La Union Europeane (UE in curt) e je une organizazion sorenazionâl che al dì di vuê e cjape dentri 28 stâts.
L'an de nassude de Union al è il 1992, cuant che al fo fat bon il Tratât di Maastricht, che al cjape il non de citât olandese dulà che al è stât firmât. Prime di cheste date a si cjatin putropis organizazions, come la Comunitât Europeane e prime ancjemò la Comunitât Economiche Europeane, nassude uficialmentri ai 1 di Zenâr 1958.
Lis ativitâts de Union Europeane a cuvierzin dutis lis areis, de salût ae protezion dal ambient, de difese ae economie, ma lis sôs competencis a gambiin une vore: par esempli pe agriculture, la Union e à une politiche comun, ma par la difese spes lis opinions dai stâts a son diviersis e chest al causione problemis.
La Union e à une vore di istituzions:
A chestis a van zontadis chês economichis, come la Bancje Centrâl Europeane, e lis agjenziis che a àn di puartâ indevant politichis par setôrs specifics.
La Union Europeane e à 28 paîs membris, une superficie di 4.326.253 km² e cirche 495 milions di citadins tal 2006. Se e fos un stât unic, al sarès il setim par dimension e il tierç daûr a Indie e Cine pe popolazion.
Dai sîs paîs dal inizi, par mieç di putrops slargjaments si è rivâts a 28 paîs membris.
An | Stât |
---|---|
1952 | Belgjiche, France, Gjermanie Ocidentâl, Italie, Lussemburc, Paîs Bas (membris fondadôrs) |
1973 | Danimarcje, Irlande, Ream Unît |
1981 | Grecie |
1986 | Portugal, Spagne |
1990 | Gjermanie Orientâl, cu la riunificazion |
1995 | Austrie, Finlande, Svezie |
2004 | Cipri, Republiche Ceche, Estonie, Ongjarie, Letonie, Lituanie, Malte, Polonie, Slovachie, Slovenie |
2007 | Bulgarie, Romanie |
2013 | Cravuazie |
Notis:
Par aprofondî l'argoment viôt la vôs Lenghis de Union Europeane. |
Inte Union Europeane a esistin 23 lenghis uficiâls, e ducj i documents presentâts dai citadins aes istituzions Europeanis a puedin jessi scrits in une des lenghis uficiâls. Inte Comission Europeane, purpûr, dome 3 (inglês, francês e todesc) a son dopradis come lenghis di lavôr.
Stâts membris de Union Europeane |
---|
Austrie · Belgjiche · Bulgarie · Republiche Ceche · Cipri · Cravuazie · Danimarcje · Estonie · Finlande · France · Gjermanie · Grecie · Irlande · Italie · Letonie · Lituanie · Lussemburc · Malte · Ongjarie · Paîs Bas · Polonie · Portugal · Romanie · Slovachie · Slovenie · Spagne · Svezie
This article uses material from the Wikipedia Furlan article Union Europeane, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.