Copenhagen (danese: København) es le capital de e le urbe le plus grande in Danmark, situate in le costa est del grande insula Selandia verso le stricto Øresund preter le stricto inter Selandia e le plus parve Amager (le ultime essente le location del Aeroporto de Copenhagen).
Il ha 1.230.728 habitantes (2013), inclusive le suburbios, e Copenhagen assi es le municipio le plus populate in Danmark. Circa 22 pro cento del population danese habita in le areas urban de Copenhagen.
Copenhagen | |||
| |||
Nomine native | København | ||
---|---|---|---|
Classe | capital, largest city[*], cycling city[*], citate, citate grande[*] | ||
Pais | Danmark, Kingdom of Denmark[*] | ||
Population | 644 431 | ||
Area | 86,2 km² | ||
Situate in | Capital Region of Denmark[*], Copenhagen Municipality[*] | ||
Altitude | 14 m | ||
Coordinatas | 55°40'34"N, 12°34'8"E | ||
Linguas official | danese | ||
Citates gemine | Beijing, Berlin, Curitiba, Marseille, Praga, Reykjavik, Helsinki, Nuuk, Oslo, Stockholm Municipality[*], Tórshavn, Amsterdam[*], Grójec[*], Kiev | ||
Fuso horari | Hora Central Europee[*] | ||
Geonames ID | 2618425 | ||
Sito web: https://kk.dk | |||
Wiki Commons Category Copenhagen |
Copenhagen anque es appellate le urbe del turres, e un serie de pontes e tunnels combina le partes sur Selandia e Amager. Desde 2000 Copenhagen e Malmö in Svedia ha essite ligate per le Connexion de Øresund. Copenhagen es le location de institutiones central como le parlamento Folketinget, le castello regal Amalienborg, le corte supreme e le administration central. Anque institutiones cultural como le Museo National, le Theatro Regal e le Opera es situate ci.
Le nomine København es mentionate in 1186 como Hafn e in le obra del historico danese Saxo Grammaticus circa 1200 como Mercatorum portus (le porto (in danese: havn) del mercatores (in danese: købmænd). In latino illo es appellate Hafnia.
Le historia de Copenhagen comencia traditionalmente per le construction in 1167-1168 de un fortalessa pro defender le citate, fundate per le episcopo Absalon Hvide, contra le wendes. Le restos del burgo de Absalon ancora existe sub le presente castello Christiansborg, que es le sede del parlamento. Copenhagen deveniva, gratias a su position central preter Øresund, un importante mercato, e le urbe cresceva rapidemente. In 1416 rege Erik de Pommerania faceva Copenhagen le sede regal, e tosto illo deveniva le capital. Rege Christian I fundava in 1479 le Universitate de Copenhagen, e in 1536 Copenhagen esseva officialmente le capital de Danmark. Un grande parte del edificios historic de Copenhagen se debe al rege Christian IV, qui i.a. erigeva le Bursa, le Ecclesia de Holmen (le ecclesia regal), le castello Rosenborg e le Turre Rotunde.
Nyhavn (Nove Porto), un area verso le porto proxime al centro e Kongens Nytorv
This article uses material from the Wikipedia Interlingua article Copenhagen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.