Antarktis: Heimspartur

Suðurkollur er undir millumtjóða sáttmála, sum bannar londum at eiga ella gangnnýta landið.

 

Suðurkollur er stórt meginland, og uttan um eru stór høv. Suðurkollur er fjarskotnasta og ómildasta land í heiminum. Oman á næstan øllum meginlandinum er tjúkkur ískappi; úti við strendurnar brotnar í heilum burtur av ískappanum - ísurin kálvar - og ovurstór ísfjøll - upp í 200 km reka til havs.

Suðurkollur er einasta meginland, har fólk ongantíð hevur búsett seg - einastu fólk, ið eru har, eru granskarar, ið granska til dømis jarðfrøðina, veðurlagið og lofthavið uppi yvir Suðurkolli.

Bara um 1200 fólk eru á Suðurkolli um veturin; um summarið eru um tríggjar ferðir so nógv fólk. Øll eru vísindafólk og granska, og 46 granskingarstøðir eru spjaddar um alt meginlandið. Øll hús eru ógvuliga væl bjálvað fyri nógva kuldanum, og nøkur eru grivin niður í ísin, har tað lívir betur, serliga í vindi. Dieselmotorar gera ravmagn til húsini, og allar støðir hava nóg mikið niður fyri av olju, mati og aðrari útgerð til í minsta lagi eitt ár, skuldi ikki verið komandi fram til teirra fyri veður.

Granskarar úr øllum heiminum koma til Suðurkoll at granska veðurlagið, jarðfrøðina og sjáldsama dýra- og plantulívið. Av elligomlum grótsløgum fæst vitan um menning jarðarinnar í jarðfrøðiligari fornøld, og mongu torusteinarnir, sum eru dotnir niður á ísin, geva granskarum upplýsingar úr rúmdini.

Vísindafólk bora niður ígjøgnum ískappan og taka kjarnan upp, soleiðis kunnu tey granska broytingar, sum hava verið, í veðurlagnum.

•  
  Bothoyggj og Mount Scott vestur við antarktisku hálvoynni
•  
  Fotomynd av Antarktis tikin úr einum fylgisveini
•  
  Pingvinurnar í Antarktis hava higartil fingið frið
•  
  Pingvinir í Petermannoynni
•  
•  
  Tangrafjøll í Suðurhetland
•  
  Antarktisk filateli

• Npolar.no - Norsk polarinstitutt
• Antarctic Place-names Commission of Bulgaria Archived 2006-02-07 at Archive.today
• Illustrated map of Livingston Island and Greenwich Island

Wiki Føroyskt 

Sí miðlasavnið

»Antarktis« í Wiki Commons.