadagiti rambakan. Ngem iti met mabalin a mapasamak, segun ti mannurat a ni William Mariner, dagiti daulo ti politiko ket kayatda kano a patayen ni Cook iti lasud ti rambakan, ngem saanda met nga inaramid daytoy gapu ta saanda a nagtunos iti maysa a plano ti aksion a mangbanag iti daytoy.
Dagiti midia a mainaig iti Tonga iti Wiki Commons
Pakaammo ti panagbiahe idiay Tonga manipud iti Wikivoyage (iti Ingles)
This article uses material from the Wikipedia Ilokano article Tonga, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.