Իվանովո

Քաղաք
Իվանովո
Иваново
Դրոշ Զինանշան
Երկիր	Ռուսաստան
Շրջան	Չելյաբինսկի մարզ
Համայնք	Մագնիտոգորսկի վարչաշրջան
Ներքին բաժանում	Բաժանված է երեք մասի Լենինյան, Օրջոնիկիձեի, Պրաբաբերեժնի
Քաղաքապետ	Վիտալիյ Բախմտեյև
Հիմնադրված է	1871 թ.
Առաջին հիշատակում	1561
Մակերես	104,84 կմ²
ԲԾՄ	120 մ
Բնակչություն	409 285 մարդ (2015)
Խտություն	3902 մարդ/կմ²
Ազգային կազմ	ռուսներ, ուկրաինացիներ և ուրիշ
Կրոնական կազմ	ուղղափառություն, իսլամ, սուննի և այլ դավանանքներ
Տեղաբնականուն	մագնիտոգորսկցի
Ժամային գոտի	UTCUTC +3
Հեռախոսային կոդ	4932
Փոստային ինդեքս	153000
Փոստային դասիչ	455xxx
Ավտոմոբիլային կոդ	37
Պաշտոնական կայք	ivgoradm.ru
Պարգևներ
Իվանովո Վիքիպահեստում

Իվանովո-Վոզնեսենսկ քաղաքը հիմնադրվել է 1871 թվականին 15-րդ դարում գոյություն ունեցող Իվանովո գյուղի և 19-րդ դարում ստեղծված Վոզնեսենսկի պոսադի միացման արդյունքում։

Իվանովո քաղաքը առաջին հերթին հայտնի է իր տեքստիլ արդյունաբերության, կրթական հաստատությունների և հեղափոխական պատմության շնորհիվ։ Հայտնի է «Հարսնացուների քաղաք», «Առաջին Խորհրդի Հայրենիք», «Չթի երկիր», «Ռուսաստանի տեքստիլ մայրաքաղաք», ինչպես նաև «Ռուսական և Կարմիր Մանչեստեր»։ Մտնում է Ռուսաստանի Ոսկե օղակի մեջ։

Հնագիտական պեղումները, որոնք հայտնաբերվել են ժամանակից Իվանովոյի տարածքում, պատկանում են մ.թ.ա. 2-րդ հազարամյակին։ 1929 թվականին Սոսնեվե բնակավայրում, Ռիլիխի գյուղում հայտնաբերվել են ֆատյանովյան մշակույթի շաղափված կացիններ։

Առաջին հազարամյակում տարածաշրջանը բնակեցվել է ֆինաուգորական մերյա ցեղերով։ 1863 թվականին հնագետների կողմից հայտնաբերվել են գերեզմանոցներ և 54 դամբարանաբլուր։ Տղամարդկանց գերեզմանոցներում հայտնաբերվել էին դանակներ, մետաղյա վահանակներ, կացիններ, իսկ կանանց գերեզմանոցներում՝ զարդարանքներ։ Իրերը պատկանել են 11-12-րդ դարերին։

Իվանովո քաղաքի առաջացման վայրը՝ Ուվոդ գետի մոտակայքում գտնվող տեղանքը Պոտոկ և Կոկույ բնավայրերի միջև։

Աշխարհագրական դիրք

Իվանովոն գտնվում է Իվանովոյի մարզի կենտրոնում, Ուվոդ գետի ափին, Մոսկվայից 290 կմ դեպի հյուսիս-արևելք և Յարոսլավլից, Վլադիմիրից և Կոստրոմայից մոտ 100 կմ հեռավորության վրա։ Աշխարհագրական կոորդինատներն են՝ հս.լ. 57˚, արլ.ե. 41˚: Քաղաքը զբաղեցնում է 10 484 հա տարածք, որից կառուցապատված է 2 353 հա տարածքը։ Իվանովոն և Իվանովոյի մարզը գտնվում են այնպիսի ժամային գոտում, որն ը միջազգային չափանիշի նշվում է որպես Moskow Time Zone (MSK/MSD): Համաշխարհային կոորդինացված ժամանակի (UTC) նկատմամբ շեղումը +3:00 (MSD) է։

Հող

Իվանովո քաղաքի շրջանում և արվարձաններում հողը կավային է, ավազի բավականին մեծ պարունակությամբ, բույսերի համար քիչ սննդարար է և պարարտանյութերի կարիք ունի։

 

Ջրաբանություն

Քաղաքը բաժանելով երկու մասի, հյուսիսից հարավ հոսում է Ուվոդ գետը (Կլյազմա գետի վտակ)։ Քաղաքի սահմաններում Ուվոդ գետի մեջ են թափվում երկու փոքր գետեր՝ Տալկա և Խարինկա։

Բուսականություն

Գետերի ափերին քաղաքի սահմաններում գտնվում են հանգստի խոշոր զբոսայգիներ՝ Ստեպանովի անվան, 1505 թվականի Հեղափոխության անվան և Խարինկա։ Անտառները, որոնք շրջապատում են քաղաքը, հիմնականում կենտրոնացված են քաղաքի հարավային, արևելյան և հյուսիսային սահմանների մոտ։ Դրանք բնակչության համար հանգստավայր են հանդիսանում։

Էկոլոգիական իրավիճակ

Պաշտոնական տվյալներով էկոլոգիական իրավիճակը Իվանովոյի մարզում գնահատվում է որպես բավարար, սակայն ջրամբարների վիճակը քաղաքի տարածքում այդպիսին չէ։ Քաղաքի միջով հոսող գետերը հիմնականում աղտոտված են կենցաղային աղբով։ Քաղաքում մաքուր խմելու ջրի խնդիր կա, որը հիմնականում վերցվում է Ուվոդի ջրամբարից։ Իվանովո քաղաքում օդի աղտոտման հիմնական աղբյուրներն են հանդիսանում ավտոմոբիլային տրանսպորտը և կարի արտադրամասերը։

Կլիմա

Իվանովո քաղաքի կլիման չափավոր ցամաքային է, որին բնորոշ են համեմատաբար շոգ ամառները և ցուրտ ձմեռները կայուն ձնածածկույթով։ Ձմռան ամենացուրտ ամիսը հունվարն է՝ -11.5°-ից մինչև -12°միջին ամսական ջերմաստիճանով։ Ամռան ամենատաք ամիսը հուլիսն է, որի միջին ամսական ջերմաստիճանը կազմում է +17.5°-ից +18.7°: Միջին տարեկան ջերմաստիճանը կազմում է +3,6˚:

Ջերմաստիճանի և տեղումների տարեկան միջին ցուցանիշները Իվանովո
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	տարին
միջին առավելագույնը (°C)	−8,2	−5,7	0,3	9,6	18,2	21,9	23,7	22,0	15,1	7,3	−0,4	−5,3	8,2
միջին ջերմաստիճանը (°C)	−12,1	−10,1	−4,5	4,8	12,1	15,9	18,1	16,3	10,5	4,2	−3,5	−8,6	3,6
միջին նվազագույնը (°C)	−15,9	−14,5	−8,6	0,0	5,9	9,9	12,5	10,6	5,9	0,8	−5,5	−11,8	−0,9
տեղումների քանակը (մմ)	35	31	29	36	49	69	92	65	55	55	52	44	612
Աղբյուր՝ Ռուսաստանի հիդրոմետկենտրոն

2015 թվականի դրությամբ Իվանովո քաղաքը բնակչության թվով Ռուսաստանի Դաշնության 1114 քաղաքների թվում զբաղեցնում էր 46-րդ տեղը։